PONGAOPEIYU 4:7 - SHEEYU BAIBEL (BSI)

⁷ Hrikhaona arainasü souveo kuwe, ahai chenasü chode kuwe, asü chena vei zhusü emai zhu küwe; alia adai chenasü zhaopoa buyu lühche kuwe.

PONGAOPEIYU 4:7 Iomraidhean Croise

SHURAI 49:9

Judah hai souveo khihaoe, Puhye haiyu maiye southawua lah puh phehi dakhailou bubaie, Puhnou zünü louzü züloulai ae tanü louzü taloulai Mailia puhye daihao louhoe.

2 SAMUEL 1:23

“Saul alia Jonathan, puh haisü khupa soue ae leshi shoe; hri-a bukia ae athai hia puh haisü alikhei sou-a hrüe; puh haisü leche jünou thasho hie, souveo jünou khoupu hie.

TSÜCHITAO 28:2

Teidei linou kaozü moyu mah soukhaie, süthai-apeimai alao pa-a baiwe; ana teidei sühi süthai-apei maitao hai tsüsüyu ae tsüdo buyu thaio, teile sosho-a kaona-a buloulai.

ISAIAH 40:31

Ana Mapao vei vu kholouyu maisü puletao vei pfüchi sü soukhoupu peilai. Puletao sü leche büa shouh pfüloua zhaoloulai. Puletao sü tuta loulai ana vealai moe, puletao hai talai anou holai moe.

EZEKIEL 1:10

Hrikhaona sütao hai zhu adai pfüwe: ngoujülo hai mai zhu pfüe, zhoulova hai souveo pah pfüwe, nalova hai chode pah pfüe, ae thailova hai leche zhu pfüe.

EZEKIEL 1:8

Puletao nou pah adai ae shouh adai pfüyu pei hinou puletao hai mai bah büa shouh khehinou bah adaidai bue.

EZEKIEL 10:14

Soukhaona alihi nou pah adai pfüwe. Zhu arai na hai chode pah pfüe, ahai chena nou mai zhu pfüwe, asü nanou souveo zhu pfüwe ae adai nanou leche zhu pfüwe.

EZEKIEL 10:21

Soukhaona sütao hai pah adai-dai pfüwe, shouh adai-dai pfüwe ae puletao vei shouh khehinou maivei bah bütoua nou bue.

DANIEL 7:4

Araina hai souveo raiwe, ana lühche shouh pfüwe. Süthaisü Enou zhua buyu hinou puhvei shouh sü paide laiwure, alia puhye sü polashu mai ali büa panou phi ahai nou laloure; ae puh hisü maivei tsüle thoupeiwure.

OBADIAH 1:4

Nenou lüche büa kushoa zhaoyuma, teivutao hrohinou ne phe pa soua buyuma, sühinoua Enou neye ponakou khaiwulai.

MAIPEI PHOUYU 23:24

Israel tyahrü hai souveo ali büa khouko bue; puhnou nütoure ngaoloumo koute ae puhnou nülouyu zhe sü ke loumo koute puhnou solai moe.”

MAIPEI PHOUYU 24:9

Souveo ali büa tyahrü süna hai khouko bue; Puhnou dazüyu phaki, mai talia puhye sü soukai pi-e. Mai taralia Israel maiye ha peiyu maisü shiha peilai, ae mai talinoua Israel maiye chaa peiyu mai sü chaa ngaolai.”

1 KORINTHMAI 14:20

Athaihou jürai khemai, neletao nou tsü choyu hisü nahmai büwuso; ana ashi hinou nahmai büloua neletao nou tsü choyu hisü liche-a bulo.

PAODAKHAIYU CHIKHA 28:49

Neletao nou la sümoyu, dousho-a buyu tyahrü ali, Mapao nou neletaoye panou dure donou seive peilai. Puletao nou leche ali büa neletao hisü zhaovelai.

PONGAOPEIYU 4:6

Alia vebuh süna nghojülo hisü leivavathou zhuzhu büyu zai ali bue. Vebuh sünaye sühaopoa, na-zhou, thai-jü hisü, thai-jü hi nghithou nou phoupfüa buyu hrikhaona adai bue.

PONGAOPEIYU 6:3

Alia Zhaotu sünanou paoshee ahai chena hapayu kisü hrikhaona ahai chenanou, “Tavelo!” tea paoyu sü Enou choue.

PONGAOPEIYU 6:5

Alia Zhaotu sünanou paoshee asü chena hapayu kisü hrikhaona asü chenanou, “Tavelo!” tea paoyu sü Enou choue. Alia Enou zhuyu kisü Anghojü hinou rhei teili buyu sü Enou ngaoe. Süna phaovahi buyu puh bah hisü sühchokhao ali poe.

PONGAOPEIYU 6:7

Alia Zhaotu sünanou paoshee adai chena hapayu kisü hrikhaona adai chenanou, “Tavelo!” tea paoyu sü Enou choue.