PONGAOPEIYU 4:4 - SHEEYU BAIBEL (BSI)

⁴ Vebuh sünaye sü kukhe vebuh kaidainou sühaopoa bue, alia sütao vahisü tsümai kaidainou chobua bue. Puletao sü sabah nüh kaanou nouwe ea puletao peiva hisü sana vepeirü rüpfüe.

PONGAOPEIYU 4:4 Iomraidhean Croise

ESTHER 8:15

Süthaisü Mordekai hai vemai vei na daiyu ae kaayu sabanü thouloua, sana peirü pfüloua ae züzüyu sabanü tuloua veo fühao hisü thaowua vakou tapayu phaki, Susa nuhbei hi buyu mai hrülai nou asasoua shusoua bure.

LOUTAO 21:3

Nenou puhye shiha alao soumoa peie, ae puhye veikayu sana nou peirü sü rüpeie.

MATHIU 19:28

Jisu nou puletao hi paoe, “Enou neletao hi chechenou paoe, deiphao ashu nahi Mai Nahpoutu nou puh vei khouko ava vebuh hi bulouyu kisü, Athai fülouyu neletao-a Israel nahmai khü kiahaiye chiku-a vebuh kiahai hinou bulai.

LUK NOU RÜYU KO AVEIBVÜ 22:30

neletaoye panou Avei Vedeihi Avei arübuh hinou tou-sho loure donou ea vebuhtao hinou bua Israelmai khü kiahaiye chi kuloure donou Enou neletao hi vedei ali peikhaitoue.

2 TIMOTHI 4:8

Alia chuo Teithe sükihi acheche chiku-apeio Mapaowo nou Ahi peilaiyu acheche vei Veo peirü nasü Eye donou soudapei khaitoua bure, alia süsü Ahi likhei peibai laimoe, ana puh veyu sü leshia khoa buyu puletao hrülai hi-a peilai.

PONGAOPEIYU 11:16

Sükisü Ramai nghojünou puletao vei vebuh hinou chobua buyu tsümai kaidai taonou puletao pahsü deiphihi pfüna kouloua Ramaiye thoa,

PONGAOPEIYU 14:3

Mai 144,000 sütaonou vebuh, hrikhaona adai sütao, alia tsümai sütao nghojünou laloua maitalinoua doulou hoyu lou ashu nasü puletao nou souwe. Deiphao maikhemai hrülai hinou khailu palouyu sü puletao likhei baie.

PONGAOPEIYU 19:14

Rakiva reihmai taosü sheetouyu ea kaavavayu jüyu sahnou bahnoua rhei kaatao vahinou puhthaisü füa laiwe.

PONGAOPEIYU 19:4

Tsümai kaidaitao ea hrikhaona adaitao nou kou kaoloua vebuh hinou chobua buyu Ramaiye sü tholoua paoe, “Amen! Hallelujah!”

PONGAOPEIYU 2:10

Nenou thala-a veahoyu daore süvanou pikhaiso. Zhukhaio rashinanou neletao kamaiye zhai zhure donou hukhahi laithoulai, alia neletaosü teithe kiruopha veaholai. Athai koute Ahinou cheche-a bulo, alia ahri Veo peirüsü peilai.

PONGAOPEIYU 20:4

Süthaisü Enou vebuhtaosü ngaoe, alia sütao vahinou buyu puletao hisü chikupeire khoukosü peire. Alia Jisu nou pongao peiyu cheche ea Ramai vei chipao paodouyu vanou peideyu maitao vei rakotaosü Enou ngaoe. Puletao nou khaosou sünaye moa puhvei zhu raiyu bashara naye thomoe, alia puletao puva hi moa puletao bah hi khaosou sünavei shee nasü pfülai moe. Puletao nou hrishuloua Khristaye koa po theli sü ve-a hrüe.

PONGAOPEIYU 3:18

Südonou ne hani loure donou mei hinou pothou deiloua kukhai touyu sana, ne baitouyu vanou ahraoyu sü mainou ngaolou more hokhaiyu sabanüh kaa, alia nenou ngaoloure donou ne nghithouhi naloure theadzü sü Ahinou hrüloure donou Enou nehi paodou peiwe.

PONGAOPEIYU 4:10

tsümai kaidai sütaonou vebuh hinou buyu puh nghojü nou kou kaoloua teisa nou hria buyu puhye sü khurüwe. Puletao nou puletao vei veo peirü taosü vebuh süna nghojü hi polai koulou-a haibüa lou souwe:

PONGAOPEIYU 4:6

Alia vebuh süna nghojülo hisü leivavathou zhuzhu büyu zai ali bue. Vebuh sünaye sühaopoa, na-zhou, thai-jü hisü, thai-jü hi nghithou nou phoupfüa buyu hrikhaona adai bue.

PONGAOPEIYU 5:11

Süthai-a Enou zhukhaie, alia Enou rakivamai thethe ea zzü zzü paisü chouwe! Puletao sü vebuh süna, hrikhaona sütao ea tsümai sütaoye sühao poa la-a bue,

PONGAOPEIYU 5:14

Sükisü hrikhaona adaitao nou chila peie, “Amen!” Alia tsümaitao nou deiphinou kou kaoloua khurü loure.

PONGAOPEIYU 5:6

Süthaisü Enou Zhaotu aliye vebuh tsüle hinou, hrikhaona adaitaonou ea tsümaitao nou sühao-a buyu sü ngaoe. Zhaotu sünasü raichoki datheayu kue. Sünavei kai anai ea nghithou anai bue. Nghithou sütaosü deiphao teiteihi seitayu Ramai vei rako anaitaoe.

PONGAOPEIYU 5:8

Alia puhnou süsü polouyu kisü, hrikhaona adai sütao ea tsümai kaidai taosü kou Zhaotu nghojünou kaotare. Puletao mailili bah hisü lanabvü aduna chekhei bue, alia mei deiloure kaivei shoyu nanou phoua buyu sana paitao-a bue, sütaosü sheeyu maitao vei veachi nasüe.

PONGAOPEIYU 6:11

Sükisü puletao mailili hisü zaokaa adu chekhei peie, alia puletaoye southeayu büa southea laiyu puletaoye koa kilai souyutao ea puletao vei thaihou jürai maitaoye-a dathea chekhoumo koutesü phajü sopuloulaiwo tea puletao hi paopeie.

PONGAOPEIYU 7:11

Alia rakivamaitao hrülainou vebuh süna tsümaitao ea hrikhaona adai sütao pe hinou lasühao-a bue, alia puletao pahsü vebuh süna nghojü hi pfüshou kouloua Ramaiye tho-a,

PONGAOPEIYU 7:9

Haina thaisü Enou zhue, alia zhukhaio, Anghojü hisü maitalinou a phoushalou hoyu maisou khemaisü bue. Puletao sü maitya, khü, tahrüh ea la tyali hinou taveloua zaokaa adutao noupoa ea puletao bah hi hashi botao poa vebuh ea zhaotu nghojünou la-a bue.

PONGAOPEIYU 9:7

Khahzü sütao zhusü reih donou soudayu rheitao kue; puletao peiva hisü sana veo peirü kua rüpfüe, alia puletao pahsü emai pah kue.