PONGAOPEIYU 4:2 - SHEEYU BAIBEL (BSI)

² Süphabü hinou Esü rako hinou buloure. Alia zhukhaio, raki vanou vebuh ali bua sühisü mai alinou chobua bue.

PONGAOPEIYU 4:2 Iomraidhean Croise

1 VEMAITO 22:19

Mikaiah nou haibüa paopue, “Mapao nou paoyu chi sü keilo! Rakiva nou Mapao sü puhvei vebuh hi bue, ae rakivamaitao nou puhye sühao poa buyu sü Enou ngao-e.

LOUTAO 11:4

Mapao hai puhvei sheeyu rathoki hinou bue; puhvei vebuh sü raki vanou bue. Puhnou deiphao mai hrülaiye sü zhuwe ae puletao nou soupfüyu veishi sü süwe.

ISAIAH 6:1

Veo Uzziah thaiyu po hi Enou Mapao ye ngaoe. Puh hai du-sho shoa nou puhvei vebuh hinou bue, alia puhvei naazao kai nou kou rathoki sü phoutao loure.

JEREMIAH 17:12

Veishoyu vebuh ali büa Etao vei Rathoki hai shurai nou kushoyu deichi pei hinou bue.

EZEKIEL 1:26

Hrikhaonatao pei hinou haorüa soukhai touyu phaova nou mutei chuh saphir nou soukhai touyu vebuh ali büa nou bue, ae vebuh sühisü mai ali nou buyu büa nou bue.

EZEKIEL 1:28

ae sühisü rüraipao vei zhusa teitei hai loue. Sünasü Mapao nou buyu vei ava nasü baire. Enou sünasü ngaolouyu phaki, apei sü pfüa deiphi nakou loure. Süthaisü lapai ali haibüa paoyu Enou chou-e.

EZEKIEL 10:1

Süthaisü Enou zhuyu phaki, shouh pfüyu khaonatao pei hinou haorüa buyu phao hinou mutei chuh nou soukhai touyu vebuh ali büa zhingao-e.

DANIEL 7:9

Enou zhua buyu phaki, vebuh khesü pokou khaipeia zhingaoe. Teisa nou hria buyu mai süna sünou vebuh ali hi kou buloure. Puhvei sabanü hai vürah büa kaawe ae puhvei peishu hai veikayu phako büe. Puhvei vebuh hai lukiphi pfüa mei taopoa tawe.

MATHIU 22:43

Jisu nou puletao hi paoe, “Sükulouzü kabüa Rakonou süpeia David nou puhye ‘Mapao’ tea kuwe? Süolouzü,

EBRIAMAI 8:1

Chuwo Eletao nou pao-a buyu ko teitei nasüwo louzü Eletao vei raki hi adusho vei vebuh bahkha zhoulo vanou chobua buyu haikuyu napao peicha nasü bue.

PONGAOPEIYU 1:10

Mapaowo teithe kisü Esü Rako hinou bue, alia bekho büyu kushoyu paili Enou Athailo vanou choue.

PONGAOPEIYU 12:5

Sükisü naotupai sünanou nah Poutumai ali naloure. Nah Poutu sünasü tahrüh hrülaiye hu südanou potukha-a sahrülaiyu pue. Ana nah sünaye saoposhu Ramai hi ea puhvei vebuh hi pokhe khaire.

PONGAOPEIYU 17:3

Sühinou rakivamai sünanou Eye rako hilonou sataloua rekouhi saho khaipeie. Sühinou Enou naotumai aliye Ramaiye paoshiyu zhihtaonou rüthou phoukhai touyu horoyu khaosou ali phaova hinou chobua ngaoe, alia khaosou süsü pei anai ea kai kiruo pfüe.

PONGAOPEIYU 19:4

Tsümai kaidaitao ea hrikhaona adaitao nou kou kaoloua vebuh hinou chobua buyu Ramaiye sü tholoua paoe, “Amen! Hallelujah!”

PONGAOPEIYU 20:11

Süthaisü dushoyu vebuh kaali ea süvanou chobuyu puhye sü Enou ngaoe. Deiphao ea rakisü puh nghojünou tutare, alia sühaiye sü ngaopukhai more.

PONGAOPEIYU 21:10

Alia rako hinou rakivamai sünanou Eye dushoyu ea kushoyu deichi ali pei hi sapaloua Mashee Jerusalem nuhdu nasü Ramai hinou raki vanou kouyu sü Ahi pongaopeie.

PONGAOPEIYU 21:5

Sükisü vebuh vahinou chobuyu puhnou paoe, “Zhukhaio, Enou na teiteisü soushu peire!” alia puhnou Ahi paopukhaie; “Haisü rükhaio, daiolouzü chipao haitaosü louchelouveie ea chechewe.”

PONGAOPEIYU 3:21

Enou reih koloua Apuoye koa puh vebuh hinou buzhoyu büa, reih kolouyu puhtao hisü Eye koa Avebuh hinou buloure zü nasü Enou peilai.

PONGAOPEIYU 4:10

tsümai kaidai sütaonou vebuh hinou buyu puh nghojü nou kou kaoloua teisa nou hria buyu puhye sü khurüwe. Puletao nou puletao vei veo peirü taosü vebuh süna nghojü hi polai koulou-a haibüa lou souwe:

PONGAOPEIYU 4:5

Vebuh süna hinou tei peivavayu, pairao ea teisüyu kho tyatyali pawe. Alia vebuh süna nghojü hisü mei keivava pfüa buyu meibvü anai bue, sütaosü Ramai vei rako anaitaoe.

PONGAOPEIYU 4:9

Alia hrikhaona sütaonou teisanou hria vebuh hinou buyu puh hi adusho, tsükhouyu ea kalo pao-a lou souyu tsühsü,

PONGAOPEIYU 5:1

Alia vebuh süna vahi buyu mai süna bah zhoulo vanou Enou larübvü ali ngaoe; Sühavei phao-le ahai hisü larüchah rüthou phoutsü khaitoua paoshee anai nokhaitoue.

PONGAOPEIYU 5:13

Süthaisü Enou raki hi, deiphao hi, deikhe hi, zai hi, alia teideiphao teitei hi buyu hrikhaona hrülai nou haibüa lou souyu sü choue: “Vebuh hinou buyu puh ea Zhaotu hisü paoshoyu, tsükhouyu, adusho ea khou-chihyu buyu sü teisanou souloukhaio, teisanou!”

PONGAOPEIYU 6:16

Puletao nou deichitao ea chuhlea taohi paoe, “Eletao pei hi pokouloua Ehye sü vebuh hi buyu puh nghojünou ea Zhaotu sünavei rarouyu hinou pokupeio!