PONGAOPEIYU 3:9 - SHEEYU BAIBEL (BSI)

⁹ Zhukhaio, Saitan vei me sou-a buyu süolouzü puletao hai Jihudimaie tea paokhai-a chekhao moyu ana dabaiyu puletaoye sü Enou panou ne hi taveloua nephi hinou kou khurülai, alia Enou neye leshiwe touyu sü puletaoye panou süloulai.

PONGAOPEIYU 3:9 Iomraidhean Croise

ESTHER 8:17

Nuh hinou alia vedei hinou hrüa buyu Jihudimai hrülai nou seitayu kharochi nasü süloukhaie, puletao nou asah soua kaonayu khonü nasü nüe. Alia maitya kukhe taoli hai Jihudimai ye ngaopiyu donou Jihudimai soulai tea soutare.

TAPALOUYU 11:8

Moses nou akhai soua haibüa paopue, “Ne khe hinou buyu peikho maitao hrülai nou ahi tave Eye khurüa nevei maitaoye sü buh hai hinou sata peio tea paolai. Süthai sünou Enou amaitaoye sa-a talai.” Süthaisü Moses nou rarou shoa veoye thaowua tare.

ISAIAH 43:4

Neletao hai avei nghingao hinou muh teishoe ae Enou neletaoye leshi-e alia tsükhou peie. Südonou deiphao hi hrüyu tyahrü hrülai nou pothou neletao vei hrirai lealoue.

ISAIAH 45:14

Mapao nou Israel mai hi paoe, “Ejipt hi buyu nangitao ae Sudan hinou huhasoua buyu na khesü neletao vei soulai, ae duso shoa buyu Seba maikhesü neletao vei qila soulai; puletao sü hurai khipoa neletao thaifü talai. Puletao sü neletao phi hi nakou khurüa haibüa mah paopalai, Ramai sü neletaoye koa salai peiwe, puh baimoa nou ramai kukhe ha-e.

ISAIAH 49:23

Veo maitao nou neletaoye kiko peiyu puo ali soulai, ae vemai pfütao nou neletaoye kipeiyu pfümai soulai. Puletao nou neletaoye nakou khurülai ae neletaoye khuhao-a tsükhou peilai. Süthaisü E hai Mapao nasüe touyu neletao nou süloulai; Avu rei-a Eye khoyu mai taralia hraongu ngaolai moe.”

ISAIAH 60:14

Neletaoye souveayu nahmai ae tyaomaitao nou tave neletaoye tsükhoua khurülai, ae neletaoye ngaorayu mai veishi nou tave neletao phi deiloua neletaoye tholai, alia puletao nou neletaoye ‘Mapao vei nuhdu,’ ae ‘Isreal maivei Sheeyu Ramai vei Zion Nuhdu’ tea kulai.

JOHAN 17:23

Puletaoye panou alikhei souloure donou Enou puletao hi bue ea nenou Ahi bue, sükuyu hinou nenou Eye seivepeie ea nenou Eye leshiyu kua puletaoye-a leshiwe touyu sü deiphao mainou süloulai.

PONGAOPEIYU 2:9

Enou nevei veahoyu ea toure hayu sü süwe, ana newo chechenou haniwe! alia lah puletao münou puletaohai Jihudimaie tea paokhaia chechemoyu ea Saitanme hinou vebaiyu puletao nou nepei hi chishi paoyutaosü Enou süwe!

1 SAMUEL 2:36

Shokhaitoua buyu nevei kihikha maitao nou tave napao hinou pousha moa touso ngaotou loure donou haibüa kholai, ‘Naanou soure vahbu ali hi Eye zhuvea nou thoupeio, sübüa E-a panou khaoto müphou ali-a toulo.’ ”