PONGAOPEIYU 3:8 - SHEEYU BAIBEL (BSI)

⁸ Enou nevah taosü süwe. Zhukhaio, maitalinoua khulou hoyu houkhai touyu kikhuli Enou ne nghojühi pokhai peire. Neivei khouko daotu bubaie touyu sü Enou süwe, sütoukhai-a nenou Achi sü poloua Azhihsü bamoe.

PONGAOPEIYU 3:8 Iomraidhean Croise

TSÜCHITAO 30:9

Hakinou E hai toungi sholou louzü, neye malaiwua “Mapao sü thaoe?” tea paoshulai. Mokhaia E hai touha sholouzü, maivei vaota-a avei Ramai zhih sü soushi shulai.

DANIEL 11:34

Puletao nou sübüa vea nou buyu phaki, Ramai vei maitao nou soukha doutu ngaoloulai, anou puletaoye soukhayu maitaoli hai lahvei kaozhou aveih ngaoloure donou soua bailai.

LUK NOU RÜYU KO AVEIBVÜ 12:9

ana Eye maikhemai nghojünou motouyu puhye sü Ramai vei rakivamaitao nghojünou motoulai.

JOHAN 15:20

Enou neletao hi paopeiyu chipao nasü lilo; ‘Kilai talia puh paopu jünou dumoe.’ Puletao nou Eye souvea-souho louzü, puletao nou neletaoye-a souvea souholai; puletao nou Achi zülouzü, puletao nou neletao chi-a zülai.

JOHAN 17:6

“Deiphao hinou nenou Ahi peikhai touyu puletao hi Enou nezhihsü süngao peire. Puletao sü neveie, alia nenou puletaoye Ahi peire, alia puletao nou ne chipaosü züloure.

SEI-ATAMAI VAHTAO 14:27

Puhainou Antiok hi velou louyu kisü, lüloumaime taoye kuve dzüloua Ramai nou puhaiye koa vah souyu teitei ea kakua puhnou tahrüh kukhemai taohi lülouyu vei kikhu sü houpeisa touyu chi teitei sü puletao hi paongao peie.

1 KORINTHMAI 16:9

daiolouzü buh haihisü ngaobamai alao bukhaia, Eye donou vah du-sho soulou vei phasü houpei khaitoua bue.

2 KORINTHMAI 2:12

Enou Khrista vei Ko Aveina paodoure donou Troa hi velouyu kisü, Mapaowo donou sühinou vah souloure kikhu houpei khaitouyu sü Enou ve ngaoloue.

PHILIPPIMAI 4:13

Eye soukhou peiyu Khrista puh vanou Enou ha teitei soulousüe.

KOLOSSEMAI 4:3

Alia Ramai nou Eletao hi Khrista vei kheitsüna vanou puh chipao paodou loure teile kaozhou avei peiloure donou Ehye donou-a veachi paopeio. Daiolouzü süna donou Esü chu hukhahi buwe.

1 TIMOTHI 5:8

Ana maitalinou puhvei ta-rai maitaoye ea matsüsoua lah puhvei kikha maitaoye ki-kotou peimo louzü puhnou lü naye sü baloure ea puhsü lüloumomai ali jünou shikoure.

2 TIMOTHI 4:7

Enou reih veitoua züloure, Enou tuvare nasü tuva chewure, alia Enou lü nasü potou loure.

JUD VEI SEIKO 1:4

Daiolouzü daorainou Ramai nou moe tea mah dukhaiyu, Ramaiye sümoyu puletao vei khu-lou vah donou Eletao Ramai vei zhuvea paomah-paomo peiyu, alia Eletao vei likhuyu Dou-apeio ea Mapao Jisu Khristaye pobayu mai kamaisü kheia Eletao hrohi velou loure.

PONGAOPEIYU 2:13

Nenou hrüa buyu buh sü Enou süwe, sühisü Saitan vei vebuh bue. Newo Azhih hinou cheche-a bue, alia Avei cheche zhopaoh sou-apeio Antipas ye Saitan nou buyu buh sühinou southeayu ki koutea newo Ahi lüa buyu hai hakia thaokhai moe.

PONGAOPEIYU 2:2

Enou nevah ea nenou kazhou koute te-a ea shamea-a vah sousa touyu sü süwe; alia nenou maishimai taoye koa shamea zholouhoe touyu süolouzü puletaohai sei-atamai mokhaia sei-atamai baie tea paoyu sümaitao zhaisü nenou zhuloua puletao vei amadasü phoupaloue touyu sü Enou süwe.

PONGAOPEIYU 22:7

Jisu nou paoe, “Zhukhaio! Esü thala-a laire! Larübvü hainavei rachi paopakhai touyu chipaotao zülouyu puhsü rakoveie.”

PONGAOPEIYU 3:1

“Sardis hi buyu lüloumaime vei rakivamai nahi rükhaio: “Chi haisü Ramai rako anai ea teivuh anai buyu puhvei chipaoe. Enou nevah taosü sü we; ne hrihie touyu zhihsü bue ana newo thaire!

PONGAOPEIYU 3:10

Avei shamea loure chikha nasü nenou zülouyu vanou, Enou neye sü deiphao teiteihi velaiyu veahoyu teilecho süna hinou khaipa peilai.

PONGAOPEIYU 3:15

Enou nevah taosü süwe; newo kao-a kaomoe, sou-a soumoe. Nenou kaomo louzü souyu sü Enou züpae!

PONGAOPEIYU 3:7

“Philadelphia hi buyu lüloumaime vei rakivamai nahi rükhaio: “Chi haisü mashee ea checheyu puhvei chipaoe. David vei khareih sü puh hi bue, alia puhnou kikhu houpawu louzü, süsü maitalinoua khulouhoe, alia puhnou süsü khuwu louzü, süsü maitalinoua houpa louhoe.