PONGAOPEIYU 3:7 - SHEEYU BAIBEL (BSI)

⁷ “Philadelphia hi buyu lüloumaime vei rakivamai nahi rükhaio: “Chi haisü mashee ea checheyu puhvei chipaoe. David vei khareih sü puh hi bue, alia puhnou kikhu houpawu louzü, süsü maitalinoua khulouhoe, alia puhnou süsü khuwu louzü, süsü maitalinoua houpa louhoe.

PONGAOPEIYU 3:7 Iomraidhean Croise

JOB VEI LARÜBVÜ 11:10

Ramai nou neye nülou-a hukha ki hi thouwure toulouzü neye vupapei loure thao bulai?

JOB VEI LARÜBVÜ 12:14

Ramai nou soukhaoyu naye thaonou soushupu loulai? Alia Ramai nou hukhaki hi thoukhaiyu naye thaonou shupapei lousüe?

LOUTAO 145:17

Mapao nou souyu vah teitei hai kaozü hinou soupeia baie, ae puhnou leshi hinou vah haso veishi hai soupeie.

LOUTAO 16:10

daiolouzü puhnou Eye athai vei khouko hinou vupa peie. Enou chilee cheche-a puhvei kuvah sü soupeie, ae puhnou Eye thaimai vei teidei hisü panou hotalai moe.

LOUTAO 89:18

Oh Mapaowo, nenou Etaoye vupa-apeio nasü dopa peie; Israel maivei sheeyu Ramai, nenou Etaoye sü veo ali peie.

ISAIAH 22:22

Enou puh hisü veo vei khouko teitei ae David kihikha maivei khareih sü thoupeilai; sübüa puhnou kikhuyu sü mai linoua houlou laimoe, ae puhnou houkhai touyu nasü mailinoua khulou laimoe.

ISAIAH 30:11

Etao ludu sü nusho, ludu vapeio, Etao nou Israel maivei Sheeyu Ramai vei chipao sü keinü moe.”

ISAIAH 41:14

Mapao nou paoe, “Shikhaotu büa lülohoa buyu Israel maitao, ngaopiso, Enou neletaoye soukha peilai. E hai neletaoye khailupa apeio, Israel maivei Sheeyu Ramai nasüe.

ISAIAH 41:16

Neletao nou puletaoye sü thou thaoyu büa thaolaiwulai, ae teikhai nou puletaoye sü hüpo talai, alia teikhai teirü ashi sünou puletaoye sü soupho rarou peiwulai. Süthaisü neletao nou asalai, daiolouzü E hai neletao vei Ramai donou, ae Israel maivei Sheeyu Ramai, Eye neletao nou paosholai.

ISAIAH 41:20

Hai khesü Israel maivei sheeyu Mapao, Enou soupeie touyu sü maikhe mainou ngaoloulai alia süloulai.”

ISAIAH 47:4

Etaoye khailu-apeio, Khoukhoulai Mapao touyu sü puhvei zhih-e, Puh hai Sheeyu Israel maivei Ramaie-e.

ISAIAH 48:17

Neletaoye khailu-apeio, Israel maivei Sheeyu Ramai Mapao nou haibüa paoe, “E hai neletao vei Ramai Mapao nasüe, neletaoye panou veiloure donou paodou apeio nasüe, ae neletao nou tare ludu hi süthaisa-a tapeiyu nasüe.

ISAIAH 49:7

Sheeyu Israel maivei Ramai ae puletaoye khailupa apeio nou tyahrü hrülai nou jüpamoa ngaora sho-a buyu ae nuh teidei kho-a buyu maitao vei kilai na hisü haibüa paoe, “Veo maitao nou neletaoye phapeiyu sü ngaolai, ae puletao nou lashu neletaoye tsükhou peilai; veo mai nahtao-a neletaoye ngaoloua puletao nou deiphi nakou neletaoye khurülai.” Daiolouzü neletaoye sü puhvei kilai panou soulai tea dolouyu vanou louchelou veiyu Israel maivei Sheeyu Ramai Mapao nou puhvei apaopei khaitouyu nasü soupeilai.

ISAIAH 54:5

Daiolouzü neye Sou-apeio sünou nevei maipou ali büa sabu peilai, Khoukhoulai Mapao touyu sü puhvei zhih-e. Sheeyu Israel maivei Ramai nou neye sü khailupa peilai, puh hai deiphao teitei vei Ramai nasüe.

ISAIAH 55:5

Chuo neletao nou sümoyu tyahrütaoye neletao hi kupoa velai, ae neletaoye sümoyu tyahrütao nou neletao hi tupoa velai. Daiolouzü sheeyu Israel maivei Ramai Mapao, Enou neletaoye sü souduso peiwure.”

ISAIAH 6:3

Puletao hai alinou ali hi haibüa paoe, “Masheeo, Masheeo, Masheeo! Khoukhoulai Mapao hai mashee-e! Puhvei khoukho ava sünou deiphao teitei hi phupoa nou bue.”

MATHIU 16:19

Enou nehi raki Vedei vei khareih peilai, alia deiphao nou nenou phuyu talihai rakihi-a phukhailai, alia deiphao nou nenou pheipeiyu talihai rakihi-a pheipawulai.”

MATHIU 24:35

Raki ea deiphao hatalai, ana Achipaotao louzü halaimoe.

MARK 1:24

“Nazareth hi Jisu, nenou Ehye koa dai soure bue? Ne Ehye souhare donou vewu? Ne thaohsa touyu Enou süwe, ne hai Ramai vei Mashio süe!”

LUK NOU RÜYU KO AVEIBVÜ 1:32

Puhsü dusholai, alia puhye nou Aku Kulai Ramai Nahpoutu tea kulai. Alia Ramai, Mapaowo nou puh hi puhpuo David vei Vebuh sü peilai,

LUK NOU RÜYU KO AVEIBVÜ 4:34

“Oh! Nazareth hi Jisu, nenou Ehye koa dai soure bue? Newo Eletaoye souhare donou vewu? Nehai thaohsa touyu sü Enou süwe, ne sü Ramai vei Mashio nasüe!”

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

SEI-ATAMAI VAHTAO 3:14

Alia neletao nou Masheeo ea Achecheo naye sü baloua maiye southeamai aliye sü neletaoye donou phapeire kholoure.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

PONGAOPEIYU 1:11

Pai sünanou haibüa paoe, “Nenou ngaoyu taosü larübvü ali hi rüthoukhaio, alia larübvü süsü nuhdu anai haitao hi buyu lüloumaime hi süolouzü Ephesa, Smurna, Pergamam, Thuatira, Sardis, Philadelphia ea Laodikia haitaohi seive peikhaio.”

PONGAOPEIYU 1:18

Esü hria buyu nasüe; Esü thaire, alia zhukhaio Esü teisanou hriwe, alia athai ea thaimai deiphao pei hi khore khoukosü ahi bue.

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,

PONGAOPEIYU 15:3

alia puletao sü Ramai kilai Moses vei lou ea Zhaotu süna vei lousü soua bue: “Khoukhoulai Ramai Mapao, nevei vahtaosü daizhozhou dusa ea khupasa! Oh tahrüh khemaitaopei Veo, nevei ludutaosü daizhohou kaozüsa ea chechesa!

PONGAOPEIYU 16:7

Sühinou sheelabuh hinou pai alinou haibüa paoyu sü Enou choue, “Ovai Khoukhoulai Ramai Mapao nevei chikuyu taosü chechewe ea kaozüe!”

PONGAOPEIYU 19:11

Süthaisü Enou rakisü houpa khaitoua ngaoe, alia zhukhaio, sühisü rhei kaali bue. Rhei sünaye pfüa laiyu puh zhihsü Louchelou-aveio ea Checheo tea kuwe. Acheche hinou puhnou chikuwe ea reih züwe.

PONGAOPEIYU 19:2

Daiolouzü puhvei chikuyu sü cheche-e ea kaozüe! Deiphaoye puhvei khulou souyu vah sünanou souhao-soushi peiyu khakhapfü adupainaye sü puhnou chikupeire. Ramai nou puhvei kilaitao zhe khühsü puh hinou phouloure.”

PONGAOPEIYU 2:1

“Ephesa hi buyu lüloumaime vei rakivamai nahi rükhaio: “Chi haitaosü bah zhoulo vanou teivuh anai keipoa buyu ea sana meibvü dzükhaiyu buh anaitao hronou talaia buyu maisüna vei chipao nasüe.

PONGAOPEIYU 21:5

Sükisü vebuh vahinou chobuyu puhnou paoe, “Zhukhaio, Enou na teiteisü soushu peire!” alia puhnou Ahi paopukhaie; “Haisü rükhaio, daiolouzü chipao haitaosü louchelouveie ea chechewe.”

PONGAOPEIYU 3:14

“Laodikia hi buyu lüloumaime vei rakivamai na hi rükhaio: “Chi haisü acheche ea chekhaoyu zhopaohsouwo, Ramai nou soukhai touyu teiteivei beihna, Amen puhvei chipaoe.

PONGAOPEIYU 4:8

Hrikhaona adai sütao ali linou shouh arou-rou pfüe, alia puletao phaole teitei hisü nghithounou phoutsüpfüa bue, alia puletao nou sokhaimoa khei-hea nou haibüa lousouwe: “Mashee, mashee, mashee, raiki nou buyu, chuchu buyu alia thaikhai hi velaiyu puhsü Khoukhoulai Ramai Mapaowo süe.”

PONGAOPEIYU 5:9

Alia puletao nou haibüa ashu lousü souwe: “Newo larübvü süna poyu ea sünavei paosheetao hapayu züdoue. Daiolouzü neye sü southeare, alia khü, la, mai ea tahrüh liki hinou maikhe maiye ne zhenou Ramaiye donou hrüloue.

PONGAOPEIYU 6:10

Puletao nou shusou shaloua, “Mashee ea acheche, Khoukhoulai Mapao! Deiphao hinou hrüa buyu maikhe maitao pei hi nenou chikumojü ea Akhemai zhevei khü phoumojü teile kasho doua bulaihie?”