PONGAOPEIYU 3:4 - SHEEYU BAIBEL (BSI)

⁴ Ana Sardis hi buyu neletao hrohinou mai daotuwo louzü puletao vei sabanüh soutei mohie. Puletao nou sahkaa ba-a Eye koa talaitalai, daiolouzü puletao nou süsü souzüe.

PONGAOPEIYU 3:4 Iomraidhean Croise

1 VEMAITO 19:18

Ana Israel hi Baal ye nakou khurüa tho moyu, ae puh ye mümu mütei moyu mai thenai sü Enou shokhai touhie.”

ESTHER 8:15

Süthaisü Mordekai hai vemai vei na daiyu ae kaayu sabanü thouloua, sana peirü pfüloua ae züzüyu sabanü tuloua veo fühao hisü thaowua vakou tapayu phaki, Susa nuhbei hi buyu mai hrülai nou asasoua shusoua bure.

LOUTAO 68:14

Khoukhoulai Ramai nou veo maitaoye Zalmon deichi hinou soupho rarou peiyu phaki, puhnou buh sühisü panou vüra sü koue.

KOPAODOUWO 9:8

Nevei sabanü sü panou teisa kahlo; ne pei hisü panou theadzü chejüa buso.

ISAIAH 1:9

Khoukhoulai Mapao nou kamai-a panou hria phapei moyu thaio, Jerusalem nuhdu hai Sodom ae Gomorrah büa souhazei laire.

ISAIAH 52:1

Oh Zion, kaishulo, ae khouchilo! Oh Sheeyu Ramai vei nuhdu, nevei sabanü aveih nasü tulo. Daiolouzü sheemoyu ae vakou mainou nevei robomü hisü taloupu khailai more.

ISAIAH 61:10

Mapao zhih hinou E asa sholai, avei hrümai teitei nou poa Ramai hinou asalai, daiolouzü shinghire maiye poupatou ae sabanü aveih thoupeiyu büa Mapao nou Eye khailupa peiyu sabanü noupeie, ae acheche sabanü nou banou peie.

ISAIAH 61:3

Zion hinou dopfü buyu maitao hi vounai thaosü pouparaizhao peire donou, levea-a buyu na thaosü savayu pove peire donou, dopfüa buyu thaosü paoshoyu pove peire donou Mapao nou Eye doloua seitawe. Puletao hai Mapao nou shokhai touyu süübe ali bülai, puletao nou acheche nasü soulai, alia Mapao nou soukhai touyu vahtao donou puhye sü paosholai.

ISAIAH 64:6

Etao mai hrülai nou sheemore, ae Etao nou acheche vah souyu teitei-a sheemoyu sah ali büre. Etao mai hrülai sü süünghou ali büa paitare, ae Etao vei mahmo sünou Etaoye sü teikhai nou süünghou hülaiyu büa hüpoa tare.

LEVIMAI LARÜBVÜ 13:48

moa deizüzüyu moa soumai sah tarali hia moa souhee nou soukhai touyu na tarali hia,

MATHIU 10:11

“Neletao nou nuhdu moa nuh talihi talouyu kisü neletaoye sasa-a shepeiremai kamaiye phoulouwo, alia neletao nou buh süsü thao-a tamo koutesü puhye koa buwo.

MARK 16:5

Südonou puletao nou khüh hi taloue ea sühinou puletao nou sahkaa bayu khemaina ali bahkha zhoulonou chobuyu ngaoloua puletao hai khupare.

LUK NOU RÜYU KO AVEIBVÜ 20:35

ana athai hinou hrishu züe ea vere teilehi ve hrüzüe tea polouyu mai sütao donou louzü sükisü shee-nghi laimoe.

LUK NOU RÜYU KO AVEIBVÜ 21:36

Ana pare sütao teitei hinou tupa loure ea Mai Nahpoutu nghojühi lalou süre khouko buloure donou teile veishi hinou veachi paoyu noupu zhaihe-a bulo.”

SEI-ATAMAI VAHTAO 1:15

Alia teithe sütao kisü lüloumaitao hrohinou Pitar nou tashu laloua paoe (vedzüa buyu mai kaihlia kai phae),

2 THESSALONIMAI 1:5

Ramai vei chikuyu hai cheche-e touyu sü haitao teiteinou zhopaoh peiwe süolouzü Ramai vedei donou nelenou sübüa vea-hoyu vanou neleye puh vedeimai souzüe tea poloulai.

JUD VEI SEIKO 1:23

kukhe maitaoye mei hinou daopaloua puletaoye khaipeikhaio; alia kukhe maitao hisü piyu nou koa zhuvea peikhaio, ana puletao vei ke-zhe züpa nou souhaokhai touyu puletao vei sahnü taosü ngaora loukhaio.

PONGAOPEIYU 1:11

Pai sünanou haibüa paoe, “Nenou ngaoyu taosü larübvü ali hi rüthoukhaio, alia larübvü süsü nuhdu anai haitao hi buyu lüloumaime hi süolouzü Ephesa, Smurna, Pergamam, Thuatira, Sardis, Philadelphia ea Laodikia haitaohi seive peikhaio.”

PONGAOPEIYU 11:13

Süphabü hinou sühisü nü süshisho loure; alia nuhdu süsü zha kiruo hinou alisü souhare ea nü süyu süna vanou mai thenaiye southeare; alia maikukhe taosü ngaopisho loua rakibu Ramai vei adushosü paosho loure.

PONGAOPEIYU 14:4

Mai haitaowo louzü puletao lah naotumai hinou souzhaiwu moyu maitaoe, daiolouzü puletao lahnou shee-a buloure. Puletao nou Zhaotu sünanou tayu buh tali hisü thaifüa laiwe. Puletaoye sü deiphao maikhemai hrohinou khailu paloua raikaiyu rashi thoutao kua Ramai hi ea Zhaotu sünahi popeire.

PONGAOPEIYU 19:14

Rakiva reihmai taosü sheetouyu ea kaavavayu jüyu sahnou bahnoua rhei kaatao vahinou puhthaisü füa laiwe.

PONGAOPEIYU 19:8

Alia puhye panou veithou peivavayu ea sheetouyu jüyu sahnou bahnou loure donou süsü puh hi peire.” (Daiolouzü veishoyu jüyu sah sünasü sheeyu maitao vei cheche vahtaoe.)

PONGAOPEIYU 3:18

Südonou ne hani loure donou mei hinou pothou deiloua kukhai touyu sana, ne baitouyu vanou ahraoyu sü mainou ngaolou more hokhaiyu sabanüh kaa, alia nenou ngaoloure donou ne nghithouhi naloure theadzü sü Ahinou hrüloure donou Enou nehi paodou peiwe.

PONGAOPEIYU 3:5

Reih kolouyu puletaoye sü sübüa sabanüh kaanou tupeilai, alia Enou hakia puletao zhihsü ahri larübvü hinou sounghiwu laimoe. Apuo ea puhvei rakivamaitao nghojünou puletao hai Amai baie tea Enou dua paopalai.

PONGAOPEIYU 4:4

Vebuh sünaye sü kukhe vebuh kaidainou sühaopoa bue, alia sütao vahisü tsümai kaidainou chobua bue. Puletao sü sabah nüh kaanou nouwe ea puletao peiva hisü sana vepeirü rüpfüe.

PONGAOPEIYU 6:11

Sükisü puletao mailili hisü zaokaa adu chekhei peie, alia puletaoye southeayu büa southea laiyu puletaoye koa kilai souyutao ea puletao vei thaihou jürai maitaoye-a dathea chekhoumo koutesü phajü sopuloulaiwo tea puletao hi paopeie.

PONGAOPEIYU 7:9

Haina thaisü Enou zhue, alia zhukhaio, Anghojü hisü maitalinou a phoushalou hoyu maisou khemaisü bue. Puletao sü maitya, khü, tahrüh ea la tyali hinou taveloua zaokaa adutao noupoa ea puletao bah hi hashi botao poa vebuh ea zhaotu nghojünou la-a bue.