PONGAOPEIYU 3:2 - SHEEYU BAIBEL (BSI)

² Südonou kaishulo, alia nehi chu koute buyu taosü teiteinou thaitamo jühinou soutsülo. Daiolouzü Enou nevah taosü Aramai nghojünou liche-a ngaolou moe.

PONGAOPEIYU 3:2 Iomraidhean Croise

1 VEMAITO 11:4

alia puhnou tsüpayu phaki, puletao nou puhye sü panou vakou maivei rah sü thotare. Puh sü puh puo David zhai büa puhvei Ramai Mapao hisü chilee cheche more.

1 VEMAITO 15:3

Ae puhnou puh puo büa mahmo teitei sü soue, alia puhnou puhvei Ramai Mapao ye sü puh paoh David büa puhvei tsüle hai peimore.

2 PUOPAOKO 25:2

Puhnou Mapao vei jüpa vah khesü soupeie, ana sounüyu ha-a nou soua baie.

JOB VEI LARÜBVÜ 16:5

Süpeiyu chi paoposhu neye soukhou soutsü peilou süe, Enou neye paoposhu kaona peilou süe.

ISAIAH 35:3

Lelou hoa buyu bah khesü soukhou peio, ae talou hoa buyu phi khesü souchü peio.

ISAIAH 56:10

Puhnou paoe, “Süthai-apei mai hrülai hai nghithou chakhai toure, puletao hai halia sümore; dao moyu sei ali büre, puletao sü zhi-a memu-a bubaire, ae zü-zhiyu sü puletao nou jüpa-e.

ISAIAH 57:12

Neletao nou soua pfüyu vahtao hai macha-e tea neletao hai tsücholouwe, ana Enou neletao vei vah haso khesü popa ngaopeilai. Süphaki neletao vei basharatao nou neletaoye soukha peilou laimoe.

EZEKIEL 34:16

“Hatayu khesü Enou phouloulai, motayu khesü Enou sa-a dakhaive loulai, zhizhu khaitouyu zhimü khesü Enou phupeilai, sounou souyu khesü Enou souvei peilai; ana hübo veiyutao ae khouchi vei-a buyu khesü Enou souhawulai, daiolouzü E hai kaozü ae acheche souyu zhaokhowo nasüe.

DANIEL 5:27

TEKEL, neye sühdouyu phaki ne hai chemoa thaakei-a ngaolou baire.

ZEKHARIAH 11:16

Daiolouzü chuo teidei haina hisü Enou zhaokhomai haibüyu hai panou palai: hatare zhaotu ye sü zhuvea laimoe, molaiyu zhaotu ye phouta laimoe, zhikhai touyu zhaotu ye sü souvei peilai moe, mokhaia zhaotu ye sü to peitou laimoe, ana hüveiyu zhaotu khesü toukhai loua bailai, phimou koute-a laoloua bailai.

MATHIU 23:5

Puletao nou puletao vah taohai maiye panou ngaoloure donou soubaiwe. Puletao puhi ea baohi lichopfübvü khiyupfüa tayu zhukhaio, alia süloukhaio, sütaohai daizhozhou dusa! Alia puletao vei sahzha taohai daizhozhou shosa, süloukhaio.

MATHIU 25:13

Südonou, zhaihe-a kholo, daiolouzü neletao nou teithe süna moa pha sünasü sümoe.

MATHIU 25:7

Süthaisü loumainatao veishisü kaishu loure ea puletao vei meibvü sü taoloure.

SEI-ATAMAI VAHTAO 18:23

Antiok hinou phajü bulouyu thaisü puhnou buh sühinou taloua Galatia ea Phrugia teidei hilonou shoshonou buh liki hi taveloua lüloumaitao hrülaiye soutsü peie.

PAODAKHAIYU CHIKHA 3:28

Ana Joshuaye sü paodoutou toupeio, puhle soudupu peio, daiolouzü puhnou maikhe maiye sü süthai poa talou nenou zhingaoa buyu teidei taosü poloulai.’

1 PITAR 4:7

Na veishi vei akhai teilesü ngheire. Südonou neletao veachi pao-a buloure donou lahnou lahye tukha-a ea leikei-a bulo.

1 PITAR 5:8

Leikeilo, zhai helo! Neletaoye ngaobawo Rashi nasünou kamaiye tsütou loure donou ra sühao-a laiyu khaosouveo alikua tasühao-a laiwe.

PONGAOPEIYU 16:15

“Zhukhaio! Ewo avaomai ali büa vewe! Maitalinou baitoua talou more ea maiye panou puhvei ahrao buh sü ngaolou more donou zhaihe poa ea puhvei sabanühsü tupoa buyu puhsü rakoveie!”

PONGAOPEIYU 2:4

Ana Enou nepei hi motouyu sü hainae: nenou raiki Eye leshiyu büa chuwo leshi peikhai more.

PONGAOPEIYU 3:1

“Sardis hi buyu lüloumaime vei rakivamai nahi rükhaio: “Chi haisü Ramai rako anai ea teivuh anai buyu puhvei chipaoe. Enou nevah taosü sü we; ne hrihie touyu zhihsü bue ana newo thaire!

PONGAOPEIYU 3:3

Südonou ne hi doupeikhai touyu ea nenou choulouyu sü lichokhaio; süsü zülo ea ledalo. Nenou kaishumo louzü, Enou vaomaili büa nehi tavelai, alia Enou daipha hinou ne hi velaisa touyu sü nenou sülai moe.