PONGAOPEIYU 3:19 - SHEEYU BAIBEL (BSI)

¹⁹ Enou leshimai hrülaiye sü zü-a tudee peiwe, südonou lünoutoulo, alia nemah hinou ledalo.

PONGAOPEIYU 3:19 Iomraidhean Croise

2 SAMUEL 7:14

Enou puh vei puo soulai alia puhnou anahpoutu sü soulai. Puo nou nahye tukhayu büa puhnou soumah soumo louzü Enou puhye tukha peilai.

JOB VEI LARÜBVÜ 5:17

Zhukhaio, Ramai nou souzü-douzü peiyu maisü rako veie, Ramai nou tukha peiyu jüphiso.

LOUTAO 39:11

Etao nou mahmo souyu donou nenou tukha peiwe, ae Etao nou leshi sho-a buyu nasü rüh nou toulouyu büa nenou souha peie. Cheche vuzünou Emai vei hrütou hai teikhai hüphou tea veyu büa baie.

LOUTAO 6:1

Oh Mapaowo, nevei rarou hinou Eye zü peiso! Nevei lekha rarou nou Eye tudee-a souvea peiso.

LOUTAO 69:9

Nevei Rathoki nasü leshiyu sünou ale hisü mei nou rou soure; ae ne pei hi mainou rao-a paoshiyu khesü apei hi vere.

LOUTAO 94:10

Puhnou tyahrütaoye tuzü peiwe— puhnou puletaoye sü tudee peilou hodou? Puhnou mai hrülaiye sü paodou peiwe— puh hi tsülia hazei baidou?

TSÜCHITAO 15:10

Kaomoyu vah souyu maisü tatei sho-a souvea peilai; deiapei ngaorayu maina sü thai-a bailai.

TSÜCHITAO 15:32

Paodou-apei loubayu mai nasü lahye soushiloua baie, ana tudeiapei keilouyu mai nasü tsüsü ngaopu loulai.

TSÜCHITAO 22:15

Kaozü moyu sü nahmai vei tsüle hi bue, ana tukha souyu sünou sükhesü puh hinou hulailoua baiwe.

ISAIAH 26:16

Nevei maitaoye nenou tudei peiyu phaki, veahoyu donou puletao nou neye phouve-e, ae puletao nou ne hisü veachi paoe.

JEREMIAH 10:24

Oh Mapaowo, nevei maitaoye sü souzü peikhaio; ana Etaoye souvea shopeiso, moa nevei lekha hinou Etaoye tudei peiso; sükumo louzü Etao hai hakata-a bailai.

JEREMIAH 2:30

Hakonou E neletaoye tukha baire. Puletao nou achi zübare, zhaipou shishoyu khaosouveo ali büa neletao nou rachipaola maitao sü southare.

JEREMIAH 30:11

Daiolouzü Enou neletaoye tave vupa peilai. Enou neletaoye hupho rarou khaitouyu tyahrü veishi sü souhakhai toupeilai, ana Enou neletaoye souhalai moe. Neletaoye tudee peimoa panou talai moe; ana Enou neletaoye kaozü hinou tudee peia bailai. Haisü Mapao Enou paowe.”

JEREMIAH 31:18

“Israel maitao nou haibüa dopfüa nou paoyu Enou choue, ‘Mapao, Eletao hai sa-a tata moyu cho-ha büre, ana nenou Etaoye chi zülo tea paodou peie. Etaoye sa-a dakhai vepeio; dakhai tare donou Etao hai souda loure, Etao Ramai Mapao.

JEREMIAH 7:28

Nenou puletao hi puletao vei Ramai Mapao chi zübare, moyuma puletaoye daivanou tukha peiwe touyu sü sülou more. Acheche nasü hatare, ae hai nasü puletao vei mü hinou paopapu more.

ZEPHANIAH 3:2

Honapai nou mai pai aliro keipei bae, mai nou kharochi peiyu-a pobae. Honapai nou Mapao ye louche moe, alia puhvei Ramai hi-a ngheikou bae.

MATHIU 25:7

Süthaisü loumainatao veishisü kaishu loure ea puletao vei meibvü sü taoloure.

JOHAN 2:17

Alia “Ne kiye donou lenouyu nanou Alekhe hai meibüa deilai,” tea rükhai touyu nasü puh rozümaitao nou licho loure.

ROMMAI 12:11

Kou-a vah soulo ea heeso. Lenoushoa Mapao kuvah soulo.

1 KORINTHMAI 11:32

Ana deiphao maiye koa Eletao pei hi mah dukakhai more donou Mapaowo nou Eletaoye chikuwure ea tudee peire.

2 KORINTHMAI 6:9

Ehye sü mainou süpeimoyu maitao büa popeikhaia mai hrülainou Ehye sü sükhaiwe; Ehye thaimai büa chopeie, ana zhukhaio, Ehsü hria bue. Ehye tudee peikhaia, southeawu moe;

2 KORINTHMAI 7:11

Neletao vei veayu haina hinou Ramai nou dai soupeiresa touyu sü zhukhaio: hainanou neletaoye panou daizhozhou lenou peisa, neletao vei mahsü daizhozhou sousheelou nüsa! Daizhozhou lekhasa, daizhozhou pisa, daizhozhou zhia busa, daizhozhou lenousa, daizhozhou mahyu maiye tudee peire donou soudasa! Ha teitei hinou neletaosü mah hae touyu sü lah neletao nou zhopaoh soua bue.

GALATIAMAI 4:18

Enou neletaoye koa bubuki likhei baimoa avei vah soure donoue toulouzü sübüa lepeishoyu hai teisanou veishoe.

PAODAKHAIYU CHIKHA 8:5

Südonou neletao sülo, pfüpuo mainou nahmaiye tudeeyu büa ne Ramai Mapao nou neletaosü tudeewe.

TITA 2:14

Eletaoye hashi teitei hinou khailupa peire ea Eletaoye puhmai likhei soubaiyu ea avei souyu züpa shoyu sheetouyu maitao panou souloure donou puhlah puhye Eletaoye donou peithoure.

JEMS 1:12

Zhai zhuyu hi shamea louyu puhsü rako veie, daiolouzü puhnou zhai zhuyu süsü kolouyu kisü, Ramai nou puhye leshimaiye peilai tea apaokhai touyu ahri peirü nasü puhnou ngaolai.

PONGAOPEIYU 2:5

Südonou ne daizhozhou kaadoua dekouresa touyu sü lichokhaio! Nemah hinou le dalouwo ea nenou raiki souyu vahtaosü souloukhaio. Nenou nemah hinou le daluomo louzü, Enou ne hi taveloua nevei meibvü dzükhaiyu buh nasü süna buh hinou potalou bailai.