PONGAOPEIYU 3:18 - SHEEYU BAIBEL (BSI)

¹⁸ Südonou ne hani loure donou mei hinou pothou deiloua kukhai touyu sana, ne baitouyu vanou ahraoyu sü mainou ngaolou more hokhaiyu sabanüh kaa, alia nenou ngaoloure donou ne nghithouhi naloure theadzü sü Ahinou hrüloure donou Enou nehi paodou peiwe.

PONGAOPEIYU 3:18 Iomraidhean Croise

LOUTAO 107:11

daiolouzü puletao nou Khoukhoulai Ramai vei chikha khesü zübare ae puhnou paodou peiyu khesü laiwu laire.

LOUTAO 16:7

Enou Mapao ye sü paoshowe, daiolouzü puhnou Eye süthaisa-a tapeie, ae khei teile hia avei tsüle sünou Eye paodou peie.

LOUTAO 32:8

Mapao nou paoe, “Neletao nou ludu kalova talai touyu nasü Enou paodou peilai, Enou neletaoye paodou poa khosa-a tapeilai.

LOUTAO 73:24

Nevei paodou peiyu khenou Eye sü khosa-a laipeie, ae akhai hisü nenou Eye tsükhouyu hinou saloulai.

TSÜCHITAO 1:25

Enou paodou peiyu khesü nenou sümo khokhosoua baire, alia Enou tudee peiyu chitao sü nenou lia popei bare.

TSÜCHITAO 1:30

Enou paodou peiyu hai nenou lia ponü more, alia Enou tudee peiyu chi veishi sü nenou ngaophou more.

TSÜCHITAO 19:20

Paongao peiyu keilo ae paodou-apei polouo, sükulouzü haithai ne sü tsüvei loulai.

TSÜCHITAO 23:23

Acheche nasü hülo, ae sünasü zolaiso; tsüvei, paodou-apei, alia tsüsü taosü hülouo.

KOPAODOUWO 8:2

Veo nou paoyu chi zülo, daiolouzü nenou Ramai nghoujü nou sheeyu chaachou souwure.

ISAIAH 47:3

Nenou sabanü noumoa baitouyu sü maikhe maiye panou ngaolai, neye hraongu soupeiyu sü maikhe maiye panou zhingaolai. Enou khüngu sü phoutalai, mai ali koute-a shokhai peilai moe.”

ISAIAH 55:1

Mapao nou paoe, “Tavelo, rei-a laiyu maitao, dzü hi tavelo! Pousha ha-a buyu maitao, tave touso sü hüloua tou khaio! Tave zhaoh ae chonaodzü kelo, pousha polai moe, ae muhma-a polai moe!

JEREMIAH 13:26

Mapao nou neletao vei sabanü sü laopa laipeilai ae neletaoye panou hrao ngaolai.

DANIEL 12:2

Alia thaitayu mai hrülai hai süzhou teithe hrishu khaitoulai, maitaoli hai teisa nou sava-a hrüre buh hisü vetalai alia kamai-a teisa haongu pfüa veahoyu buh hisü hotalai.

MIKAH 1:11

Shaphir hinou hrüyu maitao, baitou toua ae hraongu pfüa vakou tawo. Zaanan hi hrüyu mai nou vakou tapalou hore. Beth-Ezel hi mai nou dopfüa krayu sü choulouyu phaki, nenou sühisü tuchü loure buh hare touyu sü süloulai.

NAHUM 3:5

“Zhukhaio, E ne hi aetimoyu bue,” teanou hrülai peinou buyu Mapao nou paoe, alia ne nühsü ne pah hi laokhe khaipeilai; alia nenou baitoua buyu nasü panou tyahrü kukheye zhulai ae veteidei khemai pa nevei hraosü sülai.

MALAKAI 3:3

Puhnou shahu sousheeyu alia souveiyu mai ali büa chobulai, alia puhnou Levi nahpoutu khemai sü soushee peilai alia acheche sheelayu nasü Mapao hi peimosa puletao sü sana ae shahu sousheeyu büa sousheelai.

MATHIU 13:44

“Raki Vedeihai douhinou kukhai touyu kiniye kheihaoe ea süsü mai alinou ngaoloua popaowure; süthaisü puhnou le sasholoua taho puhvei buyu veishi sü zhowu-a dakhaive dou sünasü hrüloue.

MATHIU 25:9

Ana tsü veiyu taonou chila peie, ‘Eh donou ea neleye donoua khalouho-a malae; zhoa buyu mai hi taho lah neletao donou hrülouwo.’

LUK NOU RÜYU KO AVEIBVÜ 12:21

“Ramai hilonou hani loumoa lah puhye donou kini podzükhai touyu mai tasü sükue.”

2 KORINTHMAI 5:3

süsü banouloua Eletaoye baitoua panou ngaowu laimoe.

2 KORINTHMAI 8:9

Neletao nou Eletao Mapao Jisu Khrista vei zhuvea nasü süwe; süolouzü puhsü hanikhaia, neleye donou puhsü toure haloure, sübüa puhvei ha hayu süna vanou neletaoye panou hani loure süsüe.

1 TIMOTHI 6:18

Puletaoye nou vahvei souloure, vahvei souyu nou hani loure, maiye pakhaimoa peiyu ea kukhe maiye koa zhitou loure donou le roloure chikha peikhaio.

JEMS 2:5

Leshiyu Athaihou jürai khemaitao keikhaio! Ramai nou deiphao hai navei toure hamaiye lü hinou panou hani loure donou ea puhye leshiyu maitao hi apaopei khaitouyu vedei vei kaalo nasü peire donou doloure.

1 PITAR 1:7

Veahoyu sütaosü neletao vei lühai cheche-e touyu popa ngaopeire donou baie. Souhalou veiyu sana koute-a mei hinou pothou dei-a zhai zhue; alia sübüa sana jünou koushoa muhteiyu neletao vei lü-a teisa panou buloure donou zhai zhuvu zülai. Süthaisü Jisu Khristaye ngaopeiyu teithe kisü neletaosü paoshoyu, kathe ea tsükhouyu sü ngaoloulai.

PONGAOPEIYU 16:15

“Zhukhaio! Ewo avaomai ali büa vewe! Maitalinou baitoua talou more ea maiye panou puhvei ahrao buh sü ngaolou more donou zhaihe poa ea puhvei sabanühsü tupoa buyu puhsü rakoveie!”

PONGAOPEIYU 19:8

Alia puhye panou veithou peivavayu ea sheetouyu jüyu sahnou bahnou loure donou süsü puh hi peire.” (Daiolouzü veishoyu jüyu sah sünasü sheeyu maitao vei cheche vahtaoe.)

PONGAOPEIYU 2:9

Enou nevei veahoyu ea toure hayu sü süwe, ana newo chechenou haniwe! alia lah puletao münou puletaohai Jihudimaie tea paokhaia chechemoyu ea Saitanme hinou vebaiyu puletao nou nepei hi chishi paoyutaosü Enou süwe!

PONGAOPEIYU 3:17

Daiolouzü nenou, “Ewo haniwe ea kini alaosou ngaoloue, alia chemoyu hae,” tea paowe. Ana ne sü veahoyu, lelouhoyu, toure hayu, nghichayu ea baitoua laiyu maibaie touyu sü nelahnou sülou mohie.

PONGAOPEIYU 4:4

Vebuh sünaye sü kukhe vebuh kaidainou sühaopoa bue, alia sütao vahisü tsümai kaidainou chobua bue. Puletao sü sabah nüh kaanou nouwe ea puletao peiva hisü sana vepeirü rüpfüe.

PONGAOPEIYU 7:13

Sükisü tsümaitao hronou alinou Ahi noue, “Zaokaa adutao noua buyu mai haitaosü thaoh-thaohmaie? Alia puletaosü daikinou ve-e?”