PONGAOPEIYU 3:17 - SHEEYU BAIBEL (BSI)

¹⁷ Daiolouzü nenou, “Ewo haniwe ea kini alaosou ngaoloue, alia chemoyu hae,” tea paowe. Ana ne sü veahoyu, lelouhoyu, toure hayu, nghichayu ea baitoua laiyu maibaie touyu sü nelahnou sülou mohie.

PONGAOPEIYU 3:17 Iomraidhean Croise

SHURAI 3:7

Süthaisü puhai nghithou hrüpa khaie, puhaisü baitoua baie touyu süloua dousüünghou nou rücholoua sabanü soua banou loure.

TAPALOUYU 32:35

Süthaisü Mapao nou maikhe mai hisü rahta seive peie, daiolouzü puletao nou Aaron ye panou sana chode souyu donou.

TSÜCHITAO 13:7

Mai kamai-a halia hayuma toungiyu khokho souwe; mai kukheli nou hayu khokho souwe, anou toungi shoa bue.

TSÜCHITAO 30:9

Hakinou E hai toungi sholou louzü, neye malaiwua “Mapao sü thaoe?” tea paoshulai. Mokhaia E hai touha sholouzü, maivei vaota-a avei Ramai zhih sü soushi shulai.

ISAIAH 42:19

Avei kilai maina moa nou thaonou nghichayu bue? Enou seitayu kopaomai moa nou thaonou noubei peyu bue?

JEREMIAH 2:31

Oh Israel maitaore, Mapao vei chipao sü lenoua keilo. Israel maitao nghoujü nou Esü komoyu dei ali büa baidou? Mo-a zhitei touyu teidei ali bübaivu? Süku molouzü daidonou avei maitao nou Eye lia lahdo soua bailai, ae ahi dakhai vepulai moe tea paowe?

HOSEA 12:8

Israel mainou paoe, ‘Ewo hanghiwe, Enou chingi sü pojü loure. Do-ashi hinou Enou toungi louyu haio mai linoua Eye mah paodu khaipei louhoe.’

ZEKHARIAH 11:5

Puletaoye hrüloua dathayu maitao ye sü souvea peimoa panou taloua baire; alia puletaoye zholouyu maitao nou haibüa paoe: ‘Mapao ye paoshoe! Daiolouzü Etao hai toungi pare.’ Puletaoye khopeiyu zhaokhowo koute-a puletaoye sü zhuveayu sü hare.”

MATHIU 5:3

“Rako hinou lülouhoe tea süa bumaisü rakoveie; daiolouzü raki Vedeisü puletao veie!

MATHIU 9:12

Ana Jisu nou süsü choulouyu kisü chila peie, “Pfüphao veimaiye donou pou-apeimai halia koyu hae, ana lishi maitao likhei donou kobaie.

LUK NOU RÜYU KO AVEIBVÜ 1:53

Puhnou hou-züa laiyu maitaoye ha aveinou panou pouphou soupeire, alia haniyu taoye puhnou bah sakhaia seitare.

LUK NOU RÜYU KO AVEIBVÜ 6:24

“Ana chu kini bumai neletao donou daizhozhou ngaopisa; daiolouzü neletao-wo neletao vei sa-vayu sü ngaoche loue!

ROMMAI 11:20

Süsü chekhaoe. Puletao sü chatare daiolouzü puletao nou louche loumoe, ana newo louche louyu vanou buh sühinou buloure. Ana süvanou khaophu souwuso; süjüwo, pia bulo.

ROMMAI 11:25

Athaihou jürai maitao, Enou neletaoye panou kheitsü haina hai sülounüwe, daiolouzü hainanou neletaoye lah neletao hai daizhozhou tsü veisa tea choyu hinou soukhai peilai. Süolouzü Israel maitao nou le khouyu hai teisa donou laimoe, ana tahrüh kukhemai maipei teiteinou Ramai hi vechemo koute likhei bailai.

ROMMAI 12:3

Alia Ahi peikhai touyu zhuvea süna vanou Enou neletao mai ali liye paowe. Nenou chozüyu hinou baimoa ne lah neye kupua chowuso; ana Ramai nou mai ali lihi peikhai touyu lüzha süna thaifüa leikei-a tsü cholo.

ROMMAI 7:24

O Ehai daizhozhou rako shiyu maisa! Thaohnou Eye athai pfüphao haina hinou khailupa peilai?

2 PITAR 1:9

Ana tsüdo haitao hayu mai talisü nghichamai moa nghi ngaotoulou momai kue ea raichoki puhvei mah hinou puhye sü soushee peire touyu sü ngaiwure.

PONGAOPEIYU 16:15

“Zhukhaio! Ewo avaomai ali büa vewe! Maitalinou baitoua talou more ea maiye panou puhvei ahrao buh sü ngaolou more donou zhaihe poa ea puhvei sabanühsü tupoa buyu puhsü rakoveie!”

PONGAOPEIYU 2:9

Enou nevei veahoyu ea toure hayu sü süwe, ana newo chechenou haniwe! alia lah puletao münou puletaohai Jihudimaie tea paokhaia chechemoyu ea Saitanme hinou vebaiyu puletao nou nepei hi chishi paoyutaosü Enou süwe!

PONGAOPEIYU 3:16

Ana nenou sou-a soumo, kao-a kaomo lülala baiyu do nou Enou neye Amü hinou süpalaiwulai!”