PONGAOPEIYU 3:15 - SHEEYU BAIBEL (BSI)

¹⁵ Enou nevah taosü süwe; newo kao-a kaomoe, sou-a soumoe. Nenou kaomo louzü souyu sü Enou züpae!

PONGAOPEIYU 3:15 Iomraidhean Croise

1 VEMAITO 18:21

Elijah nou maisou hi takouloua nou paoe, “Teile kasho neletao nou tsüle ahai soua bukou laige? Mapao hai Ramai-e toulouzü puhye tholo; ana Baal nou Ramai baie toulouzü puhye tholo.” Ana maisou sünou chi lia raomore.

TSÜCHITAO 23:26

Anahna, nevei tsüle sü Eye peio, ae nevei nghithou sü avei ludu sü zhulo.

HOSEA 10:2

Puletao vei lüthou haio da-a baie; Chuo puletao nou mah souyu thaifüa vealaire. Mapao nou puletao vei rathoyu ki taosü soushi wulai, alia puletao vei rathoyu buh sü souhawulai.

HOSEA 7:8

Israel mainou tyahrü kukhe maiye koa do zholoure; puletao hai podamoyu raokhao ali büre.

MATHIU 10:37

“Ajünou puhpuo moa puhpfüye leshi kouyu maitali sü Arozümai souzü moe; alia Ajünou puh nahpoutu moa puh nah naotupai ye leshi kouyu puhsü Arozümai souzü moe.

MATHIU 24:12

Alia ashinou pusho tayu vanou, mai alaovei leshahai kaorou talai.

MATHIU 6:24

“Mailinoua paopu ahaivei qila soulouhoe; daiolouzü puhnou aliye ngaoralai ea kukhe aliye leshilai; moa puhnou alichi zülai ea kukhe alinaye ngaophou laimoe. Neletao nou Ramai ea pousha ahai vei kuvah soulouhoe.

ROMMAI 12:11

Kou-a vah soulo ea heeso. Lenoushoa Mapao kuvah soulo.

1 KORINTHMAI 16:22

Maitalinou Mapaoye leshi molouzü, puhsü cha ngaotheo! Maranatha — Eh Mapao, thala-a vepeio!

2 KORINTHMAI 12:20

Daiolouzü Enou velouzü neletaoye Aleli büa ea neletao nou Eye neletao vei leli büa ngaolou paimoe tea Enou piwe, alia sühisü züvayu, maiye ngaoraiyu, lekhayu, loküyu, maiye sou ahrao peiyu, mai chi paoshiyu, khaophu souyu ea bvüroyu haitao hai ngaolou shulai tea Enou ngaopiwe.

PAODAKHAIYU CHIKHA 5:29

Puletao nou haibüa teisa bulouzü, teisa haibüa Eye tsükhou-a bulouzü, alia avei chikhatao züa bukoute louzü, hateitei sü puletaoye donou alia puletao vei tyaosholea koute hi kaozhou vei-a bukoute loulai.

PHILIPPIMAI 1:9

Alia Enou veachi paoa buyuwo louzü neletao vei leshiyuhai tsü chechena ea liche-a chikuyu naye koa dushupu lailaiyu sünasüe,

2 THESSALONIMAI 1:3

Eh thaihou jürai khemai, neletao vanou Ehnou teisanou Ramai hi kalo paovuzülai. Ehye donou süsü souzüshoe daiolouzü neletao vei lühai alaosou dumaimai khere ea neletao alinou liye donou leshiyu neletao vei leshinahai pulailai khere.

JEMS 1:8

Mapaowo hinou hatali ngaoshu laihie tea chokhaiwu laimoe.

1 PITAR 1:22

Chuwo neletao nou neletao thaihou jürai maitaoye soutaosoua leshi loure acheche hinou paoyu züa neletao rakosü soushee louyu donou, neletao le teiteinou rako loushoa alinou liye leshia bulo.

PONGAOPEIYU 2:2

Enou nevah ea nenou kazhou koute te-a ea shamea-a vah sousa touyu sü süwe; alia nenou maishimai taoye koa shamea zholouhoe touyu süolouzü puletaohai sei-atamai mokhaia sei-atamai baie tea paoyu sümaitao zhaisü nenou zhuloua puletao vei amadasü phoupaloue touyu sü Enou süwe.

PONGAOPEIYU 2:4

Ana Enou nepei hi motouyu sü hainae: nenou raiki Eye leshiyu büa chuwo leshi peikhai more.

PONGAOPEIYU 3:1

“Sardis hi buyu lüloumaime vei rakivamai nahi rükhaio: “Chi haisü Ramai rako anai ea teivuh anai buyu puhvei chipaoe. Enou nevah taosü sü we; ne hrihie touyu zhihsü bue ana newo thaire!

PONGAOPEIYU 3:16

Ana nenou sou-a soumo, kao-a kaomo lülala baiyu do nou Enou neye Amü hinou süpalaiwulai!”