PONGAOPEIYU 3:14 - SHEEYU BAIBEL (BSI)

¹⁴ “Laodikia hi buyu lüloumaime vei rakivamai na hi rükhaio: “Chi haisü acheche ea chekhaoyu zhopaohsouwo, Ramai nou soukhai touyu teiteivei beihna, Amen puhvei chipaoe.

PONGAOPEIYU 3:14 Iomraidhean Croise

SHURAI 49:3

“Reuben, anah poutu atsükhana, ne hai avei khouchie, alia avei khouchi thou shishiraio nasüe, Anah poutu maitao hrohinou ne hai khaosou khanae ae khouchi bukhanae.

TSÜCHITAO 14:5

Louchelou veiyu shaki mai nou dayu chi pao moe; ana dayu la-apeio louzü dayu likhei pao baiwe.

TSÜCHITAO 8:22

“Mapao nou puhvei vah soushurai hinou Eye soupeie, puhnou souyu puhvei vah araina soua Eye soupeie.

ISAIAH 55:4

Enou puhye panou tyahrütao vei süthai-apei ae peikhowo sü soupeie, alia avei khouko khesü puh vanou maikhe mai hi ngaopeie.

ISAIAH 65:16

Süthaisü teidei sühi maitaralia shiha khoyu maisü checheyu Ramai nou shiha peilai, ae maitaralia chaachou souyu maisü checheyu Ramai vei zhih nou poa chaachou soulai, daiolouzü raichoki veahoyu khesü lata-a bailai alia ngaia bailai.”

JEREMIAH 42:5

Süthaisü puletao nou ahi paoe, “Etao Ramai Mapao nou ne hi Etaoye donou paopeiyu sü Etao nou soumo louzü Mapao sü panou Etao pei hi checheyu ae louchelou veiyu shaki sü soulo.

JOHAN 1:3

Na teitei hai puh vanou souloue, alia soukhai touyu taosü puh loumoa hatalia soulou moe.

JOHAN 8:14

Jisu nou chila peie, “Elah Avanou zhopaoh peia bu-a Azhopaoh hai chekhaoe, daiolouzü E hai daikinou vesa ea daiki tahosa touyu hai Enou süwe, ana neletao nou E hai daikinou vesa moa daiki tahosa touyu hai sümoe.

2 KORINTHMAI 1:20

daiolouzü Ramai vei apaopeiyu teitei hai puh hinou Ae-Ao touyu sü ngaoloue. Südonou Ramai kathe souloure donou Ehnou Jisu Khrista vanou “Amen” tea paowe.

PAODAKHAIYU CHIKHA 21:17

Puhnou leshi moyu chapfüpai nah baiyuma, puhnou tsüyu thaifüa nah naraio vei kaalo nasü puh hi peilai. Mai taralia nahpoutu tsüna hisü puhnou ngaozü buyu thaifüa peilai.

KOLOSSEMAI 1:15

Khrista hai nghithounou ngaomoyu Ramai puhvei zhuraiwo nasüe. Puh hai basha teitei jünou dukayu nah naraiwo süe.

KOLOSSEMAI 1:18

Puhnou puhvei pfüphao, lüloumaivei pei nasüe; puhnou shurai nasüe, athai hinou naraiwo nasüe, sübüa puhnou ha teitei hinou raikhana soulai.

KOLOSSEMAI 2:1

Enou neletaoye donou, Laodikia hi maitao donou ea Azhu ngaomoyu puletao hrülai donou daizhozhou te-a vah sousa touyu sü neletao hi paongaolai.

KOLOSSEMAI 4:16

Neletao nou seiko haina phoucheyu thaisü, hainasü panou Laodikia hi buyu lüloumaimeye-a phou vuzükhaio; alia neletao-a Laodikia hi buyu thaihou jüraitao nou neletao hi seive peilaiyu seiko nasü phouwo.

PONGAOPEIYU 1:11

Pai sünanou haibüa paoe, “Nenou ngaoyu taosü larübvü ali hi rüthoukhaio, alia larübvü süsü nuhdu anai haitao hi buyu lüloumaime hi süolouzü Ephesa, Smurna, Pergamam, Thuatira, Sardis, Philadelphia ea Laodikia haitaohi seive peikhaio.”

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,

PONGAOPEIYU 19:11

Süthaisü Enou rakisü houpa khaitoua ngaoe, alia zhukhaio, sühisü rhei kaali bue. Rhei sünaye pfüa laiyu puh zhihsü Louchelou-aveio ea Checheo tea kuwe. Acheche hinou puhnou chikuwe ea reih züwe.

PONGAOPEIYU 2:1

“Ephesa hi buyu lüloumaime vei rakivamai nahi rükhaio: “Chi haitaosü bah zhoulo vanou teivuh anai keipoa buyu ea sana meibvü dzükhaiyu buh anaitao hronou talaia buyu maisüna vei chipao nasüe.

PONGAOPEIYU 21:6

Alia puhnou Ahi paoe, “Haisü souchere! Esü Alpha ea Omega, shuraina ea akhaiwo nasüe. Rei-a buyu, maitali hisü ahri dzünghou hinou Enou panou sa-a küloulai.

PONGAOPEIYU 22:13

Ewo Alpha ea Omega, Araikhana ea Nakhana, alia Shuraiwo ea Akhaiwo nasüe.”

PONGAOPEIYU 22:6

Süthaisü Rakivamai sünanou Ahi paoe, “Chipao haitaosü louchelou veie ea chechewe. Alia rachi paolamaitao hi puhvei rako peiyu Ramai Mapaowo nou thala-a daipa vuzülaisa touyu sü puhvei kilaitaohi pongao peire donou puhvei rakivamai naye sü seipeie.”

PONGAOPEIYU 3:7

“Philadelphia hi buyu lüloumaime vei rakivamai nahi rükhaio: “Chi haisü mashee ea checheyu puhvei chipaoe. David vei khareih sü puh hi bue, alia puhnou kikhu houpawu louzü, süsü maitalinoua khulouhoe, alia puhnou süsü khuwu louzü, süsü maitalinoua houpa louhoe.