PONGAOPEIYU 3:11 - SHEEYU BAIBEL (BSI)

¹¹ E thala-a laire. Maitalinoua nevei veo peirüsü saolou more donou, nehi buyu nasü soutao soua polo.

PONGAOPEIYU 3:11 Iomraidhean Croise

ZEPHANIAH 1:14

Mapao vei dushoyu teithe nahai nghiteire, nghitei toure alia thasho-a laire. Süzhou teithe sü shisholai, daiolouzü süzhou teithe hai khouko pfüsho-a buyu mai koutea shusoua kralai.

1 KORINTHMAI 9:25

Koyumai alinou soudoubu kisü ha teitei hinou lah pfüzhoye tukhawe. Puletao nou haisü hakalou veiyu veo peirü ngaore donou souwe; ana Eletaowo louzü haisü teisa hakalou hoyuna vei donou souwe.

PHILIPPIMAI 4:5

Mai hrülaiye panou neletao vei shameayu sü süloukhaio. Mapao thashoa laire.

2 TIMOTHI 2:5

Tuvayu mailinou zhaina thaifüa tumo louzü puhnou buusü ngaolou hoe.

2 TIMOTHI 4:8

Alia chuo Teithe sükihi acheche chiku-apeio Mapaowo nou Ahi peilaiyu acheche vei Veo peirü nasü Eye donou soudapei khaitoua bure, alia süsü Ahi likhei peibai laimoe, ana puh veyu sü leshia khoa buyu puletao hrülai hi-a peilai.

JEMS 1:12

Zhai zhuyu hi shamea louyu puhsü rako veie, daiolouzü puhnou zhai zhuyu süsü kolouyu kisü, Ramai nou puhye leshimaiye peilai tea apaokhai touyu ahri peirü nasü puhnou ngaolai.

JEMS 5:9

Athaihou jürai khemai, Ramai nou neletaoye chiku more donou neletao alinou li pei hi nolealeaso; zhukhaio, chiku-apeio sü kikhu hinou la-a bure.

PONGAOPEIYU 1:3

Paosüyu rachi hainavei chipaotao phouyu puhsü rakoveie, alia chipao süsü keiloua larübvü hainahi rüthoukhai touyu sütao zülouyu puletaosü rakoveie! Daiolouzü sütao teitei palaiyu phasü ngheire.

PONGAOPEIYU 16:15

“Zhukhaio! Ewo avaomai ali büa vewe! Maitalinou baitoua talou more ea maiye panou puhvei ahrao buh sü ngaolou more donou zhaihe poa ea puhvei sabanühsü tupoa buyu puhsü rakoveie!”

PONGAOPEIYU 2:10

Nenou thala-a veahoyu daore süvanou pikhaiso. Zhukhaio rashinanou neletao kamaiye zhai zhure donou hukhahi laithoulai, alia neletaosü teithe kiruopha veaholai. Athai koute Ahinou cheche-a bulo, alia ahri Veo peirüsü peilai.

PONGAOPEIYU 2:13

Nenou hrüa buyu buh sü Enou süwe, sühisü Saitan vei vebuh bue. Newo Azhih hinou cheche-a bue, alia Avei cheche zhopaoh sou-apeio Antipas ye Saitan nou buyu buh sühinou southeayu ki koutea newo Ahi lüa buyu hai hakia thaokhai moe.

PONGAOPEIYU 2:25

Ana E vemo koute sü neletao hi buyu nasü potoulo.

PONGAOPEIYU 22:12

Alia Jisu nou paoe, “Zhukhaio, Esü thala-a laire! Enou Avei buusü maikhemai hrülai hi lah lahnou souyu thaifüa peire donou Eye koa povewe.

PONGAOPEIYU 22:20

Chi haitao teiteihi zhopaoh pei-a buyu puhnou paoe, “Ovai chechenou! Esü thala-a laire!” Amen. Vepeio, Mapao Jisu!

PONGAOPEIYU 22:7

Jisu nou paoe, “Zhukhaio! Esü thala-a laire! Larübvü hainavei rachi paopakhai touyu chipaotao zülouyu puhsü rakoveie.”

PONGAOPEIYU 3:3

Südonou ne hi doupeikhai touyu ea nenou choulouyu sü lichokhaio; süsü zülo ea ledalo. Nenou kaishumo louzü, Enou vaomaili büa nehi tavelai, alia Enou daipha hinou ne hi velaisa touyu sü nenou sülai moe.

PONGAOPEIYU 4:10

tsümai kaidai sütaonou vebuh hinou buyu puh nghojü nou kou kaoloua teisa nou hria buyu puhye sü khurüwe. Puletao nou puletao vei veo peirü taosü vebuh süna nghojü hi polai koulou-a haibüa lou souwe:

PONGAOPEIYU 4:4

Vebuh sünaye sü kukhe vebuh kaidainou sühaopoa bue, alia sütao vahisü tsümai kaidainou chobua bue. Puletao sü sabah nüh kaanou nouwe ea puletao peiva hisü sana vepeirü rüpfüe.