PONGAOPEIYU 3:10 - SHEEYU BAIBEL (BSI)

¹⁰ Avei shamea loure chikha nasü nenou zülouyu vanou, Enou neye sü deiphao teiteihi velaiyu veahoyu teilecho süna hinou khaipa peilai.

PONGAOPEIYU 3:10 Iomraidhean Croise

ISAIAH 24:17

Deiphao mai hrülai hisü pirayu, kaobvü hekhai touyu alia rüh soukhai touyu khaikho baire.

DANIEL 12:10

Mai taoli hai lah puletaoye souveipu loulai ae sousheepu loulai, alia mai ashimai louzü vah ashi soua nou maishia bubailai, ana tsüveiyu mainou sünasü sükuloulai.

ZEKHARIAH 13:9

Hria buyu mai zha ali ye sü Enou mei hi thou shahu deisheeyu büa deisheelai. Alia sana zhuyu büa zhulai. Süthaisü puletao nou A zhih kua veachi paolai, alia puletao veachi sü Enou kei peilai. Enou paolai, ‘Puletao hai avei mai-e’ tea nou; alia puletao nou ‘Mapao hai Etao vei Ramai-e’ tea paolai.”

MATHIU 24:14

Alia Vedei vei ko avei haina hai tahrüh pfüphouhi zhopaoh soure donou deiphao teiteihi paodou talai; alia süthainou akhai nasü velai.

MATHIU 26:41

Neletao athao hi kaolou more donou zhai helo ea veachi paolo; chechenou rakowo louzü züpae, ana vasou louzü lelou hoe.”

MATHIU 6:13

Alia Ehye athaohi süthailou peiwuso, ana Ehye ashina hinou vupapeio.’ (Daiolouzü Vedei, khouko ea khouko avasü teisanou neveie. Amen)

MARK 14:9

Alia cheche nou Enou neletao hi paoe, deiphao teiteihi ko avei paodou tayu buh takihi puhnou soukhai touyu nasü puhye li-choloure donou paotalai.”

LUK NOU RÜYU KO AVEIBVÜ 2:1

Teile sükisü Kaisar Agasta hinou deiphao teiteisü maipei rüre donou kharochi vere.

JOHAN 17:6

“Deiphao hinou nenou Ahi peikhai touyu puletao hi Enou nezhihsü süngao peire. Puletao sü neveie, alia nenou puletaoye Ahi peire, alia puletao nou ne chipaosü züloure.

ROMMAI 1:8

Raikaia, neletao hrülai donou Jisu Khrista vanou Enou A Ramaiye kalo paowe, daiolouzü deiphao teiteinou neletao vei lü vanou choua bure.

1 KORINTHMAI 10:13

Emai hi zhai thaifüa vedaoyu athao süna moanou kukhe athao talinou neletaoye thaowu laimoe. Ana Ramaiwo louchelou veie, puhnou neletaoye panou neletao nou shamealou hoyu koute panou neletaoye thaowu laimoe, ana neletao nou sünasü shamea loure donou athao süna hinou tupa loure ludu-a houpeilai.

EPHESAMAI 6:13

Südonou chuo Ramai vei reihnasü noulo! Süthaisü teithe ashi veyukisü, ngaoba mainou reih duveyu sü neletao nou nulou süe; alia akhai koute reih zükouyu kisü, neletao nou ko-a laloulai.

2 TIMOTHI 2:12

Eletao nou shamea-a bulouzü, Eletao-a puhye koa vezholai. Eletao nou puhye balouzü, Puh-a Eletaoye balai.

JEMS 3:12

Athaihou jürai khemai, doushibe alinou oliv shi shilouhoe; moa darkhabe nou doushi shilouhoe, moa tai dzüla hinou dzüyu dzü palouhoe.

1 PITAR 4:12

Leshi Asakhemai, neletaoye zhai zhure donou neletao pei hi vedao-a buyu veaho shoyu süna donou ha sütholi neletao hi vewe tea khupayu souwuso.

2 PITAR 2:9

Südonou ramaiye süyu maiye kakua puletao vei veahoyu hinou khailu palou laisa touyu ea mai ashimaiye kakua Chikure Teithe donou hukhahi khailaisa touyu sü Mapaowo nou süwe.

PONGAOPEIYU 1:9

Jisu hinou neletaoye koa veayuhi-a, vedeihi-a ea shameayuhi-a zha ngaozhoa buyu neletao thaihou jürai Johan Esü Ramai vei chipao ea Jisu nou pongao peiyu chechena paodouyu vanou Patmos zaipeidei hinou bue.

PONGAOPEIYU 11:10

Deiphao hinou hrüa buyu maikhe maitao nou puhai thaiyu donou salai, alia nühnüa alinou lihi sa-a doh seilai, daiolouzü rachi paolamai hai hainou deiphao hi hrüa buyu maikhemai pei hi alaosou veahoyu pove peie.

PONGAOPEIYU 13:10

Maitaliye niloure bue toulouzü veimosoua puhye niloulai; maitaliye khochenou daotheare bue toulouzü veimosoua khochenou daothealai. Haihisü sheeyu maitao vei shameayu ea lü bue.”

PONGAOPEIYU 13:14

Alia khaosou araina nghojünou souloure puh hi aetou peikhai touyu khupavah sütao vanou puhnou deiphao hi hrüa buyu maikhemai hrülaiye sü lawure. Puhnou deiphao maikhe maitao hi khochenou zhupeikhai-a hria buyu khaosou sünaye tsükhouyu pongaore sünavei zhu kuyu bashara ali daokhaio tea chikha peie.

PONGAOPEIYU 13:8

Alia southeawuyu Zhaotu sünavei ahri larübvü hi deiphao soushomo jühinou puletao zhih rüthou moyu deiphao hinou hrüa buyu maikhemai hrülai nou khaosou sünaye tholai.

PONGAOPEIYU 14:12

Haihisü Ramai chikha züa buyu ea Jisu hinou cheche-a buyu sheeyu maitaoye donou shamea loure ku-a bue.

PONGAOPEIYU 14:6

Süthaisü kukhe rakivamai alinou deiphao hi hrüa buyu maikhe maitao, süolouzü maitya, khü, la ea tahrüh hrülaihi paongao peire donou teisa vei ko avei nasü poa ratei tsüle hinou kushoa zhao-a buyu sü Enou ngaoe.

PONGAOPEIYU 16:14

Sütaosü khupa vah soua laiyu rashitaovei rakotaoe. Rako asü hai taonou deiphao hi vemaitao hrülai hi Khoukhoulai Ramai vei teithe Adunaki reih süna donou puletaoye pove dzüloure tapare.

PONGAOPEIYU 17:2

Deiphao hi vemaitao nou puhye koa khulou vah souwe, deiphao hi maikhe maitao nou puhvei khulou vah souyu zhaoh süsü sholoua zhitei tare.”

PONGAOPEIYU 17:8

Nenou ngaoyu khaosou sünasü teile alihi hria bue, ana chuwo hrikhai more, alia sünasü akhai hayu raobvü hinou tapare hinou bure ea puhvei hakayuhi tawe. Teideiphao soushurai hinou ahri larübvühi zhih rüthoulou moyu deiphao hinou hria buyu maitao nou khaosou sünaye ngaolouyu kisü khupalai, daiolouzü puhsü teile lihi hrie, chuwo hrikhai more, ana puhsü vepukhailai.

PONGAOPEIYU 2:10

Nenou thala-a veahoyu daore süvanou pikhaiso. Zhukhaio rashinanou neletao kamaiye zhai zhure donou hukhahi laithoulai, alia neletaosü teithe kiruopha veaholai. Athai koute Ahinou cheche-a bulo, alia ahri Veo peirüsü peilai.

PONGAOPEIYU 3:8

Enou nevah taosü süwe. Zhukhaio, maitalinoua khulou hoyu houkhai touyu kikhuli Enou ne nghojühi pokhai peire. Neivei khouko daotu bubaie touyu sü Enou süwe, sütoukhai-a nenou Achi sü poloua Azhihsü bamoe.

PONGAOPEIYU 6:10

Puletao nou shusou shaloua, “Mashee ea acheche, Khoukhoulai Mapao! Deiphao hinou hrüa buyu maikhe maitao pei hi nenou chikumojü ea Akhemai zhevei khü phoumojü teile kasho doua bulaihie?”

PONGAOPEIYU 8:13

Süthaisü Enou zhue, alia lühche alinou kushoa ratei tsüle hinou zhaopoa haibüa paikushoa paoyu sü Enou choue, “Kukhe rakivamai asütaonou houngpa laiyu bekho sütao vanou deiphao hi hrüa bumai hrülai donou daizhozhou ngaopisa! Daizho zhou ngaopisa! Daizhozhou ngaopisa!”