PONGAOPEIYU 3:1 - SHEEYU BAIBEL (BSI)

¹ “Sardis hi buyu lüloumaime vei rakivamai nahi rükhaio: “Chi haisü Ramai rako anai ea teivuh anai buyu puhvei chipaoe. Enou nevah taosü sü we; ne hrihie touyu zhihsü bue ana newo thaire!

PONGAOPEIYU 3:1 Iomraidhean Croise

LUK NOU RÜYU KO AVEIBVÜ 15:24

daiolouzü Anahpoutu hainasü thailoua hridashu loure ea hawuyu hinou ngaoloure.’ Alia sübüa puletao nou sasho loure.

LUK NOU RÜYU KO AVEIBVÜ 15:32

Ana Eletao sasa-a nüh nüzüe, daiolouzü ne thaihou hainasü thailoua hridashu loure ea hawuyu hinou ngaoloure.’”

JOHAN 1:16

Alia puh vei phoupeia buyu zhuveana hinou Eletao hrülainou zhuvea peinou zhuvea nasü ngaoloure.

JOHAN 1:33

Ewo louzü puhye sümoe; ana dzünou dzükhao dapeire donou Eye seivepeiyu puhnou Ahi paoe, ‘Rakonou kou maili peivahi taoa buyu nenou ngaolai; puh hai Rako Mashinou dzükhao dapeiyu mai sünasüe.’

JOHAN 20:22

Alia puhnou sübüa paoyu thaisü, puhnou puletao pei hi ssü houkhaipei-a paoe, “Rako Mashi sü ngaoloukhaio.

JOHAN 3:34

Daiolouzü Ramai nou seiveyu puhnou Ramai chipao paoe, daiolouzü Ramai nou Rakohai khadaloua peimoe.

SEI-ATAMAI VAHTAO 2:33

Südonou puhye sü puhpuo, Ramai bahkha zhoulo hi panou khe bulouyu vanou, alia Puo hinou apaopei khaitouyu Rako Mashi nasü ngaolouyu donou, puhnou chu neletao nou ngao-a buyu ea choua buyu Rakovei sapeina nasü lakou thoupei khaitoue.

EPHESAMAI 2:1

Raikisü neletao hai paoyu zümoyu donou ea mah vanou rako hilonou thaia bue.

EPHESAMAI 2:5

süolouzü Eletao sü Eletao vei paoyu zübayu vanou rako hinou thaia buyu phahinou puhnou Eletaoye sü Khristaye koa souhri peire. Neletaoye khailu peiyuhai Ramai zhuvea vanou baie.

KOLOSSEMAI 2:13

Neletaosü teileli hisü neletao mah vanou ea neletaosü razhai hayu tahrüh kukhemai baiyu donou rako hilonou thaie. Ana chuo Ramai nou neletaoye Khristaye koa ahri hi pove peiwure. Ramai nou Eletao vei mah pfüphou hai khaipeire;

1 TIMOTHI 5:6

Ana lah pfüphao vare donou likhei hrübaiyu meapfümai puhwo louzü hria bulukhu thaire.

JEMS 2:26

Südonou rako hayu pfüphaosü athai baiyu bütoua, vah loumoyu lü nasü-a athai baie.

1 PITAR 1:11

Puletao nou teilesü dukinou laisa ea süsü kabüa velaisa tea te-a phoue. Pha hainasü Khrista vei Rakonou puletao hi louloua Khrista hai veahoyu shamea vuzülai ea süshonou puhvei kathesü ngaolai tea rai-a paopa peiyu teile süsüe.

JUD VEI SEIKO 1:12

Puletao nou neletaoye koa ahrao hazhia touzho-shozhoyu sütaonou neletao vei leshi-nühvei chaa taoe; puletaosü lah puletaoye khobaiyu zhaokho maitaoe; puletao hai teikhai nou hüpoa laiyu teirü samoyu teihaoe; alia puletaosü rashithou shimoyu, thai ahai khoyu, maa noupu paipalaiyu kaaki süübetaoe.

PONGAOPEIYU 1:11

Pai sünanou haibüa paoe, “Nenou ngaoyu taosü larübvü ali hi rüthoukhaio, alia larübvü süsü nuhdu anai haitao hi buyu lüloumaime hi süolouzü Ephesa, Smurna, Pergamam, Thuatira, Sardis, Philadelphia ea Laodikia haitaohi seive peikhaio.”

PONGAOPEIYU 1:16

Puhbah zhoulo vahinou teivuh anai keipoa bue, alia puhmü hinou thai-jü hri pfüyu khoche ali pae, alia puh zhusü vavei shoyu heako hi teinghi va kue.

PONGAOPEIYU 1:20

Nenou Abah zhoulo vahinou teivuh anai ea meibvü dzü khaiyu buhtao ngaoyu sütaovei kukhaiyu kona louzü teivuh anaitaosü lüloumaime anai vei rakiva maitaoe, alia meibvü dzükhaiyu buh anaitao nou lülou maime anaitaoe.

PONGAOPEIYU 1:4

Johan nou Asia teideihi buyu lüloumaime anaihi rüe. Chuchu buyu raikinou buyu ea thaikhai hi velaiyu Ramai puh hinou, alia puhvei vebuh nghojünou buyu rako anaitao hinou,

PONGAOPEIYU 2:13

Nenou hrüa buyu buh sü Enou süwe, sühisü Saitan vei vebuh bue. Newo Azhih hinou cheche-a bue, alia Avei cheche zhopaoh sou-apeio Antipas ye Saitan nou buyu buh sühinou southeayu ki koutea newo Ahi lüa buyu hai hakia thaokhai moe.

PONGAOPEIYU 2:19

Enou ne vah taosü süwe. Nevei leshi ea lü, nevei kuvah ea shameayu, alia nenou chu soua buyu sünanou raiki souyu jünou veikoure touyu sü Enou süe.

PONGAOPEIYU 2:2

Enou nevah ea nenou kazhou koute te-a ea shamea-a vah sousa touyu sü süwe; alia nenou maishimai taoye koa shamea zholouhoe touyu süolouzü puletaohai sei-atamai mokhaia sei-atamai baie tea paoyu sümaitao zhaisü nenou zhuloua puletao vei amadasü phoupaloue touyu sü Enou süwe.

PONGAOPEIYU 2:9

Enou nevei veahoyu ea toure hayu sü süwe, ana newo chechenou haniwe! alia lah puletao münou puletaohai Jihudimaie tea paokhaia chechemoyu ea Saitanme hinou vebaiyu puletao nou nepei hi chishi paoyutaosü Enou süwe!

PONGAOPEIYU 3:15

Enou nevah taosü süwe; newo kao-a kaomoe, sou-a soumoe. Nenou kaomo louzü souyu sü Enou züpae!

PONGAOPEIYU 3:2

Südonou kaishulo, alia nehi chu koute buyu taosü teiteinou thaitamo jühinou soutsülo. Daiolouzü Enou nevah taosü Aramai nghojünou liche-a ngaolou moe.

PONGAOPEIYU 3:8

Enou nevah taosü süwe. Zhukhaio, maitalinoua khulou hoyu houkhai touyu kikhuli Enou ne nghojühi pokhai peire. Neivei khouko daotu bubaie touyu sü Enou süwe, sütoukhai-a nenou Achi sü poloua Azhihsü bamoe.

PONGAOPEIYU 4:5

Vebuh süna hinou tei peivavayu, pairao ea teisüyu kho tyatyali pawe. Alia vebuh süna nghojü hisü mei keivava pfüa buyu meibvü anai bue, sütaosü Ramai vei rako anaitaoe.

PONGAOPEIYU 5:6

Süthaisü Enou Zhaotu aliye vebuh tsüle hinou, hrikhaona adaitaonou ea tsümaitao nou sühao-a buyu sü ngaoe. Zhaotu sünasü raichoki datheayu kue. Sünavei kai anai ea nghithou anai bue. Nghithou sütaosü deiphao teiteihi seitayu Ramai vei rako anaitaoe.