PONGAOPEIYU 22:3 - SHEEYU BAIBEL (BSI)

³ Ramai acha ngaoa buyu hatalia nuhdu sühi sü bulaimoe. Ramai vei ea Zhaotu sünavei vebuh sü nuhdu sühinou bulai, alia puh kilai maitao nou puhye sü tholai.

PONGAOPEIYU 22:3 Iomraidhean Croise

LOUTAO 16:11

Nenou Eye hriyu ludu nasü ngaopeilai; nenou Eye koa bupeiyu donou ahi hai savayu phoutao-a bue, ae teisa nou Eye savayu nasü pove peie.

LOUTAO 17:15

Ana Ewo louzü neye ngaolai, daiolouzü Enou kaomo zümo vah ashi ali-a soumoe; ae Enou kaishuyu phaki, ne nghoujü nou sava-a nou neye rai-a bulai.

ISAIAH 12:6

Zion hinou hrüa buyu mai hrülai pai chi-a lou sü soukhaio, daiolouzü Israel maivei sheeyu Ramai hai due-e, ae puh sü puhvei maitao hinou koa bue.”

ISAIAH 51:11

Mapao nou khailupa louyu maitao sü ki hi dakhai velai, puletao nou asasho-a lou soupoa Zion hi ve loulai. Teisa savayu sü puletao hi bulai, puletao nou asah sü ngaolai, ae veahoyu alia dopfüyu sü bupu laimoe.

EZEKIEL 37:27

Enou puletaoye koa sühinou hrüpeilai; Enou puletao vei Ramai sü soulai, ae puletao hai avei mai soulai.

EZEKIEL 48:35

Nuhdu vei kivo khohao khaitouyu veishi hai sa shoyu mitar thekü bue. Nuhdu sünavei zhih hai chu thainou “Mapao Sü HAIHI BUE!” tea kutalai.

ZEKHARIAH 14:11

Hai hisü mai ve hrüda khailai, daiolouzü soushi-souveayu hai ngaopu laimoe. Jerusalem hisü ngaopi touyu hazhi teanou hrüa bailai.

MATHIU 25:21

Puhvei paopunou puh hi paoe, ‘Veishore, avei ea checheyu kilai; nenou ha taili pei hi cheche louyu donou, Enou neye ha taoli pei hi panou chalai. Ne paopu vei va-sayu buh hi talou louwo.’

MATHIU 25:41

“Süthaisü puhnou puh bahkha nalo buyu taohi paolai, ‘Acha ngaolouyu neletao, Ahinou taloua rashi ea puhvei kilaitao donou soudakhai touyu teisa meibuh hi louwo.

JOHAN 12:26

Maita linou Akuvah soulouzü, puhnou Athai füvuzülai; alia Enou buyu buh hisü Akilai-a bulai; maitalinou Akuvah soulouzü, Apuonou puhye tsükhoulai.

JOHAN 13:32

Alia puh vanou Ramaiye soudusho peilouzü, Ramai nou-a puh vanou Nahpoutuye soudusho peilai, alia puhye thalasou soudusho peilai.

JOHAN 14:3

Alia Enou taho neletaoye donou buh ali soudayu thaisü, Enou buyu buh hisü neletao-a bure donou Enou dakhaive neletaoye Ahi savelai.

JOHAN 17:24

“Apuo, deiphao soumo jühinou nenou Eye leshi-a Ahi peikhai touyu Avei adusho nasü puletao nou zhuloure. Ahi peikhai touyu maitaoye Enou buyu buh hinou Eye koa panou buresü Enou züpae.

PAODAKHAIYU CHIKHA 27:26

“Ramai vei chikha ae paodou peiyu khesü zübayu mai hrülai sü chaa ngaotheo.” “Süthaisü mai hrülai nou paolai, ‘Amen!’

PONGAOPEIYU 7:10

Puletao nou pai kusholoua shapae: “Khailu peiyuhai vebuh hi buyu Eletao Ramai ea Zhaotu hinou ve!”

PONGAOPEIYU 7:9

Haina thaisü Enou zhue, alia zhukhaio, Anghojü hisü maitalinou a phoushalou hoyu maisou khemaisü bue. Puletao sü maitya, khü, tahrüh ea la tyali hinou taveloua zaokaa adutao noupoa ea puletao bah hi hashi botao poa vebuh ea zhaotu nghojünou la-a bue.