PONGAOPEIYU 22:20 - SHEEYU BAIBEL (BSI)

²⁰ Chi haitao teiteihi zhopaoh pei-a buyu puhnou paoe, “Ovai chechenou! Esü thala-a laire!” Amen. Vepeio, Mapao Jisu!

PONGAOPEIYU 22:20 Iomraidhean Croise

SOLOMON VEI LOU 8:14

Aleshipu, kaiveipou hrüyu deichi hinou tayu kho-shu ali büa mokhai-a nahleyu kho-lü ali büa ahi kou khaio.

ISAIAH 25:9

Teithe haizhou sü mai hrülai nou haibüa paolai, “Puh hai Etao Ramaie, Eletao nou puhye louchewe, alia puhnou Etaoye khailupeie. Puh sü Mapao, Etao nou puhye lüloucheyu vanou chuo Etao hai sava-a nou bure, daiolouzü puhnou Etaoye khailupa peie.”

JOHAN 21:25

Ana Jisu nou soukhai touyu vah kukhe alaosou buhie. Sütaohai ali linou rüthou khailai toulouzü, rüre larübvü taosü deiphao teitei noua pfüpai louhoe tea Enou chowe.

1 KORINTHMAI 16:22

Maitalinou Mapaoye leshi molouzü, puhsü cha ngaotheo! Maranatha — Eh Mapao, thala-a vepeio!

2 TIMOTHI 4:8

Alia chuo Teithe sükihi acheche chiku-apeio Mapaowo nou Ahi peilaiyu acheche vei Veo peirü nasü Eye donou soudapei khaitoua bure, alia süsü Ahi likhei peibai laimoe, ana puh veyu sü leshia khoa buyu puletao hrülai hi-a peilai.

EBRIAMAI 10:37

Daiolouzü sheeyu larübvü nou haibüa paoe: “Phajü chaokholoua, velaiyu puhsü velai; puhsü chao-a bulaimoe.

EBRIAMAI 9:28

Sükheihao-a Khrista-a maikhemai alaovei mahtao pfüta loure donou vuhli sheela-a pothouwure, alia mah donou moa puhye donou zhishoa khoa bumaitaoye khaipeire donou puhsü vuh ahai chena soua velai.

PONGAOPEIYU 1:18

Esü hria buyu nasüe; Esü thaire, alia zhukhaio Esü teisanou hriwe, alia athai ea thaimai deiphao pei hi khore khoukosü ahi bue.

PONGAOPEIYU 1:2

alia Johan nou puhnou ngaoyu teiteisü paongao peie. Puhnou zhopaoh souyu sünawo louzü Ramai vei chipao ea Jisu Khrista nou pongaoyu cheche zhopaoh süna vanoue.

PONGAOPEIYU 2:16

Südonou ledalo! Sükumo louzü Enou nehi thala taveloua Amü hi buyu khoche sünanou puletao pei hisü reih zülai.

PONGAOPEIYU 22:10

Alia puhnou Ahi paoe, “Larübvü haina hinou rachi paopakhai touyu chipaotaosü khei-a pokhaiwuso, daiolouzü haitao teitei palaiyu teilesü ngheiteire.

PONGAOPEIYU 22:12

Alia Jisu nou paoe, “Zhukhaio, Esü thala-a laire! Enou Avei buusü maikhemai hrülai hi lah lahnou souyu thaifüa peire donou Eye koa povewe.

PONGAOPEIYU 22:18

Larübvü haina vei rachi paopakhai touyu chipaotao choua buyu maikhemai hrülaihi Johan Enou tukha-a paowe: maitalinou hatali chi sütaohi thoupure toulouzü, Ramai nou puh hisü larübvü haina hinou paokhai touyu veahoyu taosü thoupu peilai.

PONGAOPEIYU 22:7

Jisu nou paoe, “Zhukhaio! Esü thala-a laire! Larübvü hainavei rachi paopakhai touyu chipaotao zülouyu puhsü rakoveie.”