PONGAOPEIYU 22:2 - SHEEYU BAIBEL (BSI)

² alia rei süsü nuhdu sünavei duva tsüle hinou kükouwe. Rei sünavei pe holo hailova hisü po ali hinou lüh kiahai rashi shiyu ahri süübe paopa-a bue, süsü khou tsühnou rashi shiwe. Alia süübe sünavei sünghoutaosü tahrüh khemaitao vei sounou souvei peire donoue.

PONGAOPEIYU 22:2 Iomraidhean Croise

SHURAI 2:9

Ramai Mapao nou ngaovei shoyu ae touvei shoyu rashibe tya tyali hai dei hinou panou paopa loue. Ahri süübe ae aveih ashi sükulouyu süübe hai kipei toutsü hisü bue.

LOUTAO 147:3

Puhnou tsüle pepoa buyu maitaoye sü souvei peie, ae zhizhu khaitoua buyu maitaoye sü kiko peie.

TSÜCHITAO 3:18

Honapaiye tao-a buyu maitao nou puhye sü hriyu süübe teanou kuwe; puhye taochüa buyu maiyesü asayu maitao tea kuwe.

ISAIAH 6:10

Süthai-a puhnou haibüa ahi paoe, “Mai hai maitao tsüle sü soume peikhaio, puletao vei nou sü soupe peikhaio, alia puletao vei nghithou sü souchawo, sükua panou puletaoye ngaolou laimoe, moa choulou laimoe, moa sükulou laimoe. Puletao nou ngaolou, choulou ae sükulou süre toulouzü ahi dakhai veloua puletao vei sounou nasü souveilou shulai.”

JEREMIAH 17:14

Oh Mapaowo, Eye souvei peio, sükulouzü Esü veiloua bailai. Eye vupa peio, sükulouzü Esü kaozhou vei-a bailai. Daiolouzü Enou paoshoyu nasü ne baie.

EZEKIEL 47:1

Mai nanou Eye sa-a Rathoki hi taloure bomü hi dakhaive khaipeie. Sükhevai nou dzünghou küpawe ae Rathoki nghoujülo, süsü teinghei palova kütawe. Dzü nanou Rathoki vei khelova nou deikhe vainou küpoa posheelabu vei khelova kütawe.

HOSEA 14:4

Mapao nou paoe, “Enou puletaoye sü Ahi sa-a dakhai veloulai, puletaoye sü Ale teitei nou peia leshi peilai, daiolouzü Avei lekha-rarou nasü puletao hi bupu khailai more.

ZEKHARIAH 14:8

Süzhou hai Jerusalem hinou ahri dzüla sü küpalai, dahli hai teinghi palova ae dahli hai teinghi loulova nou külai; süsü ka-hou sümoa kübulai.

MALAKAI 4:2

Ana azhih ngaopi-a laiyu neletao donou avei khailu peiyu vei khouko hai teinghi büa palai, ae souvei peiyu shouh pfüa palai. Vee hinou payu chotu nou asasho-a choyu büa neletao nou cholai.

LUK NOU RÜYU KO AVEIBVÜ 4:18

“Mapao vei Rakosü Apei hi bue, daiolouzü puhnou Eye sü toure hamai hi ko avei paodou peire donou dopa peire. Puh nou Eye sü hukhakihi bumai taohi mado souyu ea nghichamai hisü nghi ngaolouyu sü shangao peire, sovea-souhowuyu maiye phapeiyu,

1 PITAR 2:24

Eletaoye panou mah hilonou thailoua acheche hilonou hriloure donou Khrista lahnou puh pfüzhonou Eletao mahsü kros vanou pfüpeire. Puhvei zheemütaonou neletaoye souvei peiwure.

PONGAOPEIYU 2:7

“Nou pfüa buyu puhnou Rakonou lüloumaime taohi pao-a buyu nasü keiloukhaio! “Reih ko louyu puh hisü Ramai vei Shofü hinou paopayu ahri süübe vei rashithouna touloure zü nasü Enou peilai.

PONGAOPEIYU 21:21

Romü kiahai taosü mukta chuh kiahaitaoe. Romü alilisü mukta chuh alilinou soukhaitoue, alia nuhdu sünavei duvasü zhuzhu büa peivavathou sheetouyu sananou soukhaitoue.

PONGAOPEIYU 21:24

Tahrüh khemai taonou sünavei ava hinou talaita-a bulai; alia deiphao hi vemaitao nou puletao vei kinisü sühi povelai.

PONGAOPEIYU 22:1

Süthaisü rakivamai sünanou Ramai ea Zhaotuvei vebuh hinou küpayu zhuzhu büa leivavayu ahri dzüvei rei nasü Ahi pongaoe,

PONGAOPEIYU 22:14

Puletao nou ahri süübe süna hinou rashi touloure ea romü sütao hinou nuhdu sühi talou loure donou puletao vei zaoduna soushee louyu maitaosü rakoveie.

PONGAOPEIYU 22:19

Alia maitalinou larübvü hainavei rachi paopayu chipaotao hinou hatali popare toulouzü, Ramai nou larübvü haina hinou paokhai touyu Ahri süübe ea mashee nuhdu hinou puhvei zhasü potawulai.