PONGAOPEIYU 22:18 - SHEEYU BAIBEL (BSI)

¹⁸ Larübvü haina vei rachi paopakhai touyu chipaotao choua buyu maikhemai hrülaihi Johan Enou tukha-a paowe: maitalinou hatali chi sütaohi thoupure toulouzü, Ramai nou puh hisü larübvü haina hinou paokhai touyu veahoyu taosü thoupu peilai.

PONGAOPEIYU 22:18 Iomraidhean Croise

TSÜCHITAO 30:6

Puhnou paomoyu chipao lihai puhnou paowe tea paolouzü, Puhnou neye souvea peia bailai alia neye dayu maili soua poloua bailai.”

LEVIMAI LARÜBVÜ 26:18

“Haibü peia buyuma neletao nou achi züba louzü, Enou veahoyu hai avu anai thoupuloua neletaoye tudeepu peilai.

LEVIMAI LARÜBVÜ 26:28

avei lekha rarou hinou neletaoye raichoki veahoyu jünou bakha anai hai souveapu peilai.

LEVIMAI LARÜBVÜ 26:37

Mai linoua thaihu moa buyuma neletao hai alinou ali hinou hraloua kaodu ta-a bailai, ae ngaoba maiye dulou ho-a bailai.

MATHIU 15:13

Jisu nou chila peie, “Rakibu Apuonou shomoyu süübe tali sü maanoupu paipawulai.

EPHESAMAI 4:17

Südonou Mapaowo zhih hinou Enou haisü neletaoye tukha-a paowe: hako tsü pfüa buyu zhaohsho maitao büa neletaowo hrüpu khaiso;

PAODAKHAIYU CHIKHA 12:32

“Enou neletao hi kharochi peiyu veishi zü-a soukhai toulo; sühi thou-a thoupuso alia pha-a phaso.

PAODAKHAIYU CHIKHA 4:2

Enou neletao hi paopeiyu chikhatao hisü haliro thoupuso moa poa popaso. Enou neletao hi peikhai touyu Ramai Mapao vei chikha khesü zütoulo.

1 THESSALONIMAI 4:6

Südonou maitalinoua lah puhvei thaihou jüraihi süna vanou soula-pfüla-a soumahwu laimoe, süsü Ehnou raia nelehi paongaowe ea chihshoa neleye tukha-a paowe süolouzü sübüa souyumai hrülai pei hisü Mapao nou khüh phoulai.

PONGAOPEIYU 1:3

Paosüyu rachi hainavei chipaotao phouyu puhsü rakoveie, alia chipao süsü keiloua larübvü hainahi rüthoukhai touyu sütao zülouyu puletaosü rakoveie! Daiolouzü sütao teitei palaiyu phasü ngheire.

PONGAOPEIYU 15:1

Süthaisü kukhe dushoyu ea khupa shoyu sheeli süolouzü veahoyu anai poa buyu rakivamai anaitaoye sü rakivanou Enou ngaoe. Sütaosü veahoyu akhai taoe, daiolouzü sütaosü akhaisoua Ramai rarouyu pongaoyu taoe.

PONGAOPEIYU 15:6

Rathoki süna hinou veahoyu anai poa buyu rakivamai anai taosü tapae. Puletao sü sheetoua peivavayu jüyu sahnou bahnoue ea puletao khaohisü sana khyakho nou phusühao khaitoue.

PONGAOPEIYU 19:20

Ana khaosou sünaye sü ea puhye koa puh nghojünou shee taoli soua laiyu madayu rachi paolapeioye niloure. Shee sütaonou khaosou sünavei paoshee buyutao ea puhvei zhu raiyu basharaye thoyutaoye lawure. Khaosou süna ea madayu rachi paolawo puhaiye sü meichuhnou dei-a buyu meizai sünahi hria polai thoure.

PONGAOPEIYU 20:10

Sükisü puletaoye layu Rashinaye sü raiki khaosou süna ea madayu rachi paolawo naye polai thouyu buh mei ea meichuh vei zai hi polai thoure, alia puletaoye sü teisa khei-heanou souvea peilai.

PONGAOPEIYU 20:15

Ahri larübvü nahi zhih phouhayu maitaliye sü meizaihi polai thouwure.

PONGAOPEIYU 22:10

Alia puhnou Ahi paoe, “Larübvü haina hinou rachi paopakhai touyu chipaotaosü khei-a pokhaiwuso, daiolouzü haitao teitei palaiyu teilesü ngheiteire.

PONGAOPEIYU 22:16

“Jisu Enou lüloumaime taoye donou zhopaoh hainasü neletao hi peiloure Avei Rakivamai naye seivewe. Ehai David vei Ma ea Taonah, alia vavei shoyu Shona Teivuh nasüe.”

PONGAOPEIYU 22:7

Jisu nou paoe, “Zhukhaio! Esü thala-a laire! Larübvü hainavei rachi paopakhai touyu chipaotao zülouyu puhsü rakoveie.”

PONGAOPEIYU 22:9

Ana puhnou Ahi paoe, “Nenou süsü souwu laimoe! Esü ne, ne thaihou jürai rachi paolamaitao ea larübvü hainavei chipaotao züa buyu puletaoye koa kilai souzhoyu mai alibaie. Ramaiye tholo!”

PONGAOPEIYU 3:14

“Laodikia hi buyu lüloumaime vei rakivamai na hi rükhaio: “Chi haisü acheche ea chekhaoyu zhopaohsouwo, Ramai nou soukhai touyu teiteivei beihna, Amen puhvei chipaoe.