PONGAOPEIYU 22:17 - SHEEYU BAIBEL (BSI)

¹⁷ Rako ea Nghire painou paoe, “Tavelo!” Alia chipao haina choua buyu puhnou, “Tavelo!” tea paokhaio. Alia rei-a buyu maitalinou tave loukhaio, züpa-a buyu maitalinou ahri dzü sü sa-a küloukhaio.

PONGAOPEIYU 22:17 Iomraidhean Croise

LOUTAO 34:8

Mapao hai daizhou koute veiwe touyu sü neletao lah phoupalou khaio. Puh hinou baiyu buh soua bulouyu maitao hai asayu maitaore.

ISAIAH 12:3

Rei-a laimai nou veishoyu dzü ngaoloua asayu büa Ramai vei maitao sü puhnou khailupa peiyu donou asawe.”

ISAIAH 2:3

Maikhe mainou taveloua haibüa paolai, “Khe, Etao Mapao vei deichi peiva Israel maivei Ramai ye thoyu Rathoki hisü tave laikhe. Etaoye panou daivah souyu jüpawe touyu puhnou Etao hi dou peilai; ae puhnou dopa peikhai touyu ludu hisü Etao nou talai. Daiolouzü Mapao vei dou-apei nasü Jerusalem hinou vepawe, Zion hinou puhnou puhvei maitaoye chaku peiwe.”

ISAIAH 2:5

Oh Jakob vei tyaosholea maitaore, chuo Etao Mapao vei ava hinou tabai laishe!

JEREMIAH 50:5

Puletao nou Zion vei ludu sü noutalai alia sülova sü talai. Puletao nou akhai hayu vei vo hai Eye koa souloulai ae sünasü pfüphe khailai moe.

EZEKIEL 47:1

Mai nanou Eye sa-a Rathoki hi taloure bomü hi dakhaive khaipeie. Sükhevai nou dzünghou küpawe ae Rathoki nghoujülo, süsü teinghei palova kütawe. Dzü nanou Rathoki vei khelova nou deikhe vainou küpoa posheelabu vei khelova kütawe.

MIKAH 4:2

ae puletao nou haibüa paolai, “She, Mapao vei deichi vasü talai khe, Israel maivei Ramai Rathoki hisü velai khe. Puhnou Etaoye puhnou jüpayu nasü doupeilai; Puhnou dopa khaitouyu ludu hisü Etao nou talai. Daiolouzü Mapao vei chipao hai Jerusalem hinou vewe; Puhnou Zion hinou puhvei maitaoye chaku peiwe.”

JOHAN 1:37

Puh rozümai ahai nou puhnou sükua paoyusü choulou-a Jisu thaifü tare.

JOHAN 4:10

Jisu nou puh hi chila peie, “Nenou Ramai vei sa-apeina ea nehinou dzü khoyu puh hai thaohsa touyu süa buyu thaio nenou, puh hinou kholai, alia puhnou nehi hriyu dzü nasü peiloulai.”

JOHAN 4:11

Naotu süpainou puh hi paoe, “Dou-apeio, newo dzü saoloure halia hae, alia dzükhao nasü thoushowe; daikinou nenou hriyu dzü nasü ngaoloulai?

JOHAN 4:14

ana Enou peilaiyu dzü süna külouyu mai taliwo reipukhai khailaimoe; Enou peilaiyu dzü sünasü puhvei lekhe hinou teisa hrire donou küpayu dzüla datalai.”

JOHAN 4:29

“Tavekhaio, Enou soukhai-soukhai touyu veishi Ahi paongao peiyu mai sünaye ve zhukhaio. Puh hai Khrista laiwu?”

JOHAN 7:37

Nüh süna akhai ea matsü tsülai teithe kisü, Jisu nou lashuloua ea paikushoa paoe, “Maitalia reilouzü, puhye panou Ahi taveloua küloukhaio.

ROMMAI 3:24

Ana Ramai zhuvea vei sapeina sünanou maikhe maiye mado soupeiyu Khrista Jisu vanou puhye koa puletao hrülaiye souzü peire.

1 KORINTHMAI 2:12

Eletao nou deiphao hainavei rako ngaolou moe; ana Ramai nou Eletao hi sa-a peikhai touyu teitei sü süloure donou Ramai hinou seive khaitouyu Rako nasü Eletao nou ngaoloue.

PONGAOPEIYU 14:13

Süthaisü raki vanou pai alinou haibüa paoyu Enou choue; “Haisü rükhaio: chu shonou Mapaowo vei kuvah souyu hinou thaiyu maisü rakoveie!” Rakonou chila peie, “Ovai achechenou! Puletao nou puletao vei te-a vah souyu hinou soloulai, daiolouzü puletao vahnou puletao thaifüwe!”

PONGAOPEIYU 2:7

“Nou pfüa buyu puhnou Rakonou lüloumaime taohi pao-a buyu nasü keiloukhaio! “Reih ko louyu puh hisü Ramai vei Shofü hinou paopayu ahri süübe vei rashithouna touloure zü nasü Enou peilai.

PONGAOPEIYU 21:2

Alia Mashee Nuhdu, ashee Jerusalem nasünou puh chaaye daore donou tutou khaitoua souda cheyu nghirepai sünabüa Ramai hinou rakivanou takouyu sü Enou ngaoe.

PONGAOPEIYU 21:6

Alia puhnou Ahi paoe, “Haisü souchere! Esü Alpha ea Omega, shuraina ea akhaiwo nasüe. Rei-a buyu, maitali hisü ahri dzünghou hinou Enou panou sa-a küloulai.

PONGAOPEIYU 21:9

Süthaisü akhai veahoyu anainou phouyu pai anaitao poa buyu rakivamai anaitao hrohinou alinou Ahi taveloua paoe, “Tavelo, Enou ne hi Zhaotu sünavei chapfü, nghirepai sünaye nehi ngaopeilai.”

PONGAOPEIYU 22:1

Süthaisü rakivamai sünanou Ramai ea Zhaotuvei vebuh hinou küpayu zhuzhu büa leivavayu ahri dzüvei rei nasü Ahi pongaoe,

PONGAOPEIYU 22:16

“Jisu Enou lüloumaime taoye donou zhopaoh hainasü neletao hi peiloure Avei Rakivamai naye seivewe. Ehai David vei Ma ea Taonah, alia vavei shoyu Shona Teivuh nasüe.”

PONGAOPEIYU 7:17

Daiolouzü vebuh tsüle hinou buyu Zhaotu puhnou puletao vei Zhao-akhowo soulai, alia puhnou puletaoye hriyu dzühoung hi süthai save thoupeilai. Alia Ramai nou puletao nghithou hinou nghidzü teiteisü southe peiwulai.”