PONGAOPEIYU 22:12 - SHEEYU BAIBEL (BSI)

¹² Alia Jisu nou paoe, “Zhukhaio, Esü thala-a laire! Enou Avei buusü maikhemai hrülai hi lah lahnou souyu thaifüa peire donou Eye koa povewe.

PONGAOPEIYU 22:12 Iomraidhean Croise

JOB VEI LARÜBVÜ 34:11

Mainou soupfüyu thaifüa Ramai nou buu peiwe, ae maikhe mainou soupfüyu thaifüa soupeiwe.

LOUTAO 28:4

Puletao nou soupfü khaitouyu vah thaifüa ae puletao nou vah ashi soukhai touyu thaifüa puletaoye tudee peio. Puletao nou soukhai touyu vah haso thaifüa puletao nou ngaozüa buyu nasü puletao hi soupeio.

ISAIAH 40:10

Khoukhoulai Mapao sü khouko noupu khasa-a hrüre donou velai. Puhnou khailupa peiyu maitaoye buu pfüve peilai alia puletao paozho khesü khaipeilai.

ISAIAH 62:11

Mapao nou deiphao kainghou adai hi haibüa shapaowe: “Jerusalem hi hrüyu maitao hi haibüa paopeio, Mapao nou neletaoye khailupa peire donou laire, puhnou khailupa peikhai touyu maitaoye sü koa salaire.”

JEREMIAH 17:10

Mapao Enou deiphao maivei tsüle sü kabüa busa tea nou phou-a zhuwe. Enou mai ali liye puhnou soupfüyu ae puhvei vah thaifüa ngaozü nasü peie.”

ZEPHANIAH 1:14

Mapao vei dushoyu teithe nahai nghiteire, nghitei toure alia thasho-a laire. Süzhou teithe sü shisholai, daiolouzü süzhou teithe hai khouko pfüsho-a buyu mai koutea shusoua kralai.

MATHIU 16:27

Daiolouzü Mai Nahpoutu hai puh Puo vei khouko ava hinou puh vei rakivamai taoye koa velai, alia sükisü mai hrülaiye lah lahnou soukhai touyu vahtao thaifüa puh nou buu peilai.

ROMMAI 14:12

Südonou Eletao hrülainou lah lah vei pa-louchi hai Ramai hi peilai.

1 KORINTHMAI 3:14

Kifü süna vahinou soukhai touyu maitali vah hai meinou deimore toulouzü, souyu pao puhsü buu ngaolai.

1 KORINTHMAI 3:8

Süübe shopeiyu ea dzü züpeiyu puhai sü kheihaobaie, alia puhai maili linou lah lahnou souyu thaifüa Ramai hinou buu ngaobailai.

PONGAOPEIYU 11:18

Tahrüh kukhe maitao nou lekha rarou loure, daiolouzü nevei rarouyu phasü veloure; alia thaimaiye chiku laiyu teilesü vere. Ne kilaitao, rachi paolamaitao ea sheeyu maitaoye alia nezhihye tsükhouyu tai du hrülaiye buu peilaiyu teilesü veloure, Alia deiphaoye souhayu maitaoye souhare teilesü veloure!”

PONGAOPEIYU 2:23

Enou puh nahmai taoye sü southealai, alia sükisü lüloumaime hrülainou Esü maikhemai hrülai tsüle süyu mai nasüe touyu sü sülai, alia Enou neletao mai aliliye lah lahnou soukhai touyu vah thaifüa ngaozü nasü peilai.

PONGAOPEIYU 20:12

Alia thaimaitao taidu veishi kheihao-a vebuh süna nghojünou la-a buyu sü Enou ngaoe. Sühisü larübvütao hapa khaitoue, alia süthai-a kukhe larübvüli hapa khaitoue, süsü ahri larübvü nasüe.

PONGAOPEIYU 22:20

Chi haitao teiteihi zhopaoh pei-a buyu puhnou paoe, “Ovai chechenou! Esü thala-a laire!” Amen. Vepeio, Mapao Jisu!

PONGAOPEIYU 22:7

Jisu nou paoe, “Zhukhaio! Esü thala-a laire! Larübvü hainavei rachi paopakhai touyu chipaotao zülouyu puhsü rakoveie.”

PONGAOPEIYU 3:11

E thala-a laire. Maitalinoua nevei veo peirüsü saolou more donou, nehi buyu nasü soutao soua polo.