PONGAOPEIYU 22:10 - SHEEYU BAIBEL (BSI)

¹⁰ Alia puhnou Ahi paoe, “Larübvü haina hinou rachi paopakhai touyu chipaotaosü khei-a pokhaiwuso, daiolouzü haitao teitei palaiyu teilesü ngheiteire.

PONGAOPEIYU 22:10 Iomraidhean Croise

ISAIAH 13:6

Kra-a dopfü loukhaio, daiolouzü Mapao vei teithe sü nghiteire; Khoukhoulai Mapao nou veahoyu sü seive laire.

ISAIAH 8:16

Avei rozümaitao Ramai nou ahi paopeilai touyu chitao soutaosou pokhai toulo,

EZEKIEL 12:23

Südonou chuo Ramai Mapao Enou nada süna vanou haibüa paowe tea paopeio. Enou nada sünasü panou akhai soulaire. Israel maivei teidei hisü panou sübüa paopu khailai more. Süna thao sü puletao nou haibüa panou paolai: Teithe teile sü vere ae vepalai tea paopeiyu khesü cheche-a nou vepare!

DANIEL 12:4

“Ana Daniel, akhai teile hi koute larübvü nasü hokhaiwuo alia sheesao khaio. Mai alaosou akhai teithe hisü hasüpu loure donou takou takhea phoulai.”

DANIEL 12:9

Puhnou ahi chila peie, “Daniel, ne tabaio, daiolouzü chipao haitao hai akhai teile hi koute kheia nou khailai.

DANIEL 8:26

Teithe teithe vei posheelayu vanou ngaoyu zho nasü cheche-a vepalai, ana zho ngaokhai toua buyu nasü kheia poku khailo, daiolouzü hai nahai vepare teile taoli buhie.”

MATHIU 10:27

Enou neletao hi teizhi hinou paopeiyu nasü neletao nou teiva hinou paovuzükhaio, alia neletao nou kheia choulouyu nahai kipei hinou pa shakhaio.

ROMMAI 13:11

Süpeinou haihai dai teilechosa touyu süolouzü chu teile hai neletaoye donou zhia buyu hinou kaishuyu pha vuzüre touyu sü neletao nou süwe. Daiolouzü Eletao nou lülourai jünou chunou khailu peiyu hai Eletao hi nghipure.

ROMMAI 13:12

Kheipha hai cheyu laire, heapha sü ngheiteire. Südonou Eletao nou teizhi vei vah taosü thaowu laikhe ea teiva vei reih natao sü noulou laikhe.

2 THESSALONIMAI 2:3

Hatali hinou maiye panou neleye lawuso; daiolouzü meizaihi thouvuzü laiyu Mai Ashina nou taveloua raia akhai vei reih nasü soubvüro moyu koutesü teithe sünasü velaimoe.

1 PITAR 4:7

Na veishi vei akhai teilesü ngheire. Südonou neletao veachi pao-a buloure donou lahnou lahye tukha-a ea leikei-a bulo.

PONGAOPEIYU 1:11

Pai sünanou haibüa paoe, “Nenou ngaoyu taosü larübvü ali hi rüthoukhaio, alia larübvü süsü nuhdu anai haitao hi buyu lüloumaime hi süolouzü Ephesa, Smurna, Pergamam, Thuatira, Sardis, Philadelphia ea Laodikia haitaohi seive peikhaio.”

PONGAOPEIYU 1:3

Paosüyu rachi hainavei chipaotao phouyu puhsü rakoveie, alia chipao süsü keiloua larübvü hainahi rüthoukhai touyu sütao zülouyu puletaosü rakoveie! Daiolouzü sütao teitei palaiyu phasü ngheire.

PONGAOPEIYU 10:4

Alia teisüyuvei pai sütaonou chi paocheyu thaibü hisü Esü rüthoulai tea bure, ana raki hinou pai alinou haibüa paoyu sü Enou choue, “Teisüyu anaitao nou paoyu sü khei-a khailou baio; alia süsü rüthouwuso!”

PONGAOPEIYU 22:16

“Jisu Enou lüloumaime taoye donou zhopaoh hainasü neletao hi peiloure Avei Rakivamai naye seivewe. Ehai David vei Ma ea Taonah, alia vavei shoyu Shona Teivuh nasüe.”

PONGAOPEIYU 22:18

Larübvü haina vei rachi paopakhai touyu chipaotao choua buyu maikhemai hrülaihi Johan Enou tukha-a paowe: maitalinou hatali chi sütaohi thoupure toulouzü, Ramai nou puh hisü larübvü haina hinou paokhai touyu veahoyu taosü thoupu peilai.

PONGAOPEIYU 22:20

Chi haitao teiteihi zhopaoh pei-a buyu puhnou paoe, “Ovai chechenou! Esü thala-a laire!” Amen. Vepeio, Mapao Jisu!

PONGAOPEIYU 22:7

Jisu nou paoe, “Zhukhaio! Esü thala-a laire! Larübvü hainavei rachi paopakhai touyu chipaotao zülouyu puhsü rakoveie.”

PONGAOPEIYU 22:9

Ana puhnou Ahi paoe, “Nenou süsü souwu laimoe! Esü ne, ne thaihou jürai rachi paolamaitao ea larübvü hainavei chipaotao züa buyu puletaoye koa kilai souzhoyu mai alibaie. Ramaiye tholo!”

PONGAOPEIYU 5:1

Alia vebuh süna vahi buyu mai süna bah zhoulo vanou Enou larübvü ali ngaoe; Sühavei phao-le ahai hisü larüchah rüthou phoutsü khaitoua paoshee anai nokhaitoue.