PONGAOPEIYU 22:1 - SHEEYU BAIBEL (BSI)

¹ Süthaisü rakivamai sünanou Ramai ea Zhaotuvei vebuh hinou küpayu zhuzhu büa leivavayu ahri dzüvei rei nasü Ahi pongaoe,

PONGAOPEIYU 22:1 Iomraidhean Croise

LOUTAO 46:4

Sühisü rei ali nou Ramai vei nuhdu, Kukulaiwo vei sheeyu ki hisü savayu hai küve peie.

ISAIAH 41:18

Enou kushoyu deichi vanou reidzü sü kükou peilai, ae deikho toutsü hinou pa dzüla palai; Enou vaohro hisü nou dzübvü hepeilai, alia radeiki hinou pa dzühou küpa peilai.

ISAIAH 48:18

“Neletao nou avei kharochi züloure toulouzü, kaozhou veiyu sünou neletao hisü reidzü küyu büa külai, ae neletao nou veilou ngalouyu sü zai hi dzü lüyu büa lüvelai.

ISAIAH 66:12

Mapao nou paoe, “Enou neletaoye sü panou vasho-a hrülai; tyahrü kukhe maitao vei kini khesü thekhai toumoa küa buyu reidzü büa panou neletao hi küve loulai. Neletaoye sü pfü nou nahmaitouye leshi shopoa nakephao hinou daopo peiyu büa kiko peilai.

JEREMIAH 17:13

Oh Mapaowo, Israel maitao vei areih nasü ne baie; neye thaowua tayu mai hrülai hai hraongu ngaolai. Puletao vei zhih sü vonai phaohi rükhai touyu büa ngaomota bailai, daiolouzü puletao hri-a buyu dzüla, Mapao neye thaowure.

JEREMIAH 2:13

daiolouzü avei maitao nou mah ashi ahai souwure; puletao nou Eye sü thaowure, hriloure dzüla nasü malaiwure, ae puletao nou lah dzükhao sü heloure, süsü dzü tsüta-a bailaiyu dzükhao baie.

ZEKHARIAH 14:8

Süzhou hai Jerusalem hinou ahri dzüla sü küpalai, dahli hai teinghi palova ae dahli hai teinghi loulova nou külai; süsü ka-hou sümoa kübulai.

JOHAN 13:32

Alia puh vanou Ramaiye soudusho peilouzü, Ramai nou-a puh vanou Nahpoutuye soudusho peilai, alia puhye thalasou soudusho peilai.

JOHAN 15:26

“Ana Enou Puo hinou neletao hi seivepei laiyu, süolouzü Puo hinou velaiyu acheche Rako, soukha-apeionou veyu kisü puhnou Avanou zhopaoh soulai;

JOHAN 4:14

ana Enou peilaiyu dzü süna külouyu mai taliwo reipukhai khailaimoe; Enou peilaiyu dzü sünasü puhvei lekhe hinou teisa hrire donou küpayu dzüla datalai.”

SEI-ATAMAI VAHTAO 2:33

Südonou puhye sü puhpuo, Ramai bahkha zhoulo hi panou khe bulouyu vanou, alia Puo hinou apaopei khaitouyu Rako Mashi nasü ngaolouyu donou, puhnou chu neletao nou ngao-a buyu ea choua buyu Rakovei sapeina nasü lakou thoupei khaitoue.

PONGAOPEIYU 1:1

Larübvü haina hai Jisu Khrista nou pongao peiyutao shoshonou rüthouyu larübvü nasüe. Pongao peiyu haina hai Ramai nou Khristahi dai thala-a pavuzü lairesa touyu sü puhvei kilai taohi pongao peire donou peikhaitoue. Khrista nou sütaosü puhvei rakivamaiye puh kilai Johan hi seivepei-a puh hi panou süngaopeie,

PONGAOPEIYU 21:11

Nuhdu süsü Ramai vei avanou varupfüa bue. Alia sünavei varuyu sü muhteiyu chuh ea jaspar chuh kue, alia leireiyu zhuzhu kua leivavawe.

PONGAOPEIYU 21:6

Alia puhnou Ahi paoe, “Haisü souchere! Esü Alpha ea Omega, shuraina ea akhaiwo nasüe. Rei-a buyu, maitali hisü ahri dzünghou hinou Enou panou sa-a küloulai.

PONGAOPEIYU 21:9

Süthaisü akhai veahoyu anainou phouyu pai anaitao poa buyu rakivamai anaitao hrohinou alinou Ahi taveloua paoe, “Tavelo, Enou ne hi Zhaotu sünavei chapfü, nghirepai sünaye nehi ngaopeilai.”

PONGAOPEIYU 22:17

Rako ea Nghire painou paoe, “Tavelo!” Alia chipao haina choua buyu puhnou, “Tavelo!” tea paokhaio. Alia rei-a buyu maitalinou tave loukhaio, züpa-a buyu maitalinou ahri dzü sü sa-a küloukhaio.

PONGAOPEIYU 22:6

Süthaisü Rakivamai sünanou Ahi paoe, “Chipao haitaosü louchelou veie ea chechewe. Alia rachi paolamaitao hi puhvei rako peiyu Ramai Mapaowo nou thala-a daipa vuzülaisa touyu sü puhvei kilaitaohi pongao peire donou puhvei rakivamai naye sü seipeie.”

PONGAOPEIYU 3:21

Enou reih koloua Apuoye koa puh vebuh hinou buzhoyu büa, reih kolouyu puhtao hisü Eye koa Avebuh hinou buloure zü nasü Enou peilai.

PONGAOPEIYU 5:13

Süthaisü Enou raki hi, deiphao hi, deikhe hi, zai hi, alia teideiphao teitei hi buyu hrikhaona hrülai nou haibüa lou souyu sü choue: “Vebuh hinou buyu puh ea Zhaotu hisü paoshoyu, tsükhouyu, adusho ea khou-chihyu buyu sü teisanou souloukhaio, teisanou!”

PONGAOPEIYU 5:6

Süthaisü Enou Zhaotu aliye vebuh tsüle hinou, hrikhaona adaitaonou ea tsümaitao nou sühao-a buyu sü ngaoe. Zhaotu sünasü raichoki datheayu kue. Sünavei kai anai ea nghithou anai bue. Nghithou sütaosü deiphao teiteihi seitayu Ramai vei rako anaitaoe.

PONGAOPEIYU 7:17

Daiolouzü vebuh tsüle hinou buyu Zhaotu puhnou puletao vei Zhao-akhowo soulai, alia puhnou puletaoye hriyu dzühoung hi süthai save thoupeilai. Alia Ramai nou puletao nghithou hinou nghidzü teiteisü southe peiwulai.”