PONGAOPEIYU 21:8 - SHEEYU BAIBEL (BSI)

⁸ Ana, khuhayumai lüloumomai, souzhaiwuyu maitao, maiye southeamai, khulou vah soumai, khei-khupado souyu maitao, basharaye thoyu maitao alia madayu mai hrülai taovei buhwo louzü meinou ea meichuh nou dei-a buyu meizai sünasüe, süsü athai ahai chenasüe.”

PONGAOPEIYU 21:8 Iomraidhean Croise

TSÜCHITAO 19:5

Chikuyu buh hi da-a lah-apei mai nasü souvea peimoa pa talai moe, alia da-a chi paoyu mai nasü turei palou hoe.

TSÜCHITAO 19:9

Da-a la-apei nasü souvea peimoa panou talai moe, alia dachi paoyu maisü hakata-a bailai.

ISAIAH 51:12

Mapao nou paoe, “Enou neletaoye soukhou peiyu nasüe. Neletao thaita-a bailaiyu maiye sü daisounou ngaopiwe?

ISAIAH 57:11

Mapao nou paoe, “Neletao ramai kataoye ngaopi loua ahi madawe ae Eye ngaiwe? Neletao Eye tsükhoumo tayu sü Enou neletao hi teile phasho-a chakhai toumoa nasha tea buyu donouvu?

ISAIAH 9:15

Tsümai ae khuhao-a buyu maitao hai pei-e alia dayu hinou dou-apei rachipaola maitao nou mi-e.

MALAKAI 3:5

Süthaisü chikure donou E nekhemai hi nghikoulai; kheikhupado soumai, maichapfü sapamai, dayu-a chaachou soumai, maiye souveamai ae vah soumai zho peitou momai, meamai ae rounah ye souveayu mai, shetu maiye deima bumai alia Eye pimoyu mai pei hisü Enou chisho-a tudee peilai, tea Khoukhoulai Mapao nou paoe.

MATHIU 10:28

Alia pfüphaoye southealou khaia rakoye southealou hoyu puletaoye piso; ana pfüphao ea rako ahaiye koa meizaihi pothou souhalou süyu Ramaiye pilo.

MATHIU 25:25

Südonou Enou ngaopiloua taho nevei talent sha nasü deikhehi pokure. Zhukhaio! Nevei sü haihi bue.’

MATHIU 8:26

Jisu nou puletao hi chila peie, “Neletao daidonou piwe? Lü taishoyu maitaore!” Süthaisü puhnou shuloua teikhaitaoye ea zaiye soloure donou kharochi peie, alia sühisü kaonaphi loure.

MARK 9:44

(Sühisü, puletaoye toua buyu shikhao sü hakia thaikhaiwu moe, alia puletaoye deia buyu meisü hakia ngheikhaiwu moe.)

JOHAN 8:44

Neletao hai neletao puo rashina hinou ve, alia neletao lelihai neletao puo züpa souyu nasüe. Puh hai shurainou maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhnou amada chi paoyu sü lah puh zhai thaifüa paobaie, daiolouzü puh hai amada nasüe ea amada teitei vei puo nasüe.

PAODAKHAIYU CHIKHA 20:8

“Süthai-a peichawo nou haibüa paopulai, ‘Maitalina ngaopi louzü moa lechüyu bumoma? Sübüyu mai bulouzü ki hi dakhaita-o, sükure tulouzü puh thaihou-jürai mai le soutai peilai moe.’

2 THESSALONIMAI 2:9

Mai Ashi nasü Saitan vei khouko nou koa velai ea madayu shee ea khupavah tyali soulai,

1 TIMOTHI 4:2

Haibüa doupeiyu hai sourouyu hunou pochatheayu büa lekhetsü thaitayu avei khokho souyu madayu maitao nou paodouwe.

TITA 1:16

Puletao nou Ramaiye süe tea paowe, ana puletao vei vahtaonou puhye bawe. Puletao hai ngaorayu ea paoyu zübayu taoe, puletaosü havei talia souzüdou moe.

EBRIAMAI 12:24

Neletao sü vo ashuna vei kolelou-apeio Jisu hi ea Abel zhe jünou zhuvea koushoa chipaoa buyu vurao khaitouyu zhe hi tave louloure.

EBRIAMAI 13:4

Sheenghiyu hai maikhemai hrülainou tsükhoulai, alia sheenghiyu vei zühnasü souzhaiwuso; daiolouzü Ramai nou khakha chaozüyu ea maipfü maipuo sapayu maiye chikulai.

1 JOHAN 2:22

Sübülouzü dayu nasü thaoh-e? Puhsü Jisu hai Khristae touyu bayu nasüe. Sübüyu mainasü Puo ea Nahpoutuye bayu Khrista vei ngaobamai sünasüe.

1 JOHAN 3:15

Puh thaihou jüraiye ngaorayu maitalisü maiye southeayu maibaie, alia neletao nou süwe süolouzü maiye southeamai puh hisü teisavei ahri nasü hae.

1 JOHAN 5:10

Südonou Ramai Nah Poutuye loucheyu mai talisü lah puh lekhehi zhopaoh hainasü bue; ana Ramaiye louche moyu mai talinou puhye sü dayumai soupeire, daiolouzü Ramai nou puhnah Poutuwo vanou paoyu sü puhnou louche peimoe.

PONGAOPEIYU 14:10

puh-a Ramai nou puhvei rouyu pai nahi dzü chokhaimoa lathoukhai touyu puhvei rarouyu zhaoh nasü sholai! Sübüa souyu puletao hrülaiye sü mashee rakivamai ea Zhaotu süna nghojünou mei ea meichuh hinou souvea peilai.

PONGAOPEIYU 19:20

Ana khaosou sünaye sü ea puhye koa puh nghojünou shee taoli soua laiyu madayu rachi paolapeioye niloure. Shee sütaonou khaosou sünavei paoshee buyutao ea puhvei zhu raiyu basharaye thoyutaoye lawure. Khaosou süna ea madayu rachi paolawo puhaiye sü meichuhnou dei-a buyu meizai sünahi hria polai thoure.

PONGAOPEIYU 2:11

“Nou pfüa buyu puhnou Rakonou lüloumaime taohi pao-a buyu nasü keiloukhaio! “Reih kolouyu puhye sü athai ahai chenanou hakia souzhuwu laimoe.

PONGAOPEIYU 2:2

Enou nevah ea nenou kazhou koute te-a ea shamea-a vah sousa touyu sü süwe; alia nenou maishimai taoye koa shamea zholouhoe touyu süolouzü puletaohai sei-atamai mokhaia sei-atamai baie tea paoyu sümaitao zhaisü nenou zhuloua puletao vei amadasü phoupaloue touyu sü Enou süwe.

PONGAOPEIYU 21:27

Ana sheemoyu hatali moa ahraoyu vah souyu ea madayu chi paoyu maitalia nuhdu sühisü velou laimoe, ana Zhaotuvei hriyu larübvühi zhih rüthou khaitouyu puletao likheinou nuhdu sühisü velou bailai.

PONGAOPEIYU 22:15

Ana nuhdu vakouhi buyu maitaosü seitao, khei-khupado souyu maitao, khulou vah souyu ea maiye southeayu, alia basharaye thoyu ea chi-la hinou ea sou-pfüyu hinou madayu sükhe maitaoe.

PONGAOPEIYU 9:17

Alia Enou zhokounou rheitao ea sütao phao vahi buyutaoye haibüa ngaoe: rhei phaovahi buyu puletao vei khaokha sü meibüa hoe, sapphir chuh kua daizüzüe, alia meichuh kua pah-e. Alia rheitao peisü souveo pei kue, alia puletao mü hi nou mei, meikhao ea meichuh pae.

PONGAOPEIYU 9:21

Moa puletao nou maiye southeayu, puletao vei khei-khupado, puletao vei khulou vah moa puletao vei vaoyu vah sütao hinou le dalou moe.

CHIKUAPEI MAITAO 7:3

Südonou nevei reih maitao hisü haibüa paopeio, ‘Mai taralia reih souyu ngaopi louzü ki hi dakhai ta-a bailai.’ ” Sübüa Gideon nou paopei khaie, mai 22,000 sü ki hi dakhai tare, ana mai 10,000 hai reih soure donou puhye koa buhie.