PONGAOPEIYU 21:6 - SHEEYU BAIBEL (BSI)

⁶ Alia puhnou Ahi paoe, “Haisü souchere! Esü Alpha ea Omega, shuraina ea akhaiwo nasüe. Rei-a buyu, maitali hisü ahri dzünghou hinou Enou panou sa-a küloulai.

PONGAOPEIYU 21:6 Iomraidhean Croise

LOUTAO 36:9

Daiolouzü ne hi hriloure dzüla sü bue, ae nevei ava hisünou Etao hai vayu ngaoloua nou bue.

ISAIAH 12:3

Rei-a laimai nou veishoyu dzü ngaoloua asayu büa Ramai vei maitao sü puhnou khailupa peiyu donou asawe.”

JEREMIAH 2:13

daiolouzü avei maitao nou mah ashi ahai souwure; puletao nou Eye sü thaowure, hriloure dzüla nasü malaiwure, ae puletao nou lah dzükhao sü heloure, süsü dzü tsüta-a bailaiyu dzükhao baie.

HOSEA 14:4

Mapao nou paoe, “Enou puletaoye sü Ahi sa-a dakhai veloulai, puletaoye sü Ale teitei nou peia leshi peilai, daiolouzü Avei lekha-rarou nasü puletao hi bupu khailai more.

JOEL 3:18

“Süzhou teithe sü dzüyu darkha dzünou deichi vanou yaokoulai, ae deitao khesü chonaodzü nou külai, alia Judah hi reitou teitei nou dzü külai; Mapao ki hinou dzüla ali palai, alia Akasia Deikho sü dzünou züpeilai.

JOHAN 4:10

Jisu nou puh hi chila peie, “Nenou Ramai vei sa-apeina ea nehinou dzü khoyu puh hai thaohsa touyu süa buyu thaio nenou, puh hinou kholai, alia puhnou nehi hriyu dzü nasü peiloulai.”

JOHAN 4:11

Naotu süpainou puh hi paoe, “Dou-apeio, newo dzü saoloure halia hae, alia dzükhao nasü thoushowe; daikinou nenou hriyu dzü nasü ngaoloulai?

JOHAN 4:14

ana Enou peilaiyu dzü süna külouyu mai taliwo reipukhai khailaimoe; Enou peilaiyu dzü sünasü puhvei lekhe hinou teisa hrire donou küpayu dzüla datalai.”

ROMMAI 3:24

Ana Ramai zhuvea vei sapeina sünanou maikhe maiye mado soupeiyu Khrista Jisu vanou puhye koa puletao hrülaiye souzü peire.

ROMMAI 8:32

Lah puhnah poutuye-a phapei moa Eletao hrülai donou puhye thoupeiyu puhnou puhnah poutuye koa Eletao hi ha teitei sa-a peilai mowu?

1 KORINTHMAI 2:12

Eletao nou deiphao hainavei rako ngaolou moe; ana Ramai nou Eletao hi sa-a peikhai touyu teitei sü süloure donou Ramai hinou seive khaitouyu Rako nasü Eletao nou ngaoloue.

1 KORINTHMAI 3:12

Chuo kifü haina vanou kamainou sana, pousha moa muhteiyu chuhnou soua ki soupalai; kukhe mainou süü, ngai moa rouvao sei-a ki soupalai.

1 KORINTHMAI 3:21

Südonou maitalinoua emainou dai soulousüe touyu vanou khaophu souwuso. Daiolouzü ha teitei hai neletao vei baie.

1 KORINTHMAI 3:5

Sübüyu thaisü Apollos sü thaoh-e? Alia Paul sü thaoh-e? Neletaoye lü hi süthailou peiyu Eletao sü Ramai kuvah maitao baie. Eletao maili lisü Mapaowo nou lah lah hi peikhai touyu vah nasü soubaie.

PONGAOPEIYU 1:11

Pai sünanou haibüa paoe, “Nenou ngaoyu taosü larübvü ali hi rüthoukhaio, alia larübvü süsü nuhdu anai haitao hi buyu lüloumaime hi süolouzü Ephesa, Smurna, Pergamam, Thuatira, Sardis, Philadelphia ea Laodikia haitaohi seive peikhaio.”

PONGAOPEIYU 1:17

Enou puhye ngaolouyu kisü, Esü thaimai libüa puhphi hinou kou kaotare, ana puhnou puh bah zhoulonou Ava hi pokhailoua haibüa paoe, “Pikhaiso! Esü araikhana ea nakhana süe.

PONGAOPEIYU 1:8

Chuchu buyu, raikinou buyu, alia thaikhaihi velaiyu khoukhoulai Ramai Mapaowo nou paoe, “Esü Alpha ea Omega süe.”

PONGAOPEIYU 10:6

alia raki, deiphao, zai ea sütaohi buyu na teiteiye soupeiyu, teisanou hria buyu Ramai puh zhih sü kua puhnou chachouli soue. Rakivamai sünanou haibüa paoe, “Sühisü chaopuyu soukhai laimoe!

PONGAOPEIYU 16:17

Süthaisü rakivamai anai chenanou puh paisü teikhai hi lakhaire. Alia Rathoki hi vebuh süna hinou kushoyu pai alinou paipaloua haibüa paoe, “Haisü souloure!”

PONGAOPEIYU 22:13

Ewo Alpha ea Omega, Araikhana ea Nakhana, alia Shuraiwo ea Akhaiwo nasüe.”

PONGAOPEIYU 22:17

Rako ea Nghire painou paoe, “Tavelo!” Alia chipao haina choua buyu puhnou, “Tavelo!” tea paokhaio. Alia rei-a buyu maitalinou tave loukhaio, züpa-a buyu maitalinou ahri dzü sü sa-a küloukhaio.

PONGAOPEIYU 3:14

“Laodikia hi buyu lüloumaime vei rakivamai na hi rükhaio: “Chi haisü acheche ea chekhaoyu zhopaohsouwo, Ramai nou soukhai touyu teiteivei beihna, Amen puhvei chipaoe.

PONGAOPEIYU 7:17

Daiolouzü vebuh tsüle hinou buyu Zhaotu puhnou puletao vei Zhao-akhowo soulai, alia puhnou puletaoye hriyu dzühoung hi süthai save thoupeilai. Alia Ramai nou puletao nghithou hinou nghidzü teiteisü southe peiwulai.”