PONGAOPEIYU 21:5 - SHEEYU BAIBEL (BSI)

⁵ Sükisü vebuh vahinou chobuyu puhnou paoe, “Zhukhaio, Enou na teiteisü soushu peire!” alia puhnou Ahi paopukhaie; “Haisü rükhaio, daiolouzü chipao haitaosü louchelouveie ea chechewe.”

PONGAOPEIYU 21:5 Iomraidhean Croise

ISAIAH 42:9

Raichoki Enou vepalai tea paoyu khesü cheche-a vepare. Chuo Enou ne hi ashu nakhesü vepamo jünou rai-a ne hi paopeiwe.”

ISAIAH 43:19

Enou ha ashu khesü souta laire, zhulo. Sükhesü vepa-a bure, chuo neletao nou ngaolaire, zhukhaio. Enou hiphao vaohro hisü ludu soupeilai, ae radeiki hisü pa reidzü küa bulai.

LUK NOU RÜYU KO AVEIBVÜ 5:38

Süjüwo darkha zhaoh ashu hai sheetouyu souheebvü taohi lathou vuzülai.

2 KORINTHMAI 5:17

Südonou maitalinou Khrista hi buloure toulouzü, puhsü basha ashu datare; aku nasü tare, zhukhaio, ashu nasü vere.

EBRIAMAI 12:27

“Chu-a” touyu chipao hainanou soukhai touyu nataosü sounguwulai ea potawulai, alia sübüa soungulou hoyu natao likhei bubailai touyu sü sheetoua pongaowe.

PONGAOPEIYU 1:11

Pai sünanou haibüa paoe, “Nenou ngaoyu taosü larübvü ali hi rüthoukhaio, alia larübvü süsü nuhdu anai haitao hi buyu lüloumaime hi süolouzü Ephesa, Smurna, Pergamam, Thuatira, Sardis, Philadelphia ea Laodikia haitaohi seive peikhaio.”

PONGAOPEIYU 1:19

Südonou nenou ngaolouyu, süolouzü chuchu pa-a buyu ea thaikhaihi palaiyu sütaosü rükhaio.

PONGAOPEIYU 19:9

Alia rakivamai sünanou Ahi paoe, “Haisü rüthoukhaio: Zhaotu sünavei sheenghiyu tovaihi vere kulouyu puletaosü rako veie.” Alia puhnou paopukhaie, “Haitaosü Ramai vei cheche chipaotaoe.”

PONGAOPEIYU 20:11

Süthaisü dushoyu vebuh kaali ea süvanou chobuyu puhye sü Enou ngaoe. Deiphao ea rakisü puh nghojünou tutare, alia sühaiye sü ngaopukhai more.

PONGAOPEIYU 22:19

Alia maitalinou larübvü hainavei rachi paopayu chipaotao hinou hatali popare toulouzü, Ramai nou larübvü haina hinou paokhai touyu Ahri süübe ea mashee nuhdu hinou puhvei zhasü potawulai.

PONGAOPEIYU 22:6

Süthaisü Rakivamai sünanou Ahi paoe, “Chipao haitaosü louchelou veie ea chechewe. Alia rachi paolamaitao hi puhvei rako peiyu Ramai Mapaowo nou thala-a daipa vuzülaisa touyu sü puhvei kilaitaohi pongao peire donou puhvei rakivamai naye sü seipeie.”

PONGAOPEIYU 4:2

Süphabü hinou Esü rako hinou buloure. Alia zhukhaio, raki vanou vebuh ali bua sühisü mai alinou chobua bue.

PONGAOPEIYU 4:9

Alia hrikhaona sütaonou teisanou hria vebuh hinou buyu puh hi adusho, tsükhouyu ea kalo pao-a lou souyu tsühsü,

PONGAOPEIYU 5:1

Alia vebuh süna vahi buyu mai süna bah zhoulo vanou Enou larübvü ali ngaoe; Sühavei phao-le ahai hisü larüchah rüthou phoutsü khaitoua paoshee anai nokhaitoue.