PONGAOPEIYU 21:4 - SHEEYU BAIBEL (BSI)

⁴ Puhnou puletao nghithou hinou nghidzü teiteisü southe peilai. Sühisü athaisü bupu khailaimoe, alia dopfüyu moa krayu, moa souyu sü bupu khailai moe, daiolouzü na araitao sü talata khaire.”

PONGAOPEIYU 21:4 Iomraidhean Croise

LOUTAO 144:4

Puh hai teikhai hüphou tayu büa baie; puhnou bure teile hai teihao ali büa ta-a baiwe.

ISAIAH 25:8

Puhnou athai nasü teisa polaiwulai, ae Mapao nou mai hrülai nghithou hisü nghidzü southe peilai, alia deiphao hinou hrüa buyu puhvei maitao nou veaho-a chaa pfüa buyu nasü polai peilai, daiolouzü Mapao nou haibüa paoe.

ISAIAH 30:19

Oh Jerusalem hinou hrüa buyu maitaore, neletao krayu paisü chouloua zhuvea peilai, ae neletao vei akho sü noupeilai.

ISAIAH 35:10

Puletao nou asasho-a nou lou soupoa Jerusalem hisü velou loulai, puletao nou teisa sava-a hrülai, alia veahoyu ae dongai pfüyu bulai moe.

ISAIAH 51:11

Mapao nou khailupa louyu maitao sü ki hi dakhai velai, puletao nou asasho-a lou soupoa Zion hi ve loulai. Teisa savayu sü puletao hi bulai, puletao nou asah sü ngaolai, ae veahoyu alia dopfüyu sü bupu laimoe.

ISAIAH 60:20

Neletao nou veahoyu teithe taosü akhai soulaire. Khouh teinghi jünou veipua Mapao Enou neletao vei ava nasü teisa nou soupeilai.

ISAIAH 61:3

Zion hinou dopfü buyu maitao hi vounai thaosü pouparaizhao peire donou, levea-a buyu na thaosü savayu pove peire donou, dopfüa buyu thaosü paoshoyu pove peire donou Mapao nou Eye doloua seitawe. Puletao hai Mapao nou shokhai touyu süübe ali bülai, puletao nou acheche nasü soulai, alia Mapao nou soukhai touyu vahtao donou puhye sü paosholai.

JEREMIAH 31:12

Puletao nou Zion Deichi hinou tave asah soua lou soulai, ae Enou sapeinatao donou lesa sholai — thoudzü, darkhadzü, oliv theadzü, zhaotu, nghitu ae kikhaorü peiyu vanou asalai. Puletao hai dzü veisho-a züpeiyu kipei ali bülai; puletao nou jüpa-a buyu veishi sü ngaoche loulai.

JEREMIAH 31:13

Süthaisü loumainah nou asah soua cholai, ae nahlemai alia tsümai nou lesalai. Enou puletaoye sousava peilai, ae puletao nou dopfüa buyu nasü asah hi soudathou peilai, ae puletao nou veaho-a buyu nasü vasayu hi soudathou peilai.

HOSEA 13:14

Enou mai haitao ye sü athai vei khouko hinou mokhaia rabedushao kouhlai ludu hinou vupa peilai moe. Oh athaio, nevei veahoyu nasü daiki nou bue? Oh rabedushao, nevei souha peilou süyu khouko nasü daiki nou bue? Neletao hisü Avei zhuvea leshiyu hai bupu khailai moe.

MATHIU 24:35

Raki ea deiphao hatalai, ana Achipaotao louzü halaimoe.

1 KORINTHMAI 15:26

Puhnou souhare akhai khailai ngaobamai süolouzü athai sünasüe.

1 KORINTHMAI 7:31

alia deiphao hi natao vanou tsü loushoa bah deiyu maitao nou halia chokhai moyu büa bulo. Daiolouzü chu deiphao haina zhaisü thashoa talaire.

2 KORINTHMAI 5:17

Südonou maitalinou Khrista hi buloure toulouzü, puhsü basha ashu datare; aku nasü tare, zhukhaio, ashu nasü vere.

2 KORINTHMAI 6:17

Alia haibüa Mapaowo nou paoe, “Neletao puletaoye thaovuzüwo ea lah neletaosü puletao hinou souku palo, Sheemoyu sünaye halia deikhaiso, süthaisü Enou neletaoye popeilai.

EBRIAMAI 12:27

“Chu-a” touyu chipao hainanou soukhai touyu nataosü sounguwulai ea potawulai, alia sübüa soungulou hoyu natao likhei bubailai touyu sü sheetoua pongaowe.

2 PITAR 3:10

Ana Mapao vei Teithe hai avaomai kua velai. Teithe sükisü rakitaosü kho chihshoyu alinou koa habailai, ratei hi buyu nataosü meisou hinou chahalai, alia deiphao ea sühi buyu nateitei habailai.

1 JOHAN 2:17

Deiphao ea sühi buyu emainou züpayu ha teiteisü tabaiwe; ana Ramai vei leli souyu puhsü teisanou hriwe.

PONGAOPEIYU 20:13

Sühinou zainou puh lekhe hi buyu thaimaitaoye sü phapeire. Alia Athai ea Thaimai Deiphao nou-a puhai nou poa buyu thaimaitaoye sü phapa peire, alia puletao hrülaiye sü puletao nou souyu thaifüa chiku loure.

PONGAOPEIYU 20:14

Süthaisü Athai ea Thaimai Deiphaoye sü meizaihi polai thoure. (Meizaibuh hai nasü athai ahai chenasüe.)

PONGAOPEIYU 21:1

Süthaisü Enou ashu raki ea ashu deiphaosü ngaoe, daiolouzü raki araina ea deiphao araina sü ngaokhai more, alia zaisü hazhei tare.

PONGAOPEIYU 22:3

Ramai acha ngaoa buyu hatalia nuhdu sühi sü bulaimoe. Ramai vei ea Zhaotu sünavei vebuh sü nuhdu sühinou bulai, alia puh kilai maitao nou puhye sü tholai.

PONGAOPEIYU 7:17

Daiolouzü vebuh tsüle hinou buyu Zhaotu puhnou puletao vei Zhao-akhowo soulai, alia puhnou puletaoye hriyu dzühoung hi süthai save thoupeilai. Alia Ramai nou puletao nghithou hinou nghidzü teiteisü southe peiwulai.”