PONGAOPEIYU 21:3 - SHEEYU BAIBEL (BSI)

³ Alia Enou vebuh hinou pai kushoyu alinou haibüa paoyu choue: “Zhukhaio, chuwo Ramai vei kisü emaiye koa bure! Puhnou puletaoye koa hrülai, alia puletaosü puhmaitao soulai. Ramai puh vuzünou puletaoye koa bupeilai ea puhsü puletao vei Ramai soulai.

PONGAOPEIYU 21:3 Iomraidhean Croise

1 VEMAITO 8:27

“Ana Oh Ramai, ne cheche vuzünou deiphao hi hrülou süvu? Zhukhaio ratei veishi-a neye donou khamoe, südonou kabüa Enou souyu Rathoki haisü neye donou khalai?

2 PUOPAOKO 6:18

“Ana Ramai Mapaowo, nenou kabüa deiphao maiye sa-a bulai touwe? Raki teitei-a neye donou tailero, südonou kabüa Enou souyu Rathoki hisü ne bulou khailaige?

TAPALOUYU 25:8

Maikhe maiye panou sheeyu rathoki ali Eye panou buloure donou soupeio.

TAPALOUYU 29:45

Israel mai hrohinou Enou bupeilai, alia puletao Ramai sü soulai.

ISAIAH 12:6

Zion hinou hrüa buyu mai hrülai pai chi-a lou sü soukhaio, daiolouzü Israel maivei sheeyu Ramai hai due-e, ae puh sü puhvei maitao hinou koa bue.”

JEREMIAH 31:33

Enou Israel maiye koa vo ashu soure nasü haibülai: Enou avei chikha nasü puletao vei tsüle hi thoupeilai ae puletao vei lüthou pei hi rüthoukhai peilai. Enou puletao vei Ramai soulai, ae puletao nou avei mai soulai.

JEREMIAH 32:38

Süthaisü puletao hai avei mai soulai, ae Enou puletao vei Ramai soulai.

EZEKIEL 37:27

Enou puletaoye koa sühinou hrüpeilai; Enou puletao vei Ramai sü soulai, ae puletao hai avei mai soulai.

EZEKIEL 43:7

“Thai-a bailaiyu mainare, avei vebuh sü haihi bue. Enou Israel maitaoye koa hai hinou hrülai ae teisa nou puletaoye khasa-a hrülai. Israel maitao nou moa puletao vei vemaitao nou rah kukheye thota-a moyuma puletao vei vemai thaiphao sü hai hi daovu peia avei sheeyu zhih nasü souzhai peipu khailai more.

EZEKIEL 48:35

Nuhdu vei kivo khohao khaitouyu veishi hai sa shoyu mitar thekü bue. Nuhdu sünavei zhih hai chu thainou “Mapao Sü HAIHI BUE!” tea kutalai.

ZEKHARIAH 13:9

Hria buyu mai zha ali ye sü Enou mei hi thou shahu deisheeyu büa deisheelai. Alia sana zhuyu büa zhulai. Süthaisü puletao nou A zhih kua veachi paolai, alia puletao veachi sü Enou kei peilai. Enou paolai, ‘Puletao hai avei mai-e’ tea nou; alia puletao nou ‘Mapao hai Etao vei Ramai-e’ tea paolai.”

ZEKHARIAH 8:8

Enou puletaoye sü Jerusalem hi save hrülai. Puletao hai amai soulai alia Enou puletao vei Ramai soulai, kaozü alia acheche hinou puletaoye sa-a hrülai.

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 14:23

Jisu nou puh hi chila peie, “Maita linou Eye leshi louzü, puhnou Achipaosü zülai, alia Apuonou puhye leshilai, alia Apuo ea Enou puh hi taveloua puhye koa kilinou hrüzholai.

2 KORINTHMAI 6:16

Alia Ramai vei rathoyuki hai basharataoye koa ae-ao touyu dai bue? Daiolouzü Eletao hai hriyu Ramai vei rathokie! Haisü lah Ramai puhnou paoyu kue, “Aki hai Amaitaoye koa soulai ea puletao hronou hrülai; Esü puletao vei Ramai soulai; ea puletaosü Amai soulai.”

2 KORINTHMAI 6:18

Esü neletao Puo soulai, alia neletaosü Anahpoutu mai ea Anah naotumaitao soulai tea khoukhoulai Mapaowo nou paoe.”

1 THESSALONIMAI 3:11

Eletao Puo Ramai puhnou ea Eh Mapao Jisu nou Ehye panou nelehi veloure du nasü souda peiyu souloukhaio!

EBRIAMAI 11:16

Süjüwo, puletao nou veikouyu teidei ali süolouzü rakiva teidei süna donou züpa-a bue. Südonou Ramai nou puhye nou puletao vei Ramai tea kuyu hisü ahraoyu hae, daiolouzü puhnou puletaoye donou nuhdu ali soudapei khaitoue.

EBRIAMAI 8:10

Chuwo, velaiyu teithetao hinou Enou Israel maitaoye koa soulaiyu vo nasü hainare, tea Mapao nou paoe: Enou Avei razhai nasü puletao tsü lekhe hi pothoukhai peilai ea sütaosü puletao lethou pei hi rüthoukhai peilai. Esü puletao Ramai soulai, alia puletao sü Amai soulai.

EBRIAMAI 8:2

Puhnou napao peichana soua Mashi Shilaibuh süolouzü emainou moanou Mapaowo nou soushu pakhai touyu acheche sahpaona hinou kuvah soua bue.

PONGAOPEIYU 10:4

Alia teisüyuvei pai sütaonou chi paocheyu thaibü hisü Esü rüthoulai tea bure, ana raki hinou pai alinou haibüa paoyu sü Enou choue, “Teisüyu anaitao nou paoyu sü khei-a khailou baio; alia süsü rüthouwuso!”

PONGAOPEIYU 10:8

Süthaisü Enou raki hinou choulouyu pai sünanou Ahi ve paopu peikhaia haibüa paoe, “Ne taloua zai ea deithe hinou la-a buyu rakivamai süna bah hinou buyu hakhai touyu larübvü sünasü poloukhaio.”

PONGAOPEIYU 12:10

Süthaisü rakivanou chih shoyu pailinou haibüa paoyu sü Enou choue, “Chuwo Eletao Ramai vei khailu peiyu, khouko, vedei ea puhvei Khrista khoukosü vere! Daiolouzü Eletao Ramai nghojünou la-a Eletao thaihou jürai maitaoye khei-hea mah dukhaipei-a buyu puhye sü raki hinou hukoure.

PONGAOPEIYU 21:7

Reih kolouyu puhnou Ahinou hainasü ngaolai: Esü puh Ramai soulai, alia puhnou Anah Poutuwo soulai.

PONGAOPEIYU 22:3

Ramai acha ngaoa buyu hatalia nuhdu sühi sü bulaimoe. Ramai vei ea Zhaotu sünavei vebuh sü nuhdu sühinou bulai, alia puh kilai maitao nou puhye sü tholai.

PONGAOPEIYU 7:15

Südonou puletaosü Ramai vei vebuh nghojünou la-a bue ea kheihea nou puletao nou puhye sü puhvei rathoki hinou kuvah sou a bue. Vebuh hi buyu puhnou puh bahnou puletaoye sü hopeilai.