PONGAOPEIYU 21:24 - SHEEYU BAIBEL (BSI)

²⁴ Tahrüh khemai taonou sünavei ava hinou talaita-a bulai; alia deiphao hi vemaitao nou puletao vei kinisü sühi povelai.

PONGAOPEIYU 21:24 Iomraidhean Croise

LOUTAO 22:27

Tyahrü hrülai nou Mapao ye sü licholai. Deiphao kainghou veishi hinou hrüyu mai hrülai sü puh hi dakhai velai; tyahrü veishi nou puhye sü tholai.

ISAIAH 2:2

Haithai naki haibüa nou vepalai, süolouzü Mapao vei Rathoki soukhai touyu deichi nasü deichi teitei jünou kupulai, ae deitao kukhe jünou taopulai. Tyahrü hrülai nou hai hisü tobai soumoa tave loulai.

ISAIAH 2:5

Oh Jakob vei tyaosholea maitaore, chuo Etao Mapao vei ava hinou tabai laishe!

ISAIAH 49:23

Veo maitao nou neletaoye kiko peiyu puo ali soulai, ae vemai pfütao nou neletaoye kipeiyu pfümai soulai. Puletao nou neletaoye nakou khurülai ae neletaoye khuhao-a tsükhou peilai. Süthaisü E hai Mapao nasüe touyu neletao nou süloulai; Avu rei-a Eye khoyu mai taralia hraongu ngaolai moe.”

ISAIAH 52:15

Ana chuo tyahrü taoli nou khupa sholai, alia veo maitaoli hai khupa shopoa chi paore ha-a bailai. Daiolouzü puletao hi paopei moyu khesü puletao nou ngaolai, ae puletao nou chokhai toumoyu khesü puletao nou süloulai.”

ISAIAH 55:10

“Daiolouzü avei chipao hai vüra ae teirü büwe, ae sünanou deiphao hi kou dzü züpeiwe. Sübüa shinamara khenou paopalouwe ae thoutai vuyu mai hi thoutai peiwe ae maikhe maiye touso peiwe.

ISAIAH 55:5

Chuo neletao nou sümoyu tyahrütaoye neletao hi kupoa velai, ae neletaoye sümoyu tyahrütao nou neletao hi tupoa velai. Daiolouzü sheeyu Israel maivei Ramai Mapao, Enou neletaoye sü souduso peiwure.”

ISAIAH 60:13

“Haosüü, chasüü ae vaosüü, alia Lebanon vaohro hinou buyu süü veikayu tyanou pove Jerusalem sü soushupu loulai, avei Rathoki sü souhüvei peilai, ae avei nuhdu nasü kathe soupeilai.

ISAIAH 60:16

Tyahrü kukhe maitao ae veo maitao nou neletaoye sü pfünou lah nahye kiko peiyu büa nelataoye kiko peilai. Süthaisü Mapao, Enou neletaoye khailupa apeio, ae Isreal maivei Khoukhoulai Ramai nasüe touyu süloulai.

ISAIAH 66:18

Enou puletao vei vah haso ae tsüle sü süwe. Enou tyahrü hrülaiye save jüloure donou velai. Puletao nou tave jülouyu phaki, puletao nou avei khouko sü ngaolai,

JEREMIAH 4:2

neletao nou azhih sü poloua chaachou soua bailai. Süthaisü deiphao mai hrülai nou puletaoye hapeio tea ahi nou kholai, ae puletao nou Eye paosholai.”

ZEKHARIAH 2:11

Süzhou teithe tyahrü taolinou Mapao hisü velai alia puhvei mai soutalai, alia puh hai-a neletao hrohinou bulai. Süthaisü Khoukhoulai Mapao nou Eye neletao hi seivewe touyu hai neletao nou süloulai.

ROMMAI 15:16

panou tahrüh kukhe maitao donou vah souloure Khrista Jisu vei kuvahmai ali soupeiyu donoue. Sübüa tahrüh kukhe maitao hai Rako Mashi nou soushee peiyu Ramai nou polouveiyu popeiyu na ali souloure donou Enou Ramai hinou veyu Ko Avei nasü paodoua napaomai alikua kuvah soue.

ROMMAI 15:26

Daiolouzü Makedonia ea Akhaia hi lüloumaime taonou Jerusalem hi buyu lüloumaitao hronou toure hayu maitaoye soukhare donou sa-a thou-sha khapeire le laloure.

PAODAKHAIYU CHIKHA 32:43

“Tyahrütao, neletao hai Mapao vei maitaoye paosholo, daiolouzü puhnou puhvei maitaoye southayu mai hisü khü phoupeiwe, ae puhye ngaobayu mai hisü pao rüpeiwe, alia puhvei maitao mah sü khaipeiwe.”

PONGAOPEIYU 21:26

Tahrüh khemai taovei adusho ea tsükhouyu sü sühi povelai.

PONGAOPEIYU 22:2

alia rei süsü nuhdu sünavei duva tsüle hinou kükouwe. Rei sünavei pe holo hailova hisü po ali hinou lüh kiahai rashi shiyu ahri süübe paopa-a bue, süsü khou tsühnou rashi shiwe. Alia süübe sünavei sünghoutaosü tahrüh khemaitao vei sounou souvei peire donoue.