PONGAOPEIYU 21:23 - SHEEYU BAIBEL (BSI)

²³ Nuhdu sühi panou valoure donou teinghi-a khou-a matsü hae, daiolouzü Ramai vei khouko avanou sühisü vüpei-a bue, alia sünavei meibvüsü Zhaotu sünae.

PONGAOPEIYU 21:23 Iomraidhean Croise

LOUTAO 84:11

Daiolouzü Ramai Mapao hai Etaoye vupa-apeio ae kathe bushoyu veo nasüe, puhnou Etaoye zhuvea peie ae tsükhouyu nasü peie. Acheche hinou hrüyu maiye sü puhnou haveih khesü peiba chamoe.

ISAIAH 2:10

Puletao nou Mapao vei lekha rarou ae puhvei khouko alia kathe nasü ngaopi-a deichi hi buyu lyaqulu kinou ae deibvü raoloua tuchü tuvai talai.

ISAIAH 2:19

Mapao nou deiphao hai ngulü poa veyu phaki, puhvei lekha rarou hinou tureipa loure donou ae puhvei khouko ae kathe hinou tuchü loure donou maikhe mai hai deichi hi tupa lyaqulu kinou ae deibvü vouloua tuchü talai.

ISAIAH 2:21

Mapao nou deiphao ngulü poa soupi soura veyu phaki puhye ngaopiyu donou ae puhvei aduso nasü ngaopiyu donou maikhe mai hai lyaqulu ae deibvü kinou tuchü talai.

ISAIAH 24:23

Süthaisü khouh nou zhita bailai, ae teinghi-a vamo ta-a bailai, daiolouzü Khoukhoulai Mapao nou Jerusalem hi buyu Zion deichi vanou veo soua puhnou khosa-a hrülai, alia maikhe mainou puhvei khouko ava sü ngaolai.

ISAIAH 30:26

Mapao nou puhvei maitaoye souveaho peiyu hinou zhilouyu zhimü khesü, puhnou souveih peiyu teithe zhousü khouh hai teinghi büa valai, ae teinghi va hai chujünou vu anai vapulai, teithe anai vakouyu büa va veih sholai.

HABAKKUK 3:3

Teman hinou Ramai hai velai, Sheeyu Puh hai Paran deichi hinou velai. Puhvei kathe hai nou rakiva hopfüa bue, alia deiphao teitei hai Puhye paoshoyu nou phoutao-a bue.

MATHIU 16:27

Daiolouzü Mai Nahpoutu hai puh Puo vei khouko ava hinou puh vei rakivamai taoye koa velai, alia sükisü mai hrülaiye lah lahnou soukhai touyu vahtao thaifüa puh nou buu peilai.

MARK 8:38

Südonou maita linou chu khulou souyu ea mah souyu maikha haina hinou Avanou ea Achipao vanou ahrao louzü, Mai Nahpoutu-a sheeyu rakivamaitaoye koa Puo vei khouko ava hinou veyu kisü süna vanou ahraolai.”

LUK NOU RÜYU KO AVEIBVÜ 2:32

puhsü tahrüh kukhemai taohi nevei tsüdo pongao peire donou ava, alia nemai Israel maitao hi khouko-ava pove peiloure nasüe.”

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

JOHAN 1:4

Puh hisü ahri bue, alia ahri nasü maikhemai vei ava nasüe.

JOHAN 1:9

Mai hrülaiye souva peiyu checheyu ava nasü deiphao hi velou loure.

JOHAN 17:24

“Apuo, deiphao soumo jühinou nenou Eye leshi-a Ahi peikhai touyu Avei adusho nasü puletao nou zhuloure. Ahi peikhai touyu maitaoye Enou buyu buh hinou Eye koa panou buresü Enou züpae.

JOHAN 5:23

sükua puletao nou Puoye tsükhouyu kua Nahpoutuye-a mai hrülainou tsükhoulai. Nahpoutuye tsükhou moyu mai talinou puhye seiveyu Puo sünaye tsükhoumoe.

SEI-ATAMAI VAHTAO 22:11

Alia peivayu ava süna vanou Anghi ngaolouhoa buyu hinou Eye koa laiyu maitao nou puletao bahnou Eye süthaipoa Damaska hi save.

PONGAOPEIYU 14:4

Mai haitaowo louzü puletao lah naotumai hinou souzhaiwu moyu maitaoe, daiolouzü puletao lahnou shee-a buloure. Puletao nou Zhaotu sünanou tayu buh tali hisü thaifüa laiwe. Puletaoye sü deiphao maikhemai hrohinou khailu paloua raikaiyu rashi thoutao kua Ramai hi ea Zhaotu sünahi popeire.

PONGAOPEIYU 18:1

Haithaisü Enou kukhe rakivamai alinou rakivanou takouyu ngaoe. Puhvei dushoyu soulousü khouko bue, alia puhvei khouko avanou deiphao teiteisü varu loure.

PONGAOPEIYU 21:11

Nuhdu süsü Ramai vei avanou varupfüa bue. Alia sünavei varuyu sü muhteiyu chuh ea jaspar chuh kue, alia leireiyu zhuzhu kua leivavawe.

PONGAOPEIYU 21:25

Nuhdu sühi romütaosü heamajüh houkhaitoua bue; sütaosü hakia khuwu laimoe, daiolouzü sühisü khei touyu bulaimoe.

PONGAOPEIYU 22:5

Sühisü khei touyu bupu laimoe, alia sühisü puletaoye donou meibvü moa teinghi vei avasü matsü hae, daiolouzü Ramai Mapaowo nou puletao vei ava soulai, alia puletao nou teisanou ve soua hrülai.

PONGAOPEIYU 5:6

Süthaisü Enou Zhaotu aliye vebuh tsüle hinou, hrikhaona adaitaonou ea tsümaitao nou sühao-a buyu sü ngaoe. Zhaotu sünasü raichoki datheayu kue. Sünavei kai anai ea nghithou anai bue. Nghithou sütaosü deiphao teiteihi seitayu Ramai vei rako anaitaoe.

PONGAOPEIYU 7:17

Daiolouzü vebuh tsüle hinou buyu Zhaotu puhnou puletao vei Zhao-akhowo soulai, alia puhnou puletaoye hriyu dzühoung hi süthai save thoupeilai. Alia Ramai nou puletao nghithou hinou nghidzü teiteisü southe peiwulai.”