PONGAOPEIYU 21:2 - SHEEYU BAIBEL (BSI)

² Alia Mashee Nuhdu, ashee Jerusalem nasünou puh chaaye daore donou tutou khaitoua souda cheyu nghirepai sünabüa Ramai hinou rakivanou takouyu sü Enou ngaoe.

PONGAOPEIYU 21:2 Iomraidhean Croise

LOUTAO 87:3

Ramai vei nuhdu nare, neye donou khupayu chipao paopei khaitouyu nasü keilo:

ISAIAH 1:21

Raichokio louchelou veiyu nuhdu nasü chuo khakhapfü ali büre. Raichokio kaozü soua hrüyu ae acheche mainou phoutao-a buyu nuhdu nasü chuo maiye southayu mai khaitoure.

ISAIAH 52:1

Oh Zion, kaishulo, ae khouchilo! Oh Sheeyu Ramai vei nuhdu, nevei sabanü aveih nasü tulo. Daiolouzü sheemoyu ae vakou mainou nevei robomü hisü taloupu khailai more.

ISAIAH 54:5

Daiolouzü neye Sou-apeio sünou nevei maipou ali büa sabu peilai, Khoukhoulai Mapao touyu sü puhvei zhih-e. Sheeyu Israel maivei Ramai nou neye sü khailupa peilai, puh hai deiphao teitei vei Ramai nasüe.

ISAIAH 61:10

Mapao zhih hinou E asa sholai, avei hrümai teitei nou poa Ramai hinou asalai, daiolouzü shinghire maiye poupatou ae sabanü aveih thoupeiyu büa Mapao nou Eye khailupa peiyu sabanü noupeie, ae acheche sabanü nou banou peie.

ISAIAH 62:4

Neye sü “Thaowua tayu pai” tea sapulai moe, moyuma neye “Hulaiyu pai” tea kupulai more, ana neye sü “Asah sü honapai-e,” ae nevei füdei sü “Shanghi soulouyu Pai,” tea kulai. Daiolouzü Mapao nou neye jüpa-e, alia nevei füdei nasü puhnou maipu ali büa khopeilai.

JEREMIAH 31:23

Israel maivei Ramai Mapao nou paoe, “Enou puletaoye zhoukao aveih peiyu phaki, puletao nou Judah vei teidei ae nuhdutao hinou haibüa paolai, ‘Sheeyu Jerusalem deichi, puhnou buyu sheeyu buh nasü Mapao panou ha peio!’

JOHAN 3:29

Nghirepaiye ngaolouyu puh sü sheerepue; ana la-a ea puh chi kei-a buyu sheerepu vei samai sünanou sheerepu vei pai chouloua le sashowe; südonou Avei asah nasü chuo chekhoure.

2 KORINTHMAI 11:2

Ramai nou doyu sübüa Enou neletao phao doshoa bue; daiolouzü nghirepai sheetouyu loumaina aliye puhvei chaahi peilaiyu büa, Enou neletaoye Khrista ki noutore.

EBRIAMAI 11:10

Daiolouzü Abraham nou Ramai nou soudawua soupakhai touyu teisa halouho kifü hinou buyu nühdu süna donou zhi-a bue.

EBRIAMAI 11:16

Süjüwo, puletao nou veikouyu teidei ali süolouzü rakiva teidei süna donou züpa-a bue. Südonou Ramai nou puhye nou puletao vei Ramai tea kuyu hisü ahraoyu hae, daiolouzü puhnou puletaoye donou nuhdu ali soudapei khaitoue.

EBRIAMAI 12:22

Ana neletaowo Zion Deichi ea hriyu Ramai vei nuhdu, rakivamai thethe buyu rakiva Jerusalem hi tave louloure.

EBRIAMAI 13:14

Daiolouzü Eletaoye donou deiphao hai hisü teisa vei nuhdu hae, ana Eletaowo vere nuhdu nasü phoua laiwe.

PONGAOPEIYU 1:1

Larübvü haina hai Jisu Khrista nou pongao peiyutao shoshonou rüthouyu larübvü nasüe. Pongao peiyu haina hai Ramai nou Khristahi dai thala-a pavuzü lairesa touyu sü puhvei kilai taohi pongao peire donou peikhaitoue. Khrista nou sütaosü puhvei rakivamaiye puh kilai Johan hi seivepei-a puh hi panou süngaopeie,

PONGAOPEIYU 1:4

Johan nou Asia teideihi buyu lüloumaime anaihi rüe. Chuchu buyu raikinou buyu ea thaikhai hi velaiyu Ramai puh hinou, alia puhvei vebuh nghojünou buyu rako anaitao hinou,

PONGAOPEIYU 1:9

Jisu hinou neletaoye koa veayuhi-a, vedeihi-a ea shameayuhi-a zha ngaozhoa buyu neletao thaihou jürai Johan Esü Ramai vei chipao ea Jisu nou pongao peiyu chechena paodouyu vanou Patmos zaipeidei hinou bue.

PONGAOPEIYU 11:2

Ana Rathoki vakou kijütaowo louzü thaowuwo, douso; daiolouzü sütaosü tahrüh kukhe maitaohi thoupeire. Puletao nou Mashee Nuhdu süsü khou raidai ahai phinou taitoulai.

PONGAOPEIYU 21:10

Alia rako hinou rakivamai sünanou Eye dushoyu ea kushoyu deichi ali pei hi sapaloua Mashee Jerusalem nuhdu nasü Ramai hinou raki vanou kouyu sü Ahi pongaopeie.

PONGAOPEIYU 21:9

Süthaisü akhai veahoyu anainou phouyu pai anaitao poa buyu rakivamai anaitao hrohinou alinou Ahi taveloua paoe, “Tavelo, Enou ne hi Zhaotu sünavei chapfü, nghirepai sünaye nehi ngaopeilai.”

PONGAOPEIYU 22:17

Rako ea Nghire painou paoe, “Tavelo!” Alia chipao haina choua buyu puhnou, “Tavelo!” tea paokhaio. Alia rei-a buyu maitalinou tave loukhaio, züpa-a buyu maitalinou ahri dzü sü sa-a küloukhaio.

PONGAOPEIYU 22:19

Alia maitalinou larübvü hainavei rachi paopayu chipaotao hinou hatali popare toulouzü, Ramai nou larübvü haina hinou paokhai touyu Ahri süübe ea mashee nuhdu hinou puhvei zhasü potawulai.

PONGAOPEIYU 3:12

Reih kolouyu puhye sü Enou Aramaivei Rathokihi kikali panou soulai, alia süsü thaowu-a puhsü hakia takhai laimoe. Enou puh vahisü Aramai zhih ea rakiva Aramai hinou koulaiyu Aramaivei nuhdu, ashu Jerusalem zhihsü rukhai peilai, alia Enou puh vahisü Avei ashu zhihna-a rükhai peilai.