PONGAOPEIYU 21:10 - SHEEYU BAIBEL (BSI)

¹⁰ Alia rako hinou rakivamai sünanou Eye dushoyu ea kushoyu deichi ali pei hi sapaloua Mashee Jerusalem nuhdu nasü Ramai hinou raki vanou kouyu sü Ahi pongaopeie.

PONGAOPEIYU 21:10 Iomraidhean Croise

1 VEMAITO 18:12

Hakinou Mapao vei rako nou neye Enou sümoyu buh ali hi Enou buh hai hinou tayu thainou sapoa talouzü kabülai? Süthaisü, Enou Ahab hi ne hai hi bue tea paopeiwua puhnou neye ngaomo louzü puhnou Eye southa bailai. E taibuki nou soutaosoua Mapao ye tsükhoua thoyu mai alie touyu licho peio.

2 VEMAITO 2:16

ae puh hi paoe, “Pfüphao veishoyu Etao mai raingou sü hai hi bue, Etao nou nevei paopuye sü taho phouta laiho. Mapao vei rako nou puhye saho deichi ali hi moa deikho ali hi saho khaitoua buyuma sülou hoe.” Elisha nou chila peie, “Moe, neletao puhye phoutaso.”

EZEKIEL 11:1

Ramai vei rako alinou Eye sü saloua Rathoki vei teinghei palova buyu rokhubomü hisü khaipeie. Rokhubomü pe hinou mai kaingou bua nou zhingao-e ae mai sütao hrohisü Azzur nahpoutu Jaazaniah ae Benaiah nahpoutu Pelatiah puhai-a bue, puhai hai tyahrü vei süthai-apei mai-e.

EZEKIEL 11:24

Zho kounou Ramai vei rako sünou Eye sü poloua Babilon hi nüpoa ve khaitouyu maitao hisü khaipeie. Süthaisü avei zho hai hatare,

EZEKIEL 3:14

Mapao vei khouko sünou ahi chisho-a nou ve-e ae puhvei rako nou Eye poa tayu phaki ale hai choropoa E hai lekha shore.

EZEKIEL 8:3

Puhnou bah ali zhai büa thaikou apeishu hinou Eye pailoure. Süthaisü zhokou nou Ramai vei Rako nou Eye ratei hi kusho-a nou pokhere ae Eye Jerusalem hi savere. Puhnou Eye rathoki hi taloure reilova vei rokhubomü hinou salou Ramai vei lekha rarou soupayu bashara khesü ngao-e.

SEI-ATAMAI VAHTAO 8:39

Alia puhai nou dzü hinou tapalouyu kisü Mapao vei Rakonou Philipye sükhaimoa sapoa tare; alia vasou datamai sünanou puhye sü ngaopukhai more, ana puh sü sashoa puh ludu hilo tare.

GALATIAMAI 4:26

Ana raki vahi buyu Jerusalem sünawo louzü mado souyu pai nasüe, alia puh hai Eletao pfüe.

PONGAOPEIYU 1:10

Mapaowo teithe kisü Esü Rako hinou bue, alia bekho büyu kushoyu paili Enou Athailo vanou choue.

PONGAOPEIYU 11:2

Ana Rathoki vakou kijütaowo louzü thaowuwo, douso; daiolouzü sütaosü tahrüh kukhe maitaohi thoupeire. Puletao nou Mashee Nuhdu süsü khou raidai ahai phinou taitoulai.

PONGAOPEIYU 17:3

Sühinou rakivamai sünanou Eye rako hilonou sataloua rekouhi saho khaipeie. Sühinou Enou naotumai aliye Ramaiye paoshiyu zhihtaonou rüthou phoukhai touyu horoyu khaosou ali phaova hinou chobua ngaoe, alia khaosou süsü pei anai ea kai kiruo pfüe.

PONGAOPEIYU 21:2

Alia Mashee Nuhdu, ashee Jerusalem nasünou puh chaaye daore donou tutou khaitoua souda cheyu nghirepai sünabüa Ramai hinou rakivanou takouyu sü Enou ngaoe.

PONGAOPEIYU 3:12

Reih kolouyu puhye sü Enou Aramaivei Rathokihi kikali panou soulai, alia süsü thaowu-a puhsü hakia takhai laimoe. Enou puh vahisü Aramai zhih ea rakiva Aramai hinou koulaiyu Aramaivei nuhdu, ashu Jerusalem zhihsü rukhai peilai, alia Enou puh vahisü Avei ashu zhihna-a rükhai peilai.

PONGAOPEIYU 4:2

Süphabü hinou Esü rako hinou buloure. Alia zhukhaio, raki vanou vebuh ali bua sühisü mai alinou chobua bue.