PONGAOPEIYU 20:6 - SHEEYU BAIBEL (BSI)

⁶ Hrishuyu raikhanahi lou zha ngaozho louyu puletaosü rako veishoyu ea sheeyu maitaoe! Athai ahai chenanou sübüyu maitao pei hisü khouko hare, ana puletaosü Ramai vei ea Khrista vei napaomaitao soulai, alia puletao nou puhye koa po theli ve-a bulai.

PONGAOPEIYU 20:6 Iomraidhean Croise

ISAIAH 4:3

Jerusalem nuhdu hinou shokhai tou-a buyu maitao, Ramai nou thaimo-a panou dopapei khaitouyu mai hrülaiye sü sheeyu maitao tea kulai.

ISAIAH 61:6

Alia neletaoye sü Mapao vei napao maitao, Ramai vei kilai maitao tea nou sülai. Tyahrütao vei kini khesü neletao nou toulai, ae puletao vei nangi khesü neletao vei kathe soulai.

DANIEL 12:12

Teithe thelia kaihsüa kaingou (1325) koute sheamea loua chileeyu mai hai asayu mai soulai.

LUK NOU RÜYU KO AVEIBVÜ 14:15

Alia Jisu ye koa arübuh hinou buyu maikhe maitao hrohinou alinou haisü chouloua puh hi paoe, “Ramai Vedei vei nühbuh hinou tou-sholaiyu maisü daizhozhou rako veie!”

ROMMAI 12:1

Südonou Athaihou jürai maitao, Ramai zhuvea vanou Enou neletao hi khowe, süolouzü neletao nou neletao vei pfüphao hai hria sheelayu na ali büa, sheetoua ea polouveia Ramai hi popeikhaio, haisü neletao vei rako hilo rathore nasüe.

ROMMAI 8:17

Eletao hai puh nahmaitao baiyu donou puhnou puh maitao donou khaidakhai touyu hatao sü Eletao nou ngaolai, alia Ramai nou Khristaye donou khaidapei khaitouyu süna-a Eletao nou puhye koa ngaozholai; daiolouzü Eletao nou Khrista vei veahoyu sü koa zha ngaozho louzü, Eletao nou puh khouko avana-a koa zha ngaozholai.

2 TIMOTHI 2:12

Eletao nou shamea-a bulouzü, Eletao-a puhye koa vezholai. Eletao nou puhye balouzü, Puh-a Eletaoye balai.

1 PITAR 2:5

Hriyu chuhtao kua tavelo, alia neletao nou sheeyu napaomaitao kua Jisu Khrista vanou Ramai hi rako hilo ea polou veiyu posheelayu natao popei-a kuvah soure buh rako vei rathoki soushupa loure donou neletaoye panou seilo.

1 PITAR 2:9

Ana neletaowo dopawuyu maitya nasüe, Veo kihi napao maitaoe, sheeyu tahrüh-e, lah Ramai vei maitaoe, süolouzü neletaoye teizhi hinou lah puhvei khupayu avahi kupa louyu Ramai puhnou puhvei khupa vahtao paongao peire donou neletaoye doloure.

PONGAOPEIYU 1:6

alia Puo ea puh Ramaiye kuvah soure donou puhnou Eletaoye sü panou napaomai taovei vedei ali souloure. Jisu Khrista hisü teisanou adusho ea khouko buyu sü souloutheo! Amen.

PONGAOPEIYU 14:13

Süthaisü raki vanou pai alinou haibüa paoyu Enou choue; “Haisü rükhaio: chu shonou Mapaowo vei kuvah souyu hinou thaiyu maisü rakoveie!” Rakonou chila peie, “Ovai achechenou! Puletao nou puletao vei te-a vah souyu hinou soloulai, daiolouzü puletao vahnou puletao thaifüwe!”

PONGAOPEIYU 2:11

“Nou pfüa buyu puhnou Rakonou lüloumaime taohi pao-a buyu nasü keiloukhaio! “Reih kolouyu puhye sü athai ahai chenanou hakia souzhuwu laimoe.

PONGAOPEIYU 20:14

Süthaisü Athai ea Thaimai Deiphaoye sü meizaihi polai thoure. (Meizaibuh hai nasü athai ahai chenasüe.)

PONGAOPEIYU 21:8

Ana, khuhayumai lüloumomai, souzhaiwuyu maitao, maiye southeamai, khulou vah soumai, khei-khupado souyu maitao, basharaye thoyu maitao alia madayu mai hrülai taovei buhwo louzü meinou ea meichuh nou dei-a buyu meizai sünasüe, süsü athai ahai chenasüe.”

PONGAOPEIYU 22:5

Sühisü khei touyu bupu laimoe, alia sühisü puletaoye donou meibvü moa teinghi vei avasü matsü hae, daiolouzü Ramai Mapaowo nou puletao vei ava soulai, alia puletao nou teisanou ve soua hrülai.

PONGAOPEIYU 22:7

Jisu nou paoe, “Zhukhaio! Esü thala-a laire! Larübvü hainavei rachi paopakhai touyu chipaotao zülouyu puhsü rakoveie.”

PONGAOPEIYU 3:21

Enou reih koloua Apuoye koa puh vebuh hinou buzhoyu büa, reih kolouyu puhtao hisü Eye koa Avebuh hinou buloure zü nasü Enou peilai.

PONGAOPEIYU 5:10

Alia nenou panou Eletao Ramaiye kuvah soure donou puletaoye napaomai vedei ali soupeire alia puletao nou deiphaosü tukha-sahrülai.”