PONGAOPEIYU 20:4 - SHEEYU BAIBEL (BSI)

⁴ Süthaisü Enou vebuhtaosü ngaoe, alia sütao vahinou buyu puletao hisü chikupeire khoukosü peire. Alia Jisu nou pongao peiyu cheche ea Ramai vei chipao paodouyu vanou peideyu maitao vei rakotaosü Enou ngaoe. Puletao nou khaosou sünaye moa puhvei zhu raiyu bashara naye thomoe, alia puletao puva hi moa puletao bah hi khaosou sünavei shee nasü pfülai moe. Puletao nou hrishuloua Khristaye koa po theli sü ve-a hrüe.

PONGAOPEIYU 20:4 Iomraidhean Croise

DANIEL 2:44

Vemai sütao nou nuh teidei khoa buyu phaki hinou, rakibu Ramai nou veteidei ali soushulai, alia sümaiye sü hasou kilia soushilou hoe, mokhaia mai kukhe nou veiloulai moe. Veteidei haina nou veteidei kukhe pfüphouye sü souhalai alia akhai soulai, ana vedei haina nou teisa vei soua bulai.

DANIEL 7:18

Ana Kukulai Ramai vei maitao nou vedei sü poloulai, alia vedei sü teisa puletao vei souloulai.”

DANIEL 7:22

Süthaisü teisa hria abuwo nou Kukulai Ramai vei maitao jüpa hinou chikude peiwure, alia Ramai vei maitao nou vedei nasü ngaoloure teile sü vere.

DANIEL 7:27

Deiphao hinou buyu vedei teitei ae khouko teitei sü Kukulai Ramai vei maitao hisü peiwulai. Puletao vei vedei hai teisa vei vedei soulai, alia deiphao hi vemai hrülai nou puletao vah soulai ae puletao chi zülai.”

DANIEL 7:9

Enou zhua buyu phaki, vebuh khesü pokou khaipeia zhingaoe. Teisa nou hria buyu mai süna sünou vebuh ali hi kou buloure. Puhvei sabanü hai vürah büa kaawe ae puhvei peishu hai veikayu phako büe. Puhvei vebuh hai lukiphi pfüa mei taopoa tawe.

MALAKAI 4:5

Zhukhaio, pishoyu Mapao vei teithe vemo jünou Enou rachipaolawo Elijah ye sü rai-a seive peilai.

MATHIU 19:28

Jisu nou puletao hi paoe, “Enou neletao hi chechenou paoe, deiphao ashu nahi Mai Nahpoutu nou puh vei khouko ava vebuh hi bulouyu kisü, Athai fülouyu neletao-a Israel nahmai khü kiahaiye chiku-a vebuh kiahai hinou bulai.

MATHIU 24:10

Süthaisü mai alaonou kaodu talai, alia alinou liye shoh soulai ea ngaoralai.

MARK 6:16

Ana Herod nou süsü choulouyu kisü paoe, “Puh hai Johan Baptist baie! Enou puh peisü dere, ana puh sü hrishulou khaire!”

MARK 6:27

Südonou thalasou puhnou Johan pei povere donou reihkhaomai aliye kharochi peiwu-a seitare. Reihkhao pounanou taho hukha kinou Johan pei dere;

MARK 9:11

Alia puletao nou Jisu hi noue, “Daidonou razhai dou-apeimai taonou Elijah nou verai laihie tea paowe?”

LUK NOU RÜYU KO AVEIBVÜ 1:17

Alia puokhemaitao lesü nahmaitao hi ea paoyu zübayu maitaoye cheche maitao vei ratsü nahi panou khaive loure Mapaoye donou souda louyu maitaoye tuda loure donou puhnou Elijah vei rako ea khouko hinou Mapaowo nghojü hinou raia talai.”

LUK NOU RÜYU KO AVEIBVÜ 14:14

sübü louzü neyesü hapeilai, daiolouzü puletao nou neyesü pao khapei louhoe, Ramai nou neyesü cheche maitao hrishuyu kinou pao khapeilai.”

LUK NOU RÜYU KO AVEIBVÜ 22:30

neletaoye panou Avei Vedeihi Avei arübuh hinou tou-sho loure donou ea vebuhtao hinou bua Israelmai khü kiahaiye chi kuloure donou Enou neletao hi vedei ali peikhaitoue.

JOHAN 14:19

Phajü thaisü, deiphao mainou Eye ngaopukhai laimoe, ana neletao louzü Eye ngaolai; daiolouzü Enou hriyu donou, neletao-a hrilai.

ROMMAI 11:15

Daiolouzü puletaoye laiyu kisü, deiphaomaiye sü Ramai ngaobamai soua buyu hinou puhvei samai panou souloure. Sükuyu thaisü puletaoye popeiyu kisü kaku khailai? Süsü thaimaiye donou hriyu sünabaie!

ROMMAI 8:17

Eletao hai puh nahmaitao baiyu donou puhnou puh maitao donou khaidakhai touyu hatao sü Eletao nou ngaolai, alia Ramai nou Khristaye donou khaidapei khaitouyu süna-a Eletao nou puhye koa ngaozholai; daiolouzü Eletao nou Khrista vei veahoyu sü koa zha ngaozho louzü, Eletao nou puh khouko avana-a koa zha ngaozholai.

2 TIMOTHI 2:12

Eletao nou shamea-a bulouzü, Eletao-a puhye koa vezholai. Eletao nou puhye balouzü, Puh-a Eletaoye balai.

PONGAOPEIYU 1:2

alia Johan nou puhnou ngaoyu teiteisü paongao peie. Puhnou zhopaoh souyu sünawo louzü Ramai vei chipao ea Jisu Khrista nou pongaoyu cheche zhopaoh süna vanoue.

PONGAOPEIYU 1:9

Jisu hinou neletaoye koa veayuhi-a, vedeihi-a ea shameayuhi-a zha ngaozhoa buyu neletao thaihou jürai Johan Esü Ramai vei chipao ea Jisu nou pongao peiyu chechena paodouyu vanou Patmos zaipeidei hinou bue.

PONGAOPEIYU 11:11

Ana teithe asü-a pohli thaisü Ramai hinou ahri ssü nasü puhaihi ve louloua puhaisü lashu loure; alia puhaiye ngaolouyu maikhemai hrülaisü ngaopiso loure.

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

PONGAOPEIYU 11:3

Enou lousahnou bahnouyu Avei zhopaohmai ahaiye seivelai, alia puhai nou teithe 1,260 phasü Ramai chipao paodoulai.”

PONGAOPEIYU 11:7

Puhai nou puhaivei zhopaoh soucheyu kisü, akhai hayu raobvü hinou tapayu khaosou sünanou puhai pei hi reih souloua ea puhaiye koloua southealai.

PONGAOPEIYU 12:11

Alia Eletao thaihou jürai maitao nou zhaotu sünavei zhe ea puletao zhopaohvei chipao süna vanou puhye sü koloure, daiolouzü puletao nou thai koute puletao vei hrümaisü pakhaimoe.

PONGAOPEIYU 14:11

Puletaoye souveayu mei sünavei meikhao nasü teisanou khaopa-a bue. Khaosou süna ea puhvei zhuraiyu bashara naye thoyu, alia sünavei zhihvei shee ngaolouyu maitalisü khei-hea soyu ngaolai moe.”

PONGAOPEIYU 15:2

Sükisü Enou meinou hükhai touyu zhuzhu kuyu zai ali ngaoe. Alia khaosou süna ea sünavei zhu raiyu bashara sünaye, alia puh zhihvei chahpei sünaye kolouyu maitaoye-a ngaoe. Puletao sü Ramai nou puletao hi peikhai touyu lanabvü aduna sütao poa zhuzhu kuyu zai süna pehinou la-a bue,

PONGAOPEIYU 17:8

Nenou ngaoyu khaosou sünasü teile alihi hria bue, ana chuwo hrikhai more, alia sünasü akhai hayu raobvü hinou tapare hinou bure ea puhvei hakayuhi tawe. Teideiphao soushurai hinou ahri larübvühi zhih rüthoulou moyu deiphao hinou hria buyu maitao nou khaosou sünaye ngaolouyu kisü khupalai, daiolouzü puhsü teile lihi hrie, chuwo hrikhai more, ana puhsü vepukhailai.

PONGAOPEIYU 2:26

Reih kolouyu ea akhai koute Azüpa vah soua buyu puh hisü tahrü khemaitao pei hi khore khouko sü Enou peilai,

PONGAOPEIYU 20:6

Hrishuyu raikhanahi lou zha ngaozho louyu puletaosü rako veishoyu ea sheeyu maitaoe! Athai ahai chenanou sübüyu maitao pei hisü khouko hare, ana puletaosü Ramai vei ea Khrista vei napaomaitao soulai, alia puletao nou puhye koa po theli ve-a bulai.

PONGAOPEIYU 22:5

Sühisü khei touyu bupu laimoe, alia sühisü puletaoye donou meibvü moa teinghi vei avasü matsü hae, daiolouzü Ramai Mapaowo nou puletao vei ava soulai, alia puletao nou teisanou ve soua hrülai.

PONGAOPEIYU 3:21

Enou reih koloua Apuoye koa puh vebuh hinou buzhoyu büa, reih kolouyu puhtao hisü Eye koa Avebuh hinou buloure zü nasü Enou peilai.

PONGAOPEIYU 4:4

Vebuh sünaye sü kukhe vebuh kaidainou sühaopoa bue, alia sütao vahisü tsümai kaidainou chobua bue. Puletao sü sabah nüh kaanou nouwe ea puletao peiva hisü sana vepeirü rüpfüe.

PONGAOPEIYU 6:9

Alia Zhaotu sünanou paoshee angou chena hapayu kisü Ramai vei chipao paodouyu vanou ea puletao nou cheche-a zhopaoh souyu donou southeawuyu rako sütaoye sü sheelabuh khehinou Enou ngaoe.

PONGAOPEIYU 7:3

“Ehnou Eletao Ramai kilaitao puva hi paoshee nomo koutesü deiphao, zai moa süübetaoye sü soushiwu khaiso.”