PONGAOPEIYU 20:2 - SHEEYU BAIBEL (BSI)

² Alia puhnou zai nghoudu, nghou tsüna, süolouzü Rashina moa Saitan sünaye niloua puhye sü po theli donou phibao phukhaire.

PONGAOPEIYU 20:2 Iomraidhean Croise

SHURAI 3:1

Chuo nghou hai Ramai Mapao nou soukhai touyu rekhaona kukhe jünou do dushoyu hrikhaona alie. Puhnou naotupai hisü paoe, “Kipei hi buyu süübetao hinou rashithou tarasou haitouso tea Ramai nou paowu?”

SHURAI 3:15

Enou naotupai ae nehai kohi, alia netyao nah ae puh tyaonah kohi ngaoraiyu ae ngaobayu sü pothou peilai; puhnou ne pei sü souphe peilai, ae nenou puh phisü dao peilai.”

JOB VEI LARÜBVÜ 1:7

Ne daidai vah sou-a buwe? tea Mapao nou Saitan hi noue. “E sü ho ve ae hai ve-a deiphao tasühao-a bue,” tea Saitan nou chila peie.

ISAIAH 24:22

Ramai nou puletaoye sü hukhamai büa raobvü ali hi thou bekhailai, teithe taoli thainou puletaoye sü tudeilai.

ISAIAH 27:1

Süzhou teithe sü Mapao nou puhvei veihshoyu khoche sünou poa Leviathan zhaoyu ae dakou dakheyu nghoudu nasü daotha peilai, alia zaidu hinou buyu khaona nasü southawulai.

EZEKIEL 47:5

Süthai-a puhnou mitar kaihngouli hai doupu khaie, dzü hai thouleloua E sü talou hore. Chuo reidzü hai thouleloua dzü dapoa koubai deinou kalou hore.

MATHIU 19:29

Alia Eye donou ki-lu moa tu-poumaitao moa pfüpuomai moa nahmaitao moa teidei thaoyu mai hrülainou zha kaihli kou-a ngaolai, alia teisa ahri ngaoloulai.

MATHIU 8:29

Alia zhukhaio, puhai nou shusou rao-a paoe, “O Ramai Nahpoutu, nenou Ehye koa daivah soure bue? Teile vemo jühinou nenou Ehye tudee peire donou vewu?”

MARK 4:15

Mai kamaisü ludu hi dekouyu thoutaitao büe; puletao nou thalasoua chipao nasü choulouyu kisü Saitan nou tave puletao hi vuthou khaitouyu chipao nasü potare.

MARK 5:7

alia shusou shaloua paoe, “Aku-kulai Ramai Nahpoutu Jisu, ne Eye koa dai soure bue? Ramai zhih kua Enou nehi paowe, Eye souvea peiso.”

JOHAN 12:31

Chu deiphao hainaye chikure pha nasüe, chuo deiphao hainavei paopuye hutawulai.

JOHAN 16:11

chikuyu vanou louzü, deiphao hainavei paopuye chi kuwure.

ROMMAI 16:20

Süthaisü kaonayu vei Ramai nou Saitan ye thala-a neletao phi khenou taisasa-a khailai. Eletao Mapao Jisu zhuvea nou neletaoye koa buyu sü souloutheo.

EBRIAMAI 2:14

Puhnou “Nahmaitao” tea kuyu puletao sü kezhe pfüyu maikhemai baiyu donou Jisu lah-a puletao kuloua puletao vei zhai hrüsü zha ngaozho loure. Puhnou haikua souyu sü puhvei athai vanou athai pei hi khouko buyu Rashinaye souha loure donoue,

1 PITAR 5:8

Leikeilo, zhai helo! Neletaoye ngaobawo Rashi nasünou kamaiye tsütou loure donou ra sühao-a laiyu khaosouveo alikua tasühao-a laiwe.

2 PITAR 2:4

Mah souyu rakivamai taoye Ramai nou tudei moa khaimoe, ana puletaoye sü meizai buh hi laithoure, sühinou puletaoye sü teizhi hinou phukhaiwu-a Chikuyu Teithe sünasü panou khoa buwe.

JUD VEI SEIKO 1:6

Alia lah puletao vei buh hinou bumoa puletao vei chekhaoyu buh nasü thaowu-a tayu rakiva maitaoye sü puhnou Dushoyu Chikuyu Teithe süki koumo sasü hakhailai moyu hurainou phuloua khekou teizhi buh hi bekhaire.

PONGAOPEIYU 12:13

Alia zai nghoudu sünanou puhye sü deiphao hi hukoure touyu sü sülouyu, kisü, nah poutu sünaye nayu naotupai sünaye sü huloure.

PONGAOPEIYU 12:15

Alia sükisü zai nghoudu sünanou naotupai sünaye sü dzüduye panou dupoa tare donou naotupai süna thailo vahisü reidzüdu kuyu dzünou puh mü hinou füpa shopeie.

PONGAOPEIYU 12:17

Sühinou zai nghoudu nanou naotupai süna pei hisü rarouloua, puh tao-nahmaitao, Ramai chikha züyumai hrülai ea Jisu nou pongao peiyu achechena hinou cheche-a buyu maitao pei hi reih züre donou tare.

PONGAOPEIYU 12:3

Süthaia kukhe khupa shoyu sheeli rakivanou ngaokhaie. Alia zhukhaio, sühisü pei anai ea kai kiruo pfüyu, alia pei sütao vahi veo peirü chekhei rüpfüa buyu dushoyu ea horoyu zainghou duli bue.

PONGAOPEIYU 12:4

Puh meenou rateihi buyu teivuh zha asü hinou zhaliye pailoua sütaoye deiphao hi polai koure. Alia zai nghoudu sünanou nah sünaye nakoukou touloure donou nah nalaiyu naotupai süna nghojünou da-a buloure.

PONGAOPEIYU 12:9

Alia deiphao teiteiye layu Rashina moa Saitan tea kuyu, nghou tsüna, dushoyu zai nghoudu sünaye sü polai koure. Puhye sü puh vahmaitao hrülaiye koa deiphao hi polai koure.

PONGAOPEIYU 13:2

Enou ngaoyu khaosou nasü shirakhaoye raiwe, ana puh phisü vuhphi kue ea müsü souveo mü kue. Alia puh hisü zai nghoudu nanou puhvei khouko, puhvei vebuh ea paopu souloure dushoyu khoukosü peire.

PONGAOPEIYU 13:4

Alia maikhemai hrülainou zai nghoudu naye tholoure, daiolouzü puhnou puhvei khoukosü khaosou sünahi peire, alia puletao nou khaosou sünaye-a tholoua haibüa paoe, “Khaosou süna büyu thaoh bue? Puhye thaohnou reih zülou sülai?”

PONGAOPEIYU 20:10

Sükisü puletaoye layu Rashinaye sü raiki khaosou süna ea madayu rachi paolawo naye polai thouyu buh mei ea meichuh vei zai hi polai thoure, alia puletaoye sü teisa khei-heanou souvea peilai.

PONGAOPEIYU 20:7

Alia po thelina cheyu kisü, Saitan ye puhvei hukha hinou phapeilai,

PONGAOPEIYU 9:11

Puletao pei hisü akhai hayu raobvü sünaye khoyu rakivamai sünanou veo soua bue. Puh zhihsü Ebriamai la hinou Abaddon toue; alia Greekmai la hinou puh zhihsu Apollion toue (sünavei kowo louzü “Souha peiyuna” toue).