PONGAOPEIYU 20:11 - SHEEYU BAIBEL (BSI)

¹¹ Süthaisü dushoyu vebuh kaali ea süvanou chobuyu puhye sü Enou ngaoe. Deiphao ea rakisü puh nghojünou tutare, alia sühaiye sü ngaopukhai more.

PONGAOPEIYU 20:11 Iomraidhean Croise

SHURAI 18:25

Mahmai ye koa acheche mai-a souhayu, acheche maiye mahmai hi chothou zhopeiyu, haibüyu vahso hai ne hinou doushoa panou bulowo. Deiphao teitei hi Chikuapeio nanou kaozü hinou kupei laimowu?”

JOB VEI LARÜBVÜ 9:6

Ramai nou nüsüyu seive dei teitei hou lüloue. Deiye pfüyu dekataoye ngulü peie.

LOUTAO 102:26

Sütao veishi nou hata-a bailai, ana newo louzü teisa nou bulai; sütao teitei hai sabanü büa shita-a bailai, ae sütao hai hata-a bailai.

LOUTAO 47:8

Ramai hai puhvei sheeyu vebuh hinou bue; puhnou tyahrü hrülai pei hinou khasa-a nou bue.

LOUTAO 89:14

Nevei vedei nasü acheche ae kaozü hinou soushu khaitoue; nenou soupfüyu vah teitei hai leshiyu ae chilee checheyu hinou soungao peie.

LOUTAO 97:2

Teihao ae azhi sünou puhye sühao-a nou bue; puhnou acheche ae kaozü sünou khasa-a hrüpeie.

ISAIAH 6:1

Veo Uzziah thaiyu po hi Enou Mapao ye ngaoe. Puh hai du-sho shoa nou puhvei vebuh hinou bue, alia puhvei naazao kai nou kou rathoki sü phoutao loure.

DANIEL 2:35

Süthaisü hu, nai, baosahu, shahu ae sana taosü posasa tare, alia teilüki chathaibu hinou thouba khesü teikhai nou hüpoa tayu büa hüsha takhaire. Ana maizhurai daokhai touyu neye khyaphoyu chuh nasü dulailaipa deichi adu ali büa deiphao teitei holoure.

DANIEL 7:10

Alia puh nghoujü hinou mei nou küpoa tayu rei ali küpawe. Puhvei vebuh hisü mai thethe nou puhvei kuvah soua bue alia mai zzü-zzü kaa-kaa nou puh nghoujü nou la-a bue. Chikuyu buh hinou chi sü kutare, alia larübvü khesü laopare.

MATHIU 11:22

Enou neletao hi cheche nou paowe, süolouzü Chikuyu Teithekisü neletaoye jünou louzü Tair ea Sidon hi maitaoye nou Ramai nou zhuvea koupeilai!

MATHIU 24:35

Raki ea deiphao hatalai, ana Achipaotao louzü halaimoe.

MATHIU 25:31

“Mai Nahpoutu nou khouko ava hinou rakivamai taoye koa veyu kisü, puhsü puhvei dushoyu vebuh hinou ve bulai.

ROMMAI 2:5

Ana nevei le khouyu ea le dabayu lethou buyu donou ne sü lah nepei hi Ramai nou puhvei acheche chi kulaiyu pongao laiyu puhvei rarou Teithe ki donou Ramai vei rarou nasü podzü khaibaiwe.

2 PITAR 3:7

Ana chu buyu rakitao ea deiphao hainawo louzü panou meinou souhawure donou Ramai vei chikha sünanou pokhaiwure. Sütaosü ramai loumoyu maikhe maitaoye chikuyu ea souhawumo teithe koute donou pokhaire.

PONGAOPEIYU 12:8

ana zai nghoudunaye sü koloure, alia puh ea puhmaitaoye donou raki hisü buhlia hare.

PONGAOPEIYU 16:20

Zaipeidei veishisü ngaokhai more ea deichi veishisü hazheih tare.

PONGAOPEIYU 19:11

Süthaisü Enou rakisü houpa khaitoua ngaoe, alia zhukhaio, sühisü rhei kaali bue. Rhei sünaye pfüa laiyu puh zhihsü Louchelou-aveio ea Checheo tea kuwe. Acheche hinou puhnou chikuwe ea reih züwe.

PONGAOPEIYU 20:2

Alia puhnou zai nghoudu, nghou tsüna, süolouzü Rashina moa Saitan sünaye niloua puhye sü po theli donou phibao phukhaire.

PONGAOPEIYU 21:1

Süthaisü Enou ashu raki ea ashu deiphaosü ngaoe, daiolouzü raki araina ea deiphao araina sü ngaokhai more, alia zaisü hazhei tare.

PONGAOPEIYU 21:5

Sükisü vebuh vahinou chobuyu puhnou paoe, “Zhukhaio, Enou na teiteisü soushu peire!” alia puhnou Ahi paopukhaie; “Haisü rükhaio, daiolouzü chipao haitaosü louchelouveie ea chechewe.”

PONGAOPEIYU 4:2

Süphabü hinou Esü rako hinou buloure. Alia zhukhaio, raki vanou vebuh ali bua sühisü mai alinou chobua bue.

PONGAOPEIYU 6:14

Rateisü larükhu zükhaiyu kua hazhei tare, alia deichi ea zaipeidei teitei-a puletao buh hinou podare.