PONGAOPEIYU 20:10 - SHEEYU BAIBEL (BSI)

¹⁰ Sükisü puletaoye layu Rashinaye sü raiki khaosou süna ea madayu rachi paolawo naye polai thouyu buh mei ea meichuh vei zai hi polai thoure, alia puletaoye sü teisa khei-heanou souvea peilai.

PONGAOPEIYU 20:10 Iomraidhean Croise

DANIEL 7:11

Enou zhua buyu phaki, soukai taitou nasü khaophu soushoua raopoa buyu Enou choue. Alia Enou khaosou adai naye sü southayu ngaoe, alia puhvei pfüphao sü mei hi laithou mei deiwure.

MATHIU 25:41

“Süthaisü puhnou puh bahkha nalo buyu taohi paolai, ‘Acha ngaolouyu neletao, Ahinou taloua rashi ea puhvei kilaitao donou soudakhai touyu teisa meibuh hi louwo.

MATHIU 25:46

Alia puletaosü teisa vei tudee buh hi talai, ana chechemai taosü teisa ahri buh hi talai.”

MATHIU 7:15

“Madayu rachi paolamai taoye leikei-a zhulo; puletao sü vakounou zhukhaie zhaotu zhaibüa neletao hi velai, ana puletao lekhe hiwo louzü chechenou khushoyu nüsei bübaie.

MARK 9:44

(Sühisü, puletaoye toua buyu shikhao sü hakia thaikhaiwu moe, alia puletaoye deia buyu meisü hakia ngheikhaiwu moe.)

PONGAOPEIYU 16:13

Süthaisü Enou vaokü zhu raiyu sheemoyu rako asü ngaoe. Sütaosü zai nghouduna, khaosouna ea madayu rachipaola maina mü hinou pae

PONGAOPEIYU 19:20

Ana khaosou sünaye sü ea puhye koa puh nghojünou shee taoli soua laiyu madayu rachi paolapeioye niloure. Shee sütaonou khaosou sünavei paoshee buyutao ea puhvei zhu raiyu basharaye thoyutaoye lawure. Khaosou süna ea madayu rachi paolawo puhaiye sü meichuhnou dei-a buyu meizai sünahi hria polai thoure.

PONGAOPEIYU 20:8

alia deiphao kainghou adai hinou raroua buyu tahrüh khemaitao, süolouzü Gog ea Magog ye lare donou puhnou tapalai. Sübüa Saitan nou puletao hrülaiye sü zai pei hi vünai zhou poua reih soure donou pove dzülai.

PONGAOPEIYU 9:17

Alia Enou zhokounou rheitao ea sütao phao vahi buyutaoye haibüa ngaoe: rhei phaovahi buyu puletao vei khaokha sü meibüa hoe, sapphir chuh kua daizüzüe, alia meichuh kua pah-e. Alia rheitao peisü souveo pei kue, alia puletao mü hi nou mei, meikhao ea meichuh pae.