PONGAOPEIYU 2:9 - SHEEYU BAIBEL (BSI)

⁹ Enou nevei veahoyu ea toure hayu sü süwe, ana newo chechenou haniwe! alia lah puletao münou puletaohai Jihudimaie tea paokhaia chechemoyu ea Saitanme hinou vebaiyu puletao nou nepei hi chishi paoyutaosü Enou süwe!

PONGAOPEIYU 2:9 Iomraidhean Croise

MATHIU 4:10

Süthaisü Jisu nou chila peie, “Tawo, Saitan! daiolouzü haibüa rüthoure, ‘Nenou ne Ramai Mapaoye khurülai ea puhye likheithe nenou kuvah soulai!’ ”

LUK NOU RÜYU KO AVEIBVÜ 12:21

“Ramai hilonou hani loumoa lah puhye donou kini podzükhai touyu mai tasü sükue.”

LUK NOU RÜYU KO AVEIBVÜ 22:65

Alia puletao nou kukhe chi alaosou puh pei hi paokhai peiwu-a puhye sü sou-ahrao peie.

LUK NOU RÜYU KO AVEIBVÜ 4:18

“Mapao vei Rakosü Apei hi bue, daiolouzü puhnou Eye sü toure hamai hi ko avei paodou peire donou dopa peire. Puh nou Eye sü hukhakihi bumai taohi mado souyu ea nghichamai hisü nghi ngaolouyu sü shangao peire, sovea-souhowuyu maiye phapeiyu,

LUK NOU RÜYU KO AVEIBVÜ 6:20

Alia Jisu nou puh rozümai taohi pheloua haibüa paotare: “Neletao toure hamaitao rakoveie, daiolouzü Raki vedeisü neletao veie!

JOHAN 16:33

Eye koa buyu hinou neletao hi kaonayu buloure donou, chi hainahai Enou neletao hi paopeire. Deiphao hisü neletao vea-holai; ana khuveilo! Enou deiphaoye koloure.”

SEI-ATAMAI VAHTAO 14:22

Alia nuhdu sütaohi buyu rozümaitao lesü soukhou peia ea lü hinou tobai soumoa buloure donou puletaoye süpeiwu-a, “Veahoyu tyali vedao vuzüwu-a Eletao nou Ramai Vedei hi veloulai,” tea paodoupeie.

SEI-ATAMAI VAHTAO 26:11

Alia tobai soumoa Enou puletaoye rathobuhtao hinou souvea souhopeie ea puletaoye panou Ramaiye paoshire te-e; alia puletao pei hi rarou lekha buyu vanou Enou puletaoye souvea-souhore donou vakou teidei hi koutea tahoe.

ROMMAI 12:12

Neletao vei areih naye panou neletaoye le sousa-a bulo, neletao veahoyu kisü shamea toulo, alia tobai soumoa veachi paolo.

ROMMAI 2:17

Newo kakuwe? Nenou lah neyenou Jihudimai ali toue; newo razhaiye lüa bue ea Ramai vanou khaophu soua bue;

ROMMAI 5:3

Süthe baimoe, ana Ehnou Ehvei veahoyu hia lesawe, daiolouzü veahoyu nou shameayu povewe,

ROMMAI 8:35

Sükuyu thaisü Eletaoye Khrista vei leshina hinou thaohnou soukupa khaipei lousüe? Souvea souchoyu nou laiwu moa veahoyu nou laiwu? Moa souvea souhoyu nou molouzü tokaayu nou laiwu? Moa baitouyu nou laiwu molouzü ha kayu moa khochenou laiwu?

ROMMAI 9:6

Ramai vei apaopeiyu nahai vetemore tea Enou paomoe; daiolouzü Israelmai hrülainou Ramai vei maikhaimoe.

2 KORINTHMAI 6:10

le souvea peiwukhaia, Ehsü teisanou le sawe; Ehhai toure hayu bükhaia, mai taoliye Ehnou southou hanipeie; halia hayu büa bukhaia Ehsü ha teitei buchewe.

2 KORINTHMAI 8:2

Puletaoye sü puletao hi vedaoyu tatei sho-a veahoyu sünanou zhai zhupeire; ana puletao vei sayu sünanou dusholoua, puletao hai toure hazhikhaia mai kukhehi ha peinüyu sü dushoa bue.

2 KORINTHMAI 8:9

Neletao nou Eletao Mapao Jisu Khrista vei zhuvea nasü süwe; süolouzü puhsü hanikhaia, neleye donou puhsü toure haloure, sübüa puhvei ha hayu süna vanou neletaoye panou hani loure süsüe.

1 THESSALONIMAI 3:4

Daiolouzü Ehnou neleye koa bubuki hinou Eletaoye souvea vuzülai tea raia Ehnou nelehi paopeire; alia neletao nou süa buyu sübütoua paloure.

1 TIMOTHI 1:13

Esü raiki teile hisü puhchi paoshi-a ea puhye souvea-souhrao peikhai-a Eye doloue. Ana Ramai nou Ahisü zhuvea peie daiolouzü Enou lü ha-a buyupha hinou sükhaimoa süsü soure.

1 TIMOTHI 6:18

Puletaoye nou vahvei souloure, vahvei souyu nou hani loure, maiye pakhaimoa peiyu ea kukhe maiye koa zhitou loure donou le roloure chikha peikhaio.

PONGAOPEIYU 1:9

Jisu hinou neletaoye koa veayuhi-a, vedeihi-a ea shameayuhi-a zha ngaozhoa buyu neletao thaihou jürai Johan Esü Ramai vei chipao ea Jisu nou pongao peiyu chechena paodouyu vanou Patmos zaipeidei hinou bue.

PONGAOPEIYU 2:13

Nenou hrüa buyu buh sü Enou süwe, sühisü Saitan vei vebuh bue. Newo Azhih hinou cheche-a bue, alia Avei cheche zhopaoh sou-apeio Antipas ye Saitan nou buyu buh sühinou southeayu ki koutea newo Ahi lüa buyu hai hakia thaokhai moe.

PONGAOPEIYU 2:2

Enou nevah ea nenou kazhou koute te-a ea shamea-a vah sousa touyu sü süwe; alia nenou maishimai taoye koa shamea zholouhoe touyu süolouzü puletaohai sei-atamai mokhaia sei-atamai baie tea paoyu sümaitao zhaisü nenou zhuloua puletao vei amadasü phoupaloue touyu sü Enou süwe.

PONGAOPEIYU 2:24

“Ana Thuatira hi buyu kukhe neletaowo louzü ashi doupeiyu haina thaifüa tamoe; neletaowo, thoushoyu Saitan vei kheitsü tea kamainou kua buyu nasü doulou moe. Enou neletao hi paowe süolouzü Enou neletao pei hi kou süyu halia pokhai laimoe.

PONGAOPEIYU 3:9

Zhukhaio, Saitan vei me sou-a buyu süolouzü puletao hai Jihudimaie tea paokhai-a chekhao moyu ana dabaiyu puletaoye sü Enou panou ne hi taveloua nephi hinou kou khurülai, alia Enou neye leshiwe touyu sü puletaoye panou süloulai.

PONGAOPEIYU 7:14

Enou puh hi chila peie, “Dou-apeio, nenou süwe.” Alia puhnou Ahi paoe, “Mai haitaosü ngaopishoyu veahoyu hinou palouyu maitaoe. Puletao nou puletao vei zao aduna taosü shaowu-a sütaosü zhaotu zhenou soukaare.