PONGAOPEIYU 2:5 - SHEEYU BAIBEL (BSI)

⁵ Südonou ne daizhozhou kaadoua dekouresa touyu sü lichokhaio! Nemah hinou le dalouwo ea nenou raiki souyu vahtaosü souloukhaio. Nenou nemah hinou le daluomo louzü, Enou ne hi taveloua nevei meibvü dzükhaiyu buh nasü süna buh hinou potalou bailai.

PONGAOPEIYU 2:5 Iomraidhean Croise

ISAIAH 1:26

Enou neletao hisü raichoki büa peikhoyu mai ae paodou apei maiye sü peilai. Süthaisü Jerusalem hai chilee checheyu ae louche louveiyu nuhdu tea kulai.”

ISAIAH 14:12

“Oh Babilon hi veo, vavei shoyu shona teivu, kabüa nou ne sü raki vanou dekou tare? Raichokio tyahrü kheye nenou veiloua buwe, ana chuo ne sü deiphi hi kaolou tare.

EZEKIEL 20:43

Süthaisü neletao nou ngaorayu vah soukhai touyu khesü licho loulai ae kabüa neletao hai lah neletaoye souzhai loue touyu tao-a süloulai. Süthaisü neletao nou vah ashi soukhai touyu donou lah neletaoye ngaoralai.

EZEKIEL 36:31

Neletao nou vah ashi souyu ae kaozü moyu vah soukhai touyu khesü licho loulai ae neletao nou mahmo soukhai touyu donou neletao hai lah neletaoye ngaoralai.

HOSEA 14:1

Oh Israel maitaore, neletao Ramai Mapao hi dakhai velouo, daiolouzü neletao nou mah souyu vanou neletao phi süloua baie.

HOSEA 9:10

“Daoraikio Israel mai hai rekounou buyu darkhabe ali büa Enou ngaoloue. Teile kaovei hinou arai nasoua shipeiyu doushibe li ngaolouyu büa Enou puletao paipao ye ngaoloue. Ana puletao nou Peor deichi hi velou loukhaie Baal ye thotare, alia Enou ngaora shoyu basharah ye sü leshi tare.

MALAKAI 3:4

Süthaisü Judah ae Jerusalem vei posheelayu hai daoraiki teile hi büa Mapao nou jüpalai.

MALAKAI 4:6

Alia puo khemai lethou sü nah khemai hi thou peilai, ae nahkhemai lethou hisü puo khemai lethou hi dathou peilai, süku more toulouzü Enou ve teidei sü chaa nou souha bailai.

MATHIU 5:14

“Neletao hai deiphao vei avae. Deichinou soukhai touyu nuhdu nasü poku louhoe.

MATHIU 5:15

Maita linoua meibvü taokhaitoua sülai khehi pothou bengi-a khaitamoe, ana meibvü khaiyu buh hi khaibaiwe, alia sünanou kikhahi buyu mai hrülaiye vapeie.

MARK 12:9

Jisu nou noue, “Sükulouzü darkha kipei paopuwo nou daisoulai? Puhnou veloua mai sütaoye southeawulai ea darkha kipei nasü kipei khomai kukhehi peiwulai.

LUK NOU RÜYU KO AVEIBVÜ 1:17

Alia puokhemaitao lesü nahmaitao hi ea paoyu zübayu maitaoye cheche maitao vei ratsü nahi panou khaive loure Mapaoye donou souda louyu maitaoye tuda loure donou puhnou Elijah vei rako ea khouko hinou Mapaowo nghojü hinou raia talai.”

LUK NOU RÜYU KO AVEIBVÜ 20:16

Puhnou taveloua kipei khomaitaoye sü southeawulai, alia darkha kipei nasü kukhe kipei khomai taohi peiwulai.” Maikhemai taonou süsü choulouyu kisü paoe, “Sübükhai laimoe!”

GALATIAMAI 5:4

Razhai vanou Ramaiye koa souzü loure teyu neletaowo louzü Khrista hinou kotare. Neletaowo Ramai zhuvea hinou kaotare.

PHILIPPIMAI 2:15

sübüa neletaosü ashi ea paoyu zübayu maikha hrohinou mah hayu ea sheeyu Ramai vei licheyu nahmaitao büa buloulai. Neletao hai puletao hrohinou ratei hi teivuhtao büa vapei-a buvu zülai,

EBRIAMAI 10:32

Raiki teiletao hi kakusa touyu sü lichokhaio. Teithe sütao hi Ramai avanou neletao pei hi vapeiyu thai neletao nou veahoyu alao vedaoyuma sütaosü neletao nou shamea loue.

2 PITAR 3:17

Ana Asakhemai, neletaowo haisü rai-a süloure. Südonou neletaoye zhai hayu maitao vei kao-zü moyu sünanou süthaipoa talou more donou ea chu neletao vei khailu louyu buh haina hinou kaotalou more donou, neletao leikei-a bulo.

JUD VEI SEIKO 1:24

Neletaoye kao-dulaiyu hinou khopeilou süyu ea neletaoye chaa ha-a ea sasa-a dushoyu Puh nghojühi pove peilou süyu Puh hisü —

PONGAOPEIYU 1:20

Nenou Abah zhoulo vahinou teivuh anai ea meibvü dzü khaiyu buhtao ngaoyu sütaovei kukhaiyu kona louzü teivuh anaitaosü lüloumaime anai vei rakiva maitaoe, alia meibvü dzükhaiyu buh anaitao nou lülou maime anaitaoe.

PONGAOPEIYU 16:9

Puletaoye sü soushoyu meisounou chapeire, alia veahoyu haitao pei hi khouko buyu Ramai puh zhihsü puletao nou paoshi paokha peire, alia puletao nou le daloua puhvei dushosü paosho peibae.

PONGAOPEIYU 2:16

Südonou ledalo! Sükumo louzü Enou nehi thala taveloua Amü hi buyu khoche sünanou puletao pei hisü reih zülai.

PONGAOPEIYU 2:19

Enou ne vah taosü süwe. Nevei leshi ea lü, nevei kuvah ea shameayu, alia nenou chu soua buyu sünanou raiki souyu jünou veikoure touyu sü Enou süe.

PONGAOPEIYU 2:2

Enou nevah ea nenou kazhou koute te-a ea shamea-a vah sousa touyu sü süwe; alia nenou maishimai taoye koa shamea zholouhoe touyu süolouzü puletaohai sei-atamai mokhaia sei-atamai baie tea paoyu sümaitao zhaisü nenou zhuloua puletao vei amadasü phoupaloue touyu sü Enou süwe.

PONGAOPEIYU 3:19

Enou leshimai hrülaiye sü zü-a tudee peiwe, südonou lünoutoulo, alia nemah hinou ledalo.