PONGAOPEIYU 2:3 - SHEEYU BAIBEL (BSI)

³ Nenou shamealoue ea Azhih donou veahoyu sü daoloue, alia ne sü chathai takhaimoe.

PONGAOPEIYU 2:3 Iomraidhean Croise

LOUTAO 37:7

Heamealo ae Mapao vei vu khoa bulo; lah vei jüpa hinou soupfüa laiyu maitao nou vasayu nasü ngaoloua thainüso, moyuma do ashi soupfüyu hinou veilouyu maitaoye donou leaveaso.

LOUTAO 69:7

Neye donou Esü maichi mairao sü toua bure, ae hraongu sü Enou pfüa nou bure.

MIKAH 7:9

Mapao vei lekha rarou ae chaa nasü Etao nou teile daotuli hai pfüa bulaire, daiolouzü Etao nou mah souwure. Ana akhai hiolouzü puhnou Etaoye vupa peilai, ae Etao hi kaozü moyu nasü souzü peilai. Puhnou Etaoye ava hi popa peilai; Puhnou Etaoye khailupa peiyu nasü Etao nou ngaolai.

MARK 15:21

Alia ludu hinou puletao nou deichi hilonou veiveyu Simon tea kuyu mailiye daoloure. Reihmaitao nou puhye nou Jisu vei kros pfükhapeio tea kutai loure. Simon hai Kurini teidei hi maie ea puh sü Alekjandar ea Rufus puoe.

LUK NOU RÜYU KO AVEIBVÜ 14:27

Maita mailia lah puhvei kros pfüloumoa Athai füyu maisü Arozümai soulou hoe.

LUK NOU RÜYU KO AVEIBVÜ 18:1

Süthaisü puh rozümaitao nou le khaitamoa teisanou veachi pao-a buzüe touyu doupeire donou Jisu nou puletao hi nada ali paopeie.

LUK NOU RÜYU KO AVEIBVÜ 21:19

Neletao vei shameayu sünanou neletao lah neletaoye khailu loulai.

LUK NOU RÜYU KO AVEIBVÜ 5:5

Simon nou chila peie, “Dou-apeio, Ehnou kheimathe phoukhaia halia phouloumoe! Ana nevei chipao thaifüa Enou khahbe taosü polai thoulai.”

LUK NOU RÜYU KO AVEIBVÜ 8:15

Alia deivei buh hi dekou louyu taonou, chipao süna chouloua sünasü sheeyu ea paoyu züyu lekhe hinou poteiloua shameayu vanou rashi shilouyu puletaoe.

JOHAN 15:21

Ana Azhih donou sütao veishi hai puletao nou neletao pei hi soulai, daiolouzü puletao nou Eye seive peiyu puhye sümoe.

ROMMAI 12:12

Neletao vei areih naye panou neletaoye le sousa-a bulo, neletao veahoyu kisü shamea toulo, alia tobai soumoa veachi paolo.

ROMMAI 16:12

Mapao vei kuvah soua buyu Truphina ea Truphosa hi Avei khurüyu chidoh sü seiwe, alia Mapaowo donou vah alao soulouyu leshiyu asa Parsis ye khurüwe.

ROMMAI 2:7

Mai kamai sü thaokhaimoa avei vah soua, khouko ava, tsükhouyu ea halouho ahri phoua bue; puletao hisü Ramai nou teisa ahri peilai.

ROMMAI 8:25

Ana ngaomoyu süna donou Eletao nou rei-a bulouzü, Eletao nou sünaye shamea-a khowe.

1 KORINTHMAI 13:7

Leshi nou ha teitei pfüpeie, ha teitei louche peie, ha teitei reipeie ea ha teitei shamea peie.

1 KORINTHMAI 16:16

Enou neletao hi khowe süolouzü haibüyu maitao ea puletaoye koa te-a vah souyu maitao thaisü fülo.

2 KORINTHMAI 10:15

Khada peikhai touyu jünou koua Ehnou lou kukhemai vei kuvah hinou khaophu soumoe; ana Ehnou rei-a buyu sünawo louzü, neletao vei lü pukheyu sünaye koa Ramai nou khada peiyu süna hinou Ehnou neletao hronou dukoushoa lou kuvah souloure sünasüe.

2 KORINTHMAI 11:23

Puletao sü Khrista vei kilaiwu? Enou voyumai büa chi paowe—ana puletao jünou Enou kilaivei nahie! Enou kou-noua vahsou kouhie, Enou hukhahi loukouhie, Eye südanou dakouhie, alia Enou thainonoyu daokhai daokhaihie.

2 KORINTHMAI 4:1

Südonou Ramai nou puhvei zhuvea hinou kuvah hainasü souloure donou Eletao hi peikhaitoue, südonou Ehnou lekhaiyu soumoe.

2 KORINTHMAI 4:16

Südonou Ehnou hakia le khaitayu soukhaimoe. Eletao vei vakouhi buyu mai haina hai shoshonou raitakhaia, khele hi buyu mainawo louzü teithetsünou nalelailai tawe.

2 KORINTHMAI 5:9

Südonou ha teitei jünou, Ehnou ki haina hinou bua, ki hona hinou bua, Ehnou puh züpasü sounüwe.

2 KORINTHMAI 6:5

Ehye sü dapeie, hukha hi thoupeie, soubvüroyu daoe; te-roua vah soue, zhai heyu moa khü-a buyu daoe.

GALATIAMAI 6:2

Alinou likou pfükha peikhaio, alia sübüa Khrista vei zhai nasü souve tepeio.

GALATIAMAI 6:9

Südonou Eletao nou avei souyu hisü leveawu laimokhe; daiolouzü Eletao nou lekhaita molouzü, teile kao-avei hinou Eletao nou cha chilai.

PHILIPPIMAI 2:16

sübüa Khrista vei Teitheki hi Avei kathe souloure donou ahri chipao nasü poteia bulo, daiolouzü Esü raohanou tuyu moa te-a vah souyusü souwulai moe.

PHILIPPIMAI 4:3

Alia Eye koa cheche-a kou pfüzhoyuna ne-a naotumai haitaoye soukha peikhaio tea Enou khowe; daiolouzü puletao nou Ko Aveina paodou loure donou E, Klement ea Ramai vei ahrimai larübvühi zhih rüthou khaitouyu kukhe Eye koa vah soumaitao hrülaiye koa te-a vah soue.

KOLOSSEMAI 1:11

Neletao nou shameayu noupu ha teiteisü teisanou shameapoa buloure donou, neletaoye sü puhvei avavei khouko hinou veyu achaa sütao teiteinou soukhou peiyu souloukhaio.

1 THESSALONIMAI 1:3

Ehnou tobai soumoa Eletao Puo ea Ramai puh nghojünou kabüa neletao nou neletao vei lü nasü pothoua vah sousa, kabüa neletao vei leshi nanou neletaoye panou chihshoa vah sousa, alia kabüa neletao nou Eh Mapaowo Jisu Khrista hisü rei-a khoushoa busa touyu vanou li-choa bue.

1 THESSALONIMAI 2:9

Eh thaihou jürai khemai, Ehnou kabüa te-a ea veashoa vah sousa touyu sü neletao-a veimosoua liwulai! Süolouzü Ehnou nelehi Ramai vei Ko Aveina paodou peibu kisü nele pei hi kou süyu hatali pokhai peimore donou Ehnou khei-hea somoa vah soue.

1 THESSALONIMAI 5:12

Ana thaihou jürai khemai, neletao hrohinou te-a vahsoua buyu maitaoye ea Mapao hilonou neletaoye süthaipeia doupeiyu maitaoye tsükhou loure donou Ehnou khowe.

2 THESSALONIMAI 3:13

Ana thaihou jürai khemai, neletaowo vahvei souyu hisü shawu laimoe.

2 THESSALONIMAI 3:5

Mapao nou neletao lesü Ramai leshi ea Khrista hinou veyu shamealou süyu hilova süve peiyu soulouwo.

2 THESSALONIMAI 3:8

Ehnou maitali hia muh peikhaimoa tou-shomoe, ana neletao maitaliye souvea more donou Ehnou khei-hea sokhaimoa te-a vah soue.

1 TIMOTHI 4:10

Ehnou te-a ea shamea-a vah soue, daiolouzü Ehnou Ehvei areih nasü hri-a buyu Ramai bah hi thoupei khaitoue. Puh hai mai hrülaiye khailu-apeio nasüe ea koulih soua lüloumaitao vei khailu-apeio süe.

1 TIMOTHI 5:17

Khotou pei-a buyu tsümaitao, matsüsoua ko paodouyu ea doupeiyu hinou te-a vah souyu puletaoye sü zha ahai koua tsükhou peizüe.

EBRIAMAI 10:36

Daiolouzü Ramai vei lichoyu souloure ea puhnou apaopei khaitouyu hai ngaoloure donou neletao nou shamea loure matsü bue.

EBRIAMAI 12:1

Südonou Eletaoye dushoyu teihao büyu zhopaohmai taonou züpoa buyu donou, Eletaoye khua buyu teitei, alia Eletaoye lalapasoua phua buyu mah nasü polaiwu laikhe, alia Eletao nou shamea poa Eletao nghojü hi buyu tuvare nasü tulaikhe.

EBRIAMAI 13:13

südonou, Eletao-a fühao vakouhi tapa puh hi taveloua puhvei ahraoyu hisü zha ngaozho laikhe.

EBRIAMAI 6:10

Ramaiwo cheche moyu moe. Neletao nou soukhai touyu vah moa neletao nou chukoute puhye donou neletao thaihou jürai Khrista maitao hi soukha pei-a leshiyu pongaokhai touyu sü puhnou ngaipei laimoe.

EBRIAMAI 6:12

Nelenou hitayu sü Ehnou züpa moe, ana lü ea shameayu vanou Ramai nou apaopei khaitouyu ngaolouyu sümaitao zhai doulouyu sü züpae.

EBRIAMAI 6:15

Alia Abraham nou shameatou louyu vanou apaopei khaitouyu nasü ngaoloue.

2 PITAR 1:6

alia neletao vei tsüna hisü lahnou lahye tukhayu sünanou ea lahnou lahye tukhayu hisü shameayu sünanou thoupulo; alia neletao vei shameayu sühisü rahrümai sünanou thoupulo;

PONGAOPEIYU 1:9

Jisu hinou neletaoye koa veayuhi-a, vedeihi-a ea shameayuhi-a zha ngaozhoa buyu neletao thaihou jürai Johan Esü Ramai vei chipao ea Jisu nou pongao peiyu chechena paodouyu vanou Patmos zaipeidei hinou bue.

PONGAOPEIYU 3:10

Avei shamea loure chikha nasü nenou zülouyu vanou, Enou neye sü deiphao teiteihi velaiyu veahoyu teilecho süna hinou khaipa peilai.