PONGAOPEIYU 2:26 - SHEEYU BAIBEL (BSI)

²⁶ Reih kolouyu ea akhai koute Azüpa vah soua buyu puh hisü tahrü khemaitao pei hi khore khouko sü Enou peilai,

PONGAOPEIYU 2:26 Iomraidhean Croise

LOUTAO 2:8

Kho khaio ae Enou tyahrü hrülaiye sü ne hi peilai, alia deiphao teitei sü panou nevei soulai.

LOUTAO 2:9

Nenou hu süda poloua puletaoye souphe peilai, nenou puletaoye nailee ali büa souphesasa peilai.”

LOUTAO 49:14

puletao hai zhaotu ali büa thai bailai, ae Athai touyu nanou puletao vei zhaokhopu soulai. Acheche mai nou puletao jünou veiloulai, puletao vei ki jünou dousho-a buyu athai maivei teidei hi hotayu phaki, puletao vei pfüphao hai thasho-a nou nai vita bailai.

DANIEL 7:18

Ana Kukulai Ramai vei maitao nou vedei sü poloulai, alia vedei sü teisa puletao vei souloulai.”

DANIEL 7:22

Süthaisü teisa hria abuwo nou Kukulai Ramai vei maitao jüpa hinou chikude peiwure, alia Ramai vei maitao nou vedei nasü ngaoloure teile sü vere.

DANIEL 7:27

Deiphao hinou buyu vedei teitei ae khouko teitei sü Kukulai Ramai vei maitao hisü peiwulai. Puletao vei vedei hai teisa vei vedei soulai, alia deiphao hi vemai hrülai nou puletao vah soulai ae puletao chi zülai.”

MATHIU 10:22

Alia Azhih vanou mai hrülainou neletaoye ngaoralai. Ana akhai koute healouyu puhye sü khaipeilai.

MATHIU 19:28

Jisu nou puletao hi paoe, “Enou neletao hi chechenou paoe, deiphao ashu nahi Mai Nahpoutu nou puh vei khouko ava vebuh hi bulouyu kisü, Athai fülouyu neletao-a Israel nahmai khü kiahaiye chiku-a vebuh kiahai hinou bulai.

MATHIU 24:13

Ana khai koute shamea louyu puhye sü khaipeilai.

JOHAN 6:29

Jisu nou puletao hi chila peie, “Ramai vah louzü puhnou seivekhai touyu sünaye neletao nou loucheyu süna süe.”

ROMMAI 2:7

Mai kamai sü thaokhaimoa avei vah soua, khouko ava, tsükhouyu ea halouho ahri phoua bue; puletao hisü Ramai nou teisa ahri peilai.

ROMMAI 8:37

Moe, haitao teitei hinou Eletaowo Ehye leshi peiyu puh vanou reih koloumai jünou kouhie!

1 THESSALONIMAI 3:5

Moshilaiyu ko haina vanou Enou shamea louho vuzüa neletao vei lü nasü süloure donou Enou Timothiye seivewe, daiolouzü bo ali hilonou rashi nanou tave neletaoye thaoloua Eletao nou te-a vah soukhai touyu teiteisü raoha bailai moma touyu sü Enou ngaopiwe.

EBRIAMAI 3:6

Ana Khristawo Nah Poutu alikua cheche-a Ramai vei kisü khoe. Eletao nou rei-a buyu hisü khuveia ea louche touloua bulouzü Eletao sü puh kie.

JEMS 2:20

Avowo! Vah loumoyu lü nasü hakobaie touyu sü nehi pongao peiyu nenou züpawu?

1 JOHAN 2:19

Puletao sü Eletao hinou tapae, ana puletaowo Ehmai moe; daiolouzü puletao hai Eletao maie toulouzü, puletao sü Eletaoye thaomoa koa buvu zülai. Ana puletao hrülaisü Ehmaitao moe touyu sü sheesha-a popa ngaopeire donou puletaosü tapare.

1 JOHAN 3:23

Alia haisü puhvei chikhae, süolouzü puhnou Eletao hi chikha peiwuyu sübütoua, Eletao nou puhnah Poutu Jisu Khrista zhihsü louche vuzülai ea alinou liye leshilai.

1 JOHAN 5:5

Deiphaoye thaohnou kolousüe? Jisu hai Ramai Nahpoutue tea loucheyu mai süna likheinou kolousüe.

PONGAOPEIYU 2:11

“Nou pfüa buyu puhnou Rakonou lüloumaime taohi pao-a buyu nasü keiloukhaio! “Reih kolouyu puhye sü athai ahai chenanou hakia souzhuwu laimoe.

PONGAOPEIYU 2:17

“Nou pfüa buyu puhnou Rako nou lüloumaime taohi pao-a buyu nasü keiloukhaio! “Reih kolouyu puh hisü pokukhai touyu manna sü Enou peilai, alia ngaolouyu puh likheinou sübaiyu zhih ashu rüthoukhai touyu chuh kaali Enou puh hi peilai.

PONGAOPEIYU 2:7

“Nou pfüa buyu puhnou Rakonou lüloumaime taohi pao-a buyu nasü keiloukhaio! “Reih ko louyu puh hisü Ramai vei Shofü hinou paopayu ahri süübe vei rashithouna touloure zü nasü Enou peilai.

PONGAOPEIYU 20:4

Süthaisü Enou vebuhtaosü ngaoe, alia sütao vahinou buyu puletao hisü chikupeire khoukosü peire. Alia Jisu nou pongao peiyu cheche ea Ramai vei chipao paodouyu vanou peideyu maitao vei rakotaosü Enou ngaoe. Puletao nou khaosou sünaye moa puhvei zhu raiyu bashara naye thomoe, alia puletao puva hi moa puletao bah hi khaosou sünavei shee nasü pfülai moe. Puletao nou hrishuloua Khristaye koa po theli sü ve-a hrüe.

PONGAOPEIYU 21:7

Reih kolouyu puhnou Ahinou hainasü ngaolai: Esü puh Ramai soulai, alia puhnou Anah Poutuwo soulai.

PONGAOPEIYU 22:5

Sühisü khei touyu bupu laimoe, alia sühisü puletaoye donou meibvü moa teinghi vei avasü matsü hae, daiolouzü Ramai Mapaowo nou puletao vei ava soulai, alia puletao nou teisanou ve soua hrülai.

PONGAOPEIYU 3:12

Reih kolouyu puhye sü Enou Aramaivei Rathokihi kikali panou soulai, alia süsü thaowu-a puhsü hakia takhai laimoe. Enou puh vahisü Aramai zhih ea rakiva Aramai hinou koulaiyu Aramaivei nuhdu, ashu Jerusalem zhihsü rukhai peilai, alia Enou puh vahisü Avei ashu zhihna-a rükhai peilai.

PONGAOPEIYU 3:21

Enou reih koloua Apuoye koa puh vebuh hinou buzhoyu büa, reih kolouyu puhtao hisü Eye koa Avebuh hinou buloure zü nasü Enou peilai.

PONGAOPEIYU 3:5

Reih kolouyu puletaoye sü sübüa sabanüh kaanou tupeilai, alia Enou hakia puletao zhihsü ahri larübvü hinou sounghiwu laimoe. Apuo ea puhvei rakivamaitao nghojünou puletao hai Amai baie tea Enou dua paopalai.