PONGAOPEIYU 2:24 - SHEEYU BAIBEL (BSI)

²⁴ “Ana Thuatira hi buyu kukhe neletaowo louzü ashi doupeiyu haina thaifüa tamoe; neletaowo, thoushoyu Saitan vei kheitsü tea kamainou kua buyu nasü doulou moe. Enou neletao hi paowe süolouzü Enou neletao pei hi kou süyu halia pokhai laimoe.

PONGAOPEIYU 2:24 Iomraidhean Croise

SEI-ATAMAI VAHTAO 15:28

Daiolouzü moshilaiyu zhai haitao baimoa kukhe süpuyu kou neletao pei hi pokhai moyu nanou veihie touyu sü Rako Mashi ea Ehnou ae touwe:

SEI-ATAMAI VAHTAO 16:14

Eletao chi kei-a buyu naotumai aliwo louzü maomüyu sah zhoyu Thuatira nuhdu hi mai Ludia touyu pai süe. Puh hai Ramaiye lenoua thoyu naotumai alie. Paul nou chi paoyu sü panou soutaosoua keiloure donou Mapao nou puh lesü houpeire.

1 KORINTHMAI 2:10

Sütoukhaia, Rako vanou Ramai nou süsü Eletao hi ngaopeire, daiolouzü Rakonou ha teitei süolouzü Ramai vei thoushoyu kheina teitei koute-a phoue.

2 KORINTHMAI 11:3

Ana nghou nanou puhvei doshinou Efye lawuyu büa, neletao vei tsühai Khrista hi latoua buyu ea sheetoua thoa buyu hinou sümawu peire sü Enou piwe.

2 KORINTHMAI 2:11

molouzü Saitan nou Eletaoye koloure zhou avei ngaolou shulai; daiolouzü Eletao nou Saitan vei do hai süwe.

JEMS 3:15

Haibüyu ratsü süwo raki hinou koumoe; süsüwo deiphao veibaie, süsüwo rakovei moe, rashivei baie.

PONGAOPEIYU 1:11

Pai sünanou haibüa paoe, “Nenou ngaoyu taosü larübvü ali hi rüthoukhaio, alia larübvü süsü nuhdu anai haitao hi buyu lüloumaime hi süolouzü Ephesa, Smurna, Pergamam, Thuatira, Sardis, Philadelphia ea Laodikia haitaohi seive peikhaio.”

PONGAOPEIYU 12:9

Alia deiphao teiteiye layu Rashina moa Saitan tea kuyu, nghou tsüna, dushoyu zai nghoudu sünaye sü polai koure. Puhye sü puh vahmaitao hrülaiye koa deiphao hi polai koure.

PONGAOPEIYU 13:14

Alia khaosou araina nghojünou souloure puh hi aetou peikhai touyu khupavah sütao vanou puhnou deiphao hi hrüa buyu maikhemai hrülaiye sü lawure. Puhnou deiphao maikhe maitao hi khochenou zhupeikhai-a hria buyu khaosou sünaye tsükhouyu pongaore sünavei zhu kuyu bashara ali daokhaio tea chikha peie.

PONGAOPEIYU 2:13

Nenou hrüa buyu buh sü Enou süwe, sühisü Saitan vei vebuh bue. Newo Azhih hinou cheche-a bue, alia Avei cheche zhopaoh sou-apeio Antipas ye Saitan nou buyu buh sühinou southeayu ki koutea newo Ahi lüa buyu hai hakia thaokhai moe.

PONGAOPEIYU 2:18

“Thuatira hi buyu lüloumaime vei rakivamai na hi rükhaio: “Chi haitaosü meikei büa keivavayu nghithou pfüyu ea puh phisü mei hinou pothou deiloua kukhai touyu peivavayu hu baosa kuyu Ramainah Poutu chipaoe.

PONGAOPEIYU 2:9

Enou nevei veahoyu ea toure hayu sü süwe, ana newo chechenou haniwe! alia lah puletao münou puletaohai Jihudimaie tea paokhaia chechemoyu ea Saitanme hinou vebaiyu puletao nou nepei hi chishi paoyutaosü Enou süwe!