PONGAOPEIYU 2:23 - SHEEYU BAIBEL (BSI)

²³ Enou puh nahmai taoye sü southealai, alia sükisü lüloumaime hrülainou Esü maikhemai hrülai tsüle süyu mai nasüe touyu sü sülai, alia Enou neletao mai aliliye lah lahnou soukhai touyu vah thaifüa ngaozü nasü peilai.

PONGAOPEIYU 2:23 Iomraidhean Croise

1 PUOPAOKO 17:18

Enou ne hisü chi ali-a paopu loure hare! Ne kilai Eye sü nenou veisho-a nou süwe, ana nenou Eye tsükhou peie.

1 PUOPAOKO 28:9

Ae Solomon hisü puhnou haibüa paoe, “Anahpoutu Solomon, nevei puo Ramai ye sü phoulo, ae nevei tsüle teitei nou peia puh vei kuvah sü sounü shoa soulo; daiolouzü Ramai hai Etao vei tsüchoyu ae jüpayu teitei sü süa baiwe. Nenou puhye phou louzü, puhye sü nenou ngaoloulai, ana nenou puhye thaowulouzü puhnou neye teisa nou thaowua bailai.

1 PUOPAOKO 29:17

Oh avei Ramai, nenou maikhe mai vei tsüle sü zhuwe, ae acheche maiye sü nenou jüpawe touyu Enou süe. Avei tsüle sheesha toua Enou na haikhesü peinü sho-a ne hi posheela peikhai toue, ae nevei maitao-a neye peinü shoa puletao nou asasho-a ne hi posheela peiyu khesü Enou ngaore.

2 PUOPAOKO 6:30

puletao vei veachi sü kei peio. Puletao vei veachi sü nenou buyu raki hinou kei peio ae puletao vei mahmo khesü khaipeio. Ne likhei deiphao maivei tsüle sü süa baie, südonou mai alili vei jüpana thaifüa soupeio,

JOB VEI LARÜBVÜ 24:23

Sübüyu maiye Ramai nou eihtea panou zhou vei-a hri-a buloue, ana puletao nou soupfüyu teitei sü Ramai nghithou nou ngaomoyu hae.

LOUTAO 139:1

Oh Mapaowo, nenou Eye phou-e ae Eye süloure.

LOUTAO 26:2

Mapaowo, Eye kabüa busa touyu sü zhukhaio, avei tsüle khesü ne lah kabüa bue touyu poa zhukhaio.

LOUTAO 44:21

nenou süsü phoupalou vuzüa bailai, daiolouzü Etao vei tsüle veishi sü nenou süe.

LOUTAO 62:12

ae tobai soumoa zhuvea leshi peiyu nasü puh baie. Oh Mapaowo, maikhe mainou soupfüyu vah thaifüa nenou puletaoye sü buu peio.

LOUTAO 7:9

Newo acheche Ramai-e, ae Etao tsüle alia jüpa pei hinou chiku peiwe. Mai ashi maitao nou vahshi souyu khesü souha peio ae mai aveih maiye buu peio.

JEREMIAH 11:20

Süthaisü Enou veachi paoe, “Akukulai Mapaowo, ne hai acheche hinou chiku-apeio nasüe; nenou maivei tsüle kabüa busa touyu zhuwe. Enou ne bah hi avei zü nasü thaothouwure, nenou puletao pei hi khüngu phouyu sü Enou zhua bulai.”

JEREMIAH 17:10

Mapao Enou deiphao maivei tsüle sü kabüa busa tea nou phou-a zhuwe. Enou mai ali liye puhnou soupfüyu ae puhvei vah thaifüa ngaozü nasü peie.”

JEREMIAH 20:12

Ana Khoukhoulai Mapao, kaozü hinou nenou maikhe maiye sü zhupeie; maikhe maivei tsüle teitei sü nenou süwe. Südonou puletao pei hi nenou khü phoupeiyu Eye panou ngaokhaio, daiolouzü Enou neye likhei zhi-a bubaie.

ZEPHANIAH 1:11

Nuhdu khelo hinou hrüa buyu maitao, dopfüa kralo! Daiolouzü huha souyu mai hrülai hai thaita khaire, shahu süh doumai hrülai-a souha khaitoure.

MATHIU 16:27

Daiolouzü Mai Nahpoutu hai puh Puo vei khouko ava hinou puh vei rakivamai taoye koa velai, alia sükisü mai hrülaiye lah lahnou soukhai touyu vahtao thaifüa puh nou buu peilai.

LUK NOU RÜYU KO AVEIBVÜ 16:15

Ana Jisu nou puletao hi paoe, “Neletaosü maikhemai nghojünou lah cheche khayu maitao baie, ana Ramai nou neletao lesü süwe; daiolouzü maikhemai hrohinou paoshoyu nasü Ramai nghojüwo louzü ngaorayuna baie.

JOHAN 21:17

Jisu nou puh hi lüh asü chena noue, “Johan nahpoutu Simon, ne Eye leshiwu?” Pitar sü levea loure daiolouzü Jisu nou puh hi lüh asü koute, “Ne Eye leshiwu?” tea puh hi noue, alia puhnou puh hi paoe, “Mapao, nenou hali-hala süwe; Enou neye leshie touyu sü nenou süwe!” Jisu nou puh hi paoe “Azhaotaoye vaipei khaio.

JOHAN 4:16

Jisu nou puh hi paoe, “Takhaio, alia ne chaaye buh haihi ku save khaio.”

SEI-ATAMAI VAHTAO 1:24

Süthaisü puletao nou haibüa veachi paoe, “Mapaowo nenou maikhemai hrülai vei lesü sükhaiwe, südonou Judas nou lah puhvei buh hi vetare donou thaowuyu sei-atamai taovei kuvah buh haina hi puhthao lou soupei loure

ROMMAI 14:12

Südonou Eletao hrülainou lah lah vei pa-louchi hai Ramai hi peilai.

ROMMAI 8:27

Alia Eletao lekhe koute zhingao-a buyu Ramai nou Rako vei tsü nasü süwe; daiolouzü Rakonou Ramai vei maitao süh soua ea Ramai leli thaifüa puh hinou khowe.

2 KORINTHMAI 5:10

Daiolouzü Eletao hrülaisü Khrista vei Chikubuh nghojühi tave lavuzülai. Sübüa mai hrülai nou vei-a, shi-a lah lahnou puhvei pfüphaona hinou bubuki soukhai touyu süna thaifüa ngaozü nasü ve ngaolai.

GALATIAMAI 6:5

Daiolouzü mai hrülainou lah lahvei kou pfübailai.

PAODAKHAIYU CHIKHA 13:11

Süthaisü Israel mai hrülai nou hai khesü choulai; puletao nou ngaopilai, alia haibüyu vah hai neletao hrohinou soupu laimoe.

PAODAKHAIYU CHIKHA 17:13

Süthaisü mai hrülai nou chouloua ngaopilai, alia khaitya-a chi zübapu khailai moe.

PAODAKHAIYU CHIKHA 19:20

Süthaisü mai hrülai nou choulai, alia puletao nou ngaopilai, alia haibüa shiyu vah hai puletao nou soupu khailai moe.

PAODAKHAIYU CHIKHA 21:21

Süthaisü nuh hi buyu maitao nou puhye chuh nou deithalai. Sübüa nenou ashi nasü neletao hinou souhalai. Hai hai Israel mai veishi nou choulai alia ngaopilai.

EBRIAMAI 4:13

Alia soukhai touyu na talia Ramai nghojünou kukhai loure hae, ana ha teiteisü dukhya-a puh nghi-ngaobuh hinou haphapa khaikhaitoue. Alia puh hisü lah Eletao hrülainou soukhai touyu soupfücho sü peivuzülai.

1 PITAR 1:17

Mai ali linou souyu thaifüa maikhemai hrülaiye zhai ali hinou chikuyu Ramai hi neletao nou veachi paoyuki puhye sü Puo tea kulouzü, deiphao hi hrübuki neletao hrümaisü puhye khuhao-a hrülo.

PONGAOPEIYU 2:11

“Nou pfüa buyu puhnou Rakonou lüloumaime taohi pao-a buyu nasü keiloukhaio! “Reih kolouyu puhye sü athai ahai chenanou hakia souzhuwu laimoe.

PONGAOPEIYU 2:7

“Nou pfüa buyu puhnou Rakonou lüloumaime taohi pao-a buyu nasü keiloukhaio! “Reih ko louyu puh hisü Ramai vei Shofü hinou paopayu ahri süübe vei rashithouna touloure zü nasü Enou peilai.

PONGAOPEIYU 20:12

Alia thaimaitao taidu veishi kheihao-a vebuh süna nghojünou la-a buyu sü Enou ngaoe. Sühisü larübvütao hapa khaitoue, alia süthai-a kukhe larübvüli hapa khaitoue, süsü ahri larübvü nasüe.

PONGAOPEIYU 20:13

Sühinou zainou puh lekhe hi buyu thaimaitaoye sü phapeire. Alia Athai ea Thaimai Deiphao nou-a puhai nou poa buyu thaimaitaoye sü phapa peire, alia puletao hrülaiye sü puletao nou souyu thaifüa chiku loure.

PONGAOPEIYU 22:12

Alia Jisu nou paoe, “Zhukhaio, Esü thala-a laire! Enou Avei buusü maikhemai hrülai hi lah lahnou souyu thaifüa peire donou Eye koa povewe.

PONGAOPEIYU 6:8

Alia Enou zhuyu kisü Anghojü hinou rhei papayuli buyu sü Enou ngaoe, süna phaovahi buyu puh zhihsü Athaina tea kuwe, alia thaimai deiphao nou puh thaisü fütei poa laiwe, alia deiphao zha adai hinou zha aliye sü khoche, tokaayu, sounou ea deiphao hi rekhaotaoye panou southea loure donou puhai hi khouko thoupeire.

1 SAMUEL 16:7

Ana Mapao nou puh hi paoe, “Puhvei sha shoyu moa zhurao veiyu nanou phouso, Enou puhye sü malaiwure, daiolouzü E hai deiphao mai ali büa zhu moe. Deiphao mai louzü vakou ngaoyu nanou zhuwe, ana Ewo louzü lekhe vainou zhua baiwe.”