PONGAOPEIYU 2:19 - SHEEYU BAIBEL (BSI)

¹⁹ Enou ne vah taosü süwe. Nevei leshi ea lü, nevei kuvah ea shameayu, alia nenou chu soua buyu sünanou raiki souyu jünou veikoure touyu sü Enou süe.

PONGAOPEIYU 2:19 Iomraidhean Croise

JOB VEI LARÜBVÜ 17:9

Tsükhou, khuhao züe tea choyu maitao sü puletao nou kao-a baie tea choloukhai khai-a baire.

LOUTAO 92:14

tsülouyu thai-a rashithou alao shipeiyu bülai, ae teisa nou daiva-a nou khouchi-a bukoulai.

TSÜCHITAO 4:18

Ana acheche maivei luduwo teinghi payu büe, hea touchü hi koumo koute valailai payu kue.

LUK NOU RÜYU KO AVEIBVÜ 1:23

Alia puhnou rathokihi vah soure teile cheyu thaisü, puhsü puh kihi khaivere.

JOHAN 15:2

Ahinou tao-a buyu rashi shimoyu bo veishi puhnou vilaiwu baiwe; alia rashi shiyu bo veishiye panou rashi shipure donou puhnou soushee peiwe.

KOLOSSEMAI 3:14

Alia zhai haitao teitei pei hinou, ha teiteiye liche-a lerozhoyu hinou phumuzho peiyu leshi nasü bahnoulo.

1 THESSALONIMAI 3:6

Ana chuo Timothi hai khaivere ea neletao vei lü ea leshina vanou sashoyu ko nasü Eh hi pove peie. Puhnou Eh hi nelenou Ehye donou tobai soumoa leshishoa choa bue alia Ehnou neleye daonüshoa buyu kua nele-a Ehye dounüshoa bue touyu kosü Eh hi ve paongao peie.

2 THESSALONIMAI 1:3

Eh thaihou jürai khemai, neletao vanou Ehnou teisanou Ramai hi kalo paovuzülai. Ehye donou süsü souzüshoe daiolouzü neletao vei lühai alaosou dumaimai khere ea neletao alinou liye donou leshiyu neletao vei leshinahai pulailai khere.

1 TIMOTHI 1:5

Ehvei kharochi hainavei ko matsüwo louzü ra-hazheiyu le hinou, lekhetsü aveina hinou ea kao-züyu lü sütao hinou payu leshi süna panou paloure donoue.

1 PITAR 4:8

Ha pfüphou jünou alinou liye lenoushoa leshilo, daiolouzü leshinou mah alaoye hongipeiwe.

2 PITAR 1:7

alia rahrümai hisü thaihou jüraimaiye leshiyu sünanou ea thaihou jüraiye leshiyu sühisü leshi nanou thoupulo.

2 PITAR 3:18

Ana Eletao Mapao ea khailu-apeio Jisu Khrista vei zhuvea ea tsü hinou tobai soumoa dushulo. Puh hisü chua, akhainou khaikoute-a adushosü souloutheo! Amen.

PONGAOPEIYU 2:13

Nenou hrüa buyu buh sü Enou süwe, sühisü Saitan vei vebuh bue. Newo Azhih hinou cheche-a bue, alia Avei cheche zhopaoh sou-apeio Antipas ye Saitan nou buyu buh sühinou southeayu ki koutea newo Ahi lüa buyu hai hakia thaokhai moe.

PONGAOPEIYU 2:9

Enou nevei veahoyu ea toure hayu sü süwe, ana newo chechenou haniwe! alia lah puletao münou puletaohai Jihudimaie tea paokhaia chechemoyu ea Saitanme hinou vebaiyu puletao nou nepei hi chishi paoyutaosü Enou süwe!