PONGAOPEIYU 2:16 - SHEEYU BAIBEL (BSI)

¹⁶ Südonou ledalo! Sükumo louzü Enou nehi thala taveloua Amü hi buyu khoche sünanou puletao pei hisü reih zülai.

PONGAOPEIYU 2:16 Iomraidhean Croise

ISAIAH 11:4

ana acheche hisü nou touha laimai vei chi sü kupeilai, alia veaho laimai vei zü sü vupa peilai. Puhvei kharochi hisü nou kaozü moyu maikheye sü tudei peilai, alia mai ashi maitao sü thaita-a bailai.

ISAIAH 49:2

Puhnou amü sü hei veishoyu khoche ali büa soupeie, puhnou puh bah sünou Eye vupa peie. Puhnou Eye voulouthou pei southou tsüphi khaitouyu ali büa soupeie, puhvei voulouthou pfüyu bvü hinou puhnou Eye poku peie.

EPHESAMAI 6:17

Alia khailu louyuhai reih peirü büa ea Rako nou neletao hi peikhai touyu Ramai chipao hai khoche büa polo.

2 THESSALONIMAI 2:8

Alia süthaisü Mai Ashi nasü velai, ana Mapao Jisu nou veyu kisü puhnou puhye sü puh mü hinou payu puhvei ssünou southealai ea puhvei peivavayu zhu sünanou puletaoye sü souhalai.

PONGAOPEIYU 1:16

Puhbah zhoulo vahinou teivuh anai keipoa bue, alia puhmü hinou thai-jü hri pfüyu khoche ali pae, alia puh zhusü vavei shoyu heako hi teinghi va kue.

PONGAOPEIYU 16:9

Puletaoye sü soushoyu meisounou chapeire, alia veahoyu haitao pei hi khouko buyu Ramai puh zhihsü puletao nou paoshi paokha peire, alia puletao nou le daloua puhvei dushosü paosho peibae.

PONGAOPEIYU 19:15

Puhmü hinou haivei shoyu khocheli pawe ea sünanou poa puhnou tahrüh khemaitaoye sü koloulai. Puhnou puletaoye sü hu sü danou poa tukha-sahrülai, alia puhnou khoukhoulai Ramai vei rarou shoyu darkhadzü sühyu buh sü tailai.

PONGAOPEIYU 19:21

Alia puhaivei reihmaitaoye sü rhei pfüyuna mü hinou payu khoche sünanou daothea khaire; alia raohou veishinou puletao vei vasousü toulousü touloua pou phoutsü loure.

PONGAOPEIYU 2:12

“Pergamam hi buyu lüloumaime vei rakivamai nahi rükhaio: “Chi haisü thai-jü hri pfüyu haivei shoyu khoche süna buyu puh chipaoe.

PONGAOPEIYU 2:5

Südonou ne daizhozhou kaadoua dekouresa touyu sü lichokhaio! Nemah hinou le dalouwo ea nenou raiki souyu vahtaosü souloukhaio. Nenou nemah hinou le daluomo louzü, Enou ne hi taveloua nevei meibvü dzükhaiyu buh nasü süna buh hinou potalou bailai.

PONGAOPEIYU 22:20

Chi haitao teiteihi zhopaoh pei-a buyu puhnou paoe, “Ovai chechenou! Esü thala-a laire!” Amen. Vepeio, Mapao Jisu!

PONGAOPEIYU 22:7

Jisu nou paoe, “Zhukhaio! Esü thala-a laire! Larübvü hainavei rachi paopakhai touyu chipaotao zülouyu puhsü rakoveie.”

PONGAOPEIYU 3:19

Enou leshimai hrülaiye sü zü-a tudee peiwe, südonou lünoutoulo, alia nemah hinou ledalo.