PONGAOPEIYU 2:14 - SHEEYU BAIBEL (BSI)

¹⁴ Ana Enou nepei hi motouyu daotu bue, süolouzü neletao hrohinou kamaisü Balaam nou doupeiyu thaifüyu mai bue. Puhnou Israel maitaoye panou bashara hi posheelayu touso touloure ea khulou vah souloua mah hi louloure donou puletao nghojühi do ashi laithou peire sü Balak hi doupeie.

PONGAOPEIYU 2:14 Iomraidhean Croise

ISAIAH 57:14

Mapao nou paoe, “Avei maitaoye panou ahi tavelo. Puletao vei ludu hi khu-a buyu veishi sü polai peio! Ludu sü souta khaio, ae souda peio.

JEREMIAH 6:21

Enou mai haitao sü panou phi süloua kaodu talai. Pfüpuo maitao ae nahmaitao-a thailai, alia samai khamaitao ae kinapamai noupu puletaoye koa thaita bailai.”

EZEKIEL 3:20

“Mai aveih mai ali hai vah ashi souta-a Enou puhye kaozhou ashi hi thoupei louzü, nenou puhye paopi peiloumo louzü puh hai thai-a bailai. Puhvei mahmo donou puh hai thai-a bailai, puhnou vah aveih soukhai touyu khesü Enou licho peilai moe, ae puhnou thaiyu sü ne pei hi velai.

EZEKIEL 44:12

ana puletao nou bashara taoye thoyu sü süthaisa-a souyu donou ae Israel maitaoye süthaimah peiyu donou Ramai Mapao Enou chaachou soua paowe süolouzü puletaoye sü tudee peivuzülai.

MAIPEI PHOUYU 24:14

Balaam nou Balak hi paoe, “Chuo Enou avei maitao hi dakhai talaire, ana E tamo jünou haithai naki Israel maitao nou nevei maitao hi daisoulai touyu hai paopeilai.”

MAIPEI PHOUYU 31:16

Naotumai nou Balaam vei chi züloua Israel maiye Peor hinou süthaimah peie touyu sü sülo. Südonou Mapao vei maitao hi rahta sü pove peie.

MAIPEI PHOUYU 31:8

Puletao nou Midian maivei veo angou: Evi, Rekem, Zur, Hur, ae Reba hai maitao-a southare. Puletao nou Beor nahpoutu Balaam-a southawure.

MATHIU 18:7

Phi süloure athaotao buyu vanou deiphaohai daizhozhou ngaopisa! Daiolouzü haibüyu athaohai veimoa vevu zülai, ana athaoye panou veyu mai sünaye donou daizhozhou ngaopisa!

SEI-ATAMAI VAHTAO 15:29

Süolouzü, bashara hi posheelakhai touyu touso, zhe touyu, ssü souhawu-a thaiyu sou ea khu-lou souyu vah haitao teitei sü thaowu-o. Haitao teitei hai neletao nou reitou louzü veiloulai. Neletao rako avei souloukhaio.”

SEI-ATAMAI VAHTAO 21:25

Ana louche louyu tahrüh kukhemai tao donou louzü, Ehnou Ehvei chi kukouyuna vanou puletao hi seiko ali seivere süolouzü puletao hai bashara hi potho khaitouyu touso, zhe touyu, ssü souhawu-a thaiyu sou, alia khu-lou souyu vah hinou thao vuzülai tea paore.”

ROMMAI 11:9

Alia David nou paoe, “Puletaoye sü puletao vei nühbuh hinou muloutheo ea beiloutheo. Puletao sü kaotatheo, puletaoye sü tudee peitheo!

ROMMAI 14:13

Südonou Eletao nou alinou liye chi kupu khailai mokhe, ana nenou hakia ne thaihou jüraiye panou phi süloure moa mah hi kaodu louloure hatalia soukhai laimoe touyu hisü le latoulo.

ROMMAI 14:21

Sou toumoyu, zhaoh shomoyu moa ne thaihou jüraimaiye panou phi süloure hatali soumoyu nanou veie.

ROMMAI 9:32

Daidonou ngaolou moe? Daiolouzü puletao nou süsü lü vanou phoumoa puletao nou sou-pfüyu vah sünaye lüa phouyu donoue. Alia südonou puletao hai “Phisü loure chuh” süna vanou phisü loure.

1 KORINTHMAI 1:23

Ana Ehwo louzü kros vanou thaipeiyu Khrista vei ko paodouwe, chipao hainasü Jihudimai donou phisü loure süe ea tahrüh kukhemai donou avoyu süe;

1 KORINTHMAI 7:2

Ana khulou vah souloure athao buyu donou poutumai hrülainou lah lahvei chapfü sü buloukhaio, alia naotumai hrülainou lah lahvei chaa sü buloukhaio.

EBRIAMAI 13:4

Sheenghiyu hai maikhemai hrülainou tsükhoulai, alia sheenghiyu vei zühnasü souzhaiwuso; daiolouzü Ramai nou khakha chaozüyu ea maipfü maipuo sapayu maiye chikulai.

JOSHUA 24:9

Süthai Zipper nahpoutu Balak, Moab hi veo nou neletao ye reih souwe, alia puhnou neletao ye pa chaa peire donou Beor nahpoutu Balaam ye kulouwe,

1 PITAR 2:8

Alia kukhe sheeyu larübvü buh ali hinou paoe, “Maikhe maiye panou phi sülou laiyu chuh nasü hainae, puletaoye panou kaodu laiyu chuhdu nasü hainae.” Puletao sü phi süloure daiolouzü puletao nou chipao nasü louche moe; sükuyu hai puletaoye donou Ramai nou lichoyu nasüe.

2 PITAR 2:15

Puletao hai acheche ludu nasü thaowu-a motare; zümoyu vah souyu vanou ngaolouyu poushanaye leshiyu Beor nahpoutu Balaam vei luduna thaifüa puletaosü tare,

JUD VEI SEIKO 1:11

Puletao donou daizhozhou ngaopisa! Daiolouzü puletao nou Kain nou tayu luduna thaifü loure. Pousha vanou lah puletaosü Balaam nou soumahyu mah nahi duloure alia Korah nou souyu büa puletao nou reih soubvüyu donou puletaoye sü puh kua souhare.

PONGAOPEIYU 2:20

Ana Enou nepei hi motouyu haitao bue: Nenou lah puhye nou rachi paolapai tea kuyu naotupai Jezebel ye koa shamea peiwe. Puhnou Akilaitaoye khulou vah soure ea bashara hi posheelayu tousotao toure donou doupeia sümah peiwe.

PONGAOPEIYU 2:4

Ana Enou nepei hi motouyu sü hainae: nenou raiki Eye leshiyu büa chuwo leshi peikhai more.

PONGAOPEIYU 21:8

Ana, khuhayumai lüloumomai, souzhaiwuyu maitao, maiye southeamai, khulou vah soumai, khei-khupado souyu maitao, basharaye thoyu maitao alia madayu mai hrülai taovei buhwo louzü meinou ea meichuh nou dei-a buyu meizai sünasüe, süsü athai ahai chenasüe.”

PONGAOPEIYU 22:15

Ana nuhdu vakouhi buyu maitaosü seitao, khei-khupado souyu maitao, khulou vah souyu ea maiye southeayu, alia basharaye thoyu ea chi-la hinou ea sou-pfüyu hinou madayu sükhe maitaoe.