PONGAOPEIYU 2:13 - SHEEYU BAIBEL (BSI)

¹³ Nenou hrüa buyu buh sü Enou süwe, sühisü Saitan vei vebuh bue. Newo Azhih hinou cheche-a bue, alia Avei cheche zhopaoh sou-apeio Antipas ye Saitan nou buyu buh sühinou southeayu ki koutea newo Ahi lüa buyu hai hakia thaokhai moe.

PONGAOPEIYU 2:13 Iomraidhean Croise

MATHIU 10:23

Puletao nou neletaoye nuhdu ali hinou souveayu kisü, kukhe alihi tuvelo; daiolouzü cheche vuzü Enou neletao hi paowe, neletao nou Mai Nahpoutu nou vemo jühisü Israel nahmaitao vei nuhdu taohi taveche louhoe.

MATHIU 24:9

“Süthaisü puletao nou neletaoye souvea souhore donou thoupeilai, alia neletaoye southealai; alia Azhih donou neletaoye tahrüh veishinou ngaoralai.

MATHIU 4:10

Süthaisü Jisu nou chila peie, “Tawo, Saitan! daiolouzü haibüa rüthoure, ‘Nenou ne Ramai Mapaoye khurülai ea puhye likheithe nenou kuvah soulai!’ ”

LUK NOU RÜYU KO AVEIBVÜ 21:17

Mai hrülainou neletaoye Azhih donou ngaoralai.

SEI-ATAMAI VAHTAO 22:20

Alia nevei zhopaohmai Stephan zhe soupayukia E-a puhye southeayu hisü ae-ao tea sühinou la-a bue ea puhye southeayu maitao vei sahnü taosü khoa bue.’

SEI-ATAMAI VAHTAO 9:14

alia nezhih hinou kua buyu mai hrülaiye niloure donou puhnou napao adumaitao hinou soulouvei khouko sü ngaoloua buh haihi ve-e.”

1 THESSALONIMAI 5:21

Ana ha teiteiye sü zhai zhukhaio; avei nasü potouloukhaio,

1 TIMOTHI 5:8

Ana maitalinou puhvei ta-rai maitaoye ea matsüsoua lah puhvei kikha maitaoye ki-kotou peimo louzü puhnou lü naye sü baloure ea puhsü lüloumomai ali jünou shikoure.

2 TIMOTHI 1:13

Nenou Ahinou choulouyu acheche chipaotao vei zhai taosü soutaosoua thaifülo, alia Khrista Jisu ye koa ali soulouyu hinou Eletao vei soua buyu lü ea leshina hinou bulo.

2 TIMOTHI 2:12

Eletao nou shamea-a bulouzü, Eletao-a puhye koa vezholai. Eletao nou puhye balouzü, Puh-a Eletaoye balai.

EBRIAMAI 10:23

Eletao nou füa laiyu areih sünasü Eletao nou letsüyu soukhaimoa soutao soua polou laikhe, daiolouzü apaopeiyu puhye sü louchelou veie;

EBRIAMAI 3:6

Ana Khristawo Nah Poutu alikua cheche-a Ramai vei kisü khoe. Eletao nou rei-a buyu hisü khuveia ea louche touloua bulouzü Eletao sü puh kie.

JEMS 2:7

Neletao hi peikhai touyu zhih avei naye paoshi-paokhayu sü puletaoe.

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,

PONGAOPEIYU 11:3

Enou lousahnou bahnouyu Avei zhopaohmai ahaiye seivelai, alia puhai nou teithe 1,260 phasü Ramai chipao paodoulai.”

PONGAOPEIYU 12:11

Alia Eletao thaihou jürai maitao nou zhaotu sünavei zhe ea puletao zhopaohvei chipao süna vanou puhye sü koloure, daiolouzü puletao nou thai koute puletao vei hrümaisü pakhaimoe.

PONGAOPEIYU 13:2

Enou ngaoyu khaosou nasü shirakhaoye raiwe, ana puh phisü vuhphi kue ea müsü souveo mü kue. Alia puh hisü zai nghoudu nanou puhvei khouko, puhvei vebuh ea paopu souloure dushoyu khoukosü peire.

PONGAOPEIYU 14:12

Haihisü Ramai chikha züa buyu ea Jisu hinou cheche-a buyu sheeyu maitaoye donou shamea loure ku-a bue.

PONGAOPEIYU 17:14

Puletao nou Zhaotu süna pei hisü reih soulai; ana Zhaotu sünanou puhvei kulouyu, dolouyu, alia cheche-a puhthai fülaimaitaoye koa puletaoye sü koloulai, daiolouzü puhsü paopumaitao pei hi Mapaoe ea vemaitao pei hi Veo nasüe.”

PONGAOPEIYU 17:6

Alia sheeyu maitao vei zhe ea Jisu hinou cheche-a buyu vanou southeayu maitao vei zhenou shozhia buyu naotupai sünaye sü Enou ngaoe. Enou puhye ngaolouyu kisü, Esü khupasho loure.

PONGAOPEIYU 2:2

Enou nevah ea nenou kazhou koute te-a ea shamea-a vah sousa touyu sü süwe; alia nenou maishimai taoye koa shamea zholouhoe touyu süolouzü puletaohai sei-atamai mokhaia sei-atamai baie tea paoyu sümaitao zhaisü nenou zhuloua puletao vei amadasü phoupaloue touyu sü Enou süwe.

PONGAOPEIYU 3:11

E thala-a laire. Maitalinoua nevei veo peirüsü saolou more donou, nehi buyu nasü soutao soua polo.

PONGAOPEIYU 3:3

Südonou ne hi doupeikhai touyu ea nenou choulouyu sü lichokhaio; süsü zülo ea ledalo. Nenou kaishumo louzü, Enou vaomaili büa nehi tavelai, alia Enou daipha hinou ne hi velaisa touyu sü nenou sülai moe.