PONGAOPEIYU 2:10 - SHEEYU BAIBEL (BSI)

¹⁰ Nenou thala-a veahoyu daore süvanou pikhaiso. Zhukhaio rashinanou neletao kamaiye zhai zhure donou hukhahi laithoulai, alia neletaosü teithe kiruopha veaholai. Athai koute Ahinou cheche-a bulo, alia ahri Veo peirüsü peilai.

PONGAOPEIYU 2:10 Iomraidhean Croise

LOUTAO 31:23

Mapao ye louche-a buyu mai hrülai, puhye leshilo. Puhye louche-a buyu maitao sü Mapao nou vupa peiwe, ana khaophu soua buyu maiye sü puletao nou ngaozüa buyu na thaifüa tudee peiwe.

DOPFÜYU 3:57

Nenou Eye chila peie ae Eye ngaopiso tea ahi paopeie.

DANIEL 1:12

“Teithe kirou lihai Etaoye panou vupou toua ae dzü likhi nou ke-e nenou zhuwo.

DANIEL 1:14

Puhnou haibüa paoyu sü aetou peia teithe kirou lihai zhue.

HABAKKUK 2:3

Süna hai rükhailo, daisounou tiyuwo, cheche-a vepare teile sü koumo hie. Ana teile sü thashoa laire, Enou ne hi ngaopeiyu nasü vepa vuzülai. Sünasü sososoua veyu büa bailai, ana süsü kholo; sünasü vepa vuzülai, ponapu khailai moe.

MATHIU 10:22

Alia Azhih vanou mai hrülainou neletaoye ngaoralai. Ana akhai koute healouyu puhye sü khaipeilai.

MATHIU 10:28

Alia pfüphaoye southealou khaia rakoye southealou hoyu puletaoye piso; ana pfüphao ea rako ahaiye koa meizaihi pothou souhalou süyu Ramaiye pilo.

MATHIU 24:13

Ana khai koute shamea louyu puhye sü khaipeilai.

MARK 13:13

Adonou mai hrülainou neletaoye ngaoralai. Ana akhai koute shamea louyu puhye sü khaipeilai.

MARK 8:35

Daiolouzü maitalinou lah puh hriraihai khailulou nülouzü süsü hawulai; alia maitalinou Eye donou ea ko avei donou puh hrirai hawulouzü süsü khailu loulai.

LUK NOU RÜYU KO AVEIBVÜ 21:12

Ana sütao teitei pamojü hinou puletao nou neletaoye niloua souvea-souholai. Puletao nou neletaoye rathobuh taohi ea hukhahi thoupeilai, alia Azhih donou neletaoye vemaitao ea teidei khomaitao nghojühi savelai.

JOHAN 12:25

Lah puh hrümaiye leshi baiyu mai sünou sünasü habailai, alia deiphao haina hinou lah puh hrümaiye ngaorayu mai sünou sünahai teisa hrire donou pokhai loulai.

JOHAN 13:2

Koukhe tovai nasü vai-a buyu hinou, rashi nanou Simon nahpoutu Iskariot Judas lekhehi Jisu ye ngaobamai bah hi shoh southou peire tsü nasü pothou peire.

JOHAN 13:27

Judasnou raokhaopho süna polouyu thaisü, Saitan nou puh hi louloure. Jisu nou puh hi paoe, “Nenou soure nasü thala-a soukhaio!”

SEI-ATAMAI VAHTAO 20:24

Sütoukhaima Enou lah Ahrühai Eye donou ha muhlia hae tea chobaie; Enou züpayuwo louzü Ahrü hi soure vah ea Enou Mapao Jisu hinou ngaolouyu Ramai zhuvea vei ko aveina vanou zhopaoh soure vah souchere sütao likhei baie.

SEI-ATAMAI VAHTAO 21:13

Ana puhnou chila peie, “Neletao daisounou haibüa kra-a Ale souphewe? Daiolouzü Mapao Jisu ye donou Jerusalem hinou Eye hukhahi panou thouyu likhei baimoa sühinou thaiyu koutea Ewo souda-a bue.”

1 KORINTHMAI 9:25

Koyumai alinou soudoubu kisü ha teitei hinou lah pfüzhoye tukhawe. Puletao nou haisü hakalou veiyu veo peirü ngaore donou souwe; ana Eletaowo louzü haisü teisa hakalou hoyuna vei donou souwe.

EPHESAMAI 2:2

Süpha kisü neletaosü deiphao hi ashi luduna thaifüa tae; Ramai chi zübayu maitaoye chu tukha-a buyu rako, rateihi buyu rako hilo khoukotaovei peichana chi sü neletao nou züwe.

EPHESAMAI 6:12

Daiolouzü Eletaowo ke-zheye reihzümoe, ana rakilo buhtaohi buyu ashi rakotao vei khoukotao, paopu maitao, peikho maitao, alia chu teizhi hainavei teideiphao vei khoukotaoye reih züwe.

JEMS 1:12

Zhai zhuyu hi shamea louyu puhsü rako veie, daiolouzü puhnou zhai zhuyu süsü kolouyu kisü, Ramai nou puhye leshimaiye peilai tea apaokhai touyu ahri peirü nasü puhnou ngaolai.

1 PITAR 5:4

Alia zhaokhowo peichananou veyu kisü neletao nou vütakhai laimoyu khouko avavei Veo peirüsü ngaolai.

1 PITAR 5:8

Leikeilo, zhai helo! Neletaoye ngaobawo Rashi nasünou kamaiye tsütou loure donou ra sühao-a laiyu khaosouveo alikua tasühao-a laiwe.

PONGAOPEIYU 13:14

Alia khaosou araina nghojünou souloure puh hi aetou peikhai touyu khupavah sütao vanou puhnou deiphao hi hrüa buyu maikhemai hrülaiye sü lawure. Puhnou deiphao maikhe maitao hi khochenou zhupeikhai-a hria buyu khaosou sünaye tsükhouyu pongaore sünavei zhu kuyu bashara ali daokhaio tea chikha peie.

PONGAOPEIYU 13:2

Enou ngaoyu khaosou nasü shirakhaoye raiwe, ana puh phisü vuhphi kue ea müsü souveo mü kue. Alia puh hisü zai nghoudu nanou puhvei khouko, puhvei vebuh ea paopu souloure dushoyu khoukosü peire.

PONGAOPEIYU 13:7

Puh hisü sheeyumaitao pei hi reih züloua puletaoye koloure aetou peire. Alia puh hisü khü hrülai, tahrüh, la ea maitya hrülai pei hi paopu soure zü nasü peire.

PONGAOPEIYU 17:14

Puletao nou Zhaotu süna pei hisü reih soulai; ana Zhaotu sünanou puhvei kulouyu, dolouyu, alia cheche-a puhthai fülaimaitaoye koa puletaoye sü koloulai, daiolouzü puhsü paopumaitao pei hi Mapaoe ea vemaitao pei hi Veo nasüe.”

PONGAOPEIYU 2:13

Nenou hrüa buyu buh sü Enou süwe, sühisü Saitan vei vebuh bue. Newo Azhih hinou cheche-a bue, alia Avei cheche zhopaoh sou-apeio Antipas ye Saitan nou buyu buh sühinou southeayu ki koutea newo Ahi lüa buyu hai hakia thaokhai moe.

PONGAOPEIYU 2:9

Enou nevei veahoyu ea toure hayu sü süwe, ana newo chechenou haniwe! alia lah puletao münou puletaohai Jihudimaie tea paokhaia chechemoyu ea Saitanme hinou vebaiyu puletao nou nepei hi chishi paoyutaosü Enou süwe!