PONGAOPEIYU 19:6 - SHEEYU BAIBEL (BSI)

⁶ Süthaisü Enou maisou alaovei pai kuyu, dzüdu kho kuyu ea chihshoyu teisüyu kho kuyu pailinou haibüa paoyu choue, “Hallelujah! Daiolouzü Mapao, Eletao vei khoukhoulai Ramai nou Veo souloure!

PONGAOPEIYU 19:6 Iomraidhean Croise

JOB VEI LARÜBVÜ 40:9

Ne Enou khouyu büa khouwu? Nevei paila hai teisüyu büa chipaoshu avei pai railou süvu?

LOUTAO 47:2

Kukulaiwo Mapao ye sü ngaopilo; puh hai dukayu veo nasüe, puhnou teideiphao veishi pei hinou khasa-a bue.

LOUTAO 47:7

Ramai nou teideiphao teitei pei hi veo nasüe, puhye sü lou nou sousholo!

LOUTAO 77:18

Nevei teisüyu kho nasü nou büvere, ae teideiphao teitei sü teipei vavayu nasünou vapha touloure, deiphao sü nguhrührüa lülu lure.

LOUTAO 93:1

Mapao nou veo sü soua bue. Puh hai kathe aveih ae khouko sünou banoupoa bue. Deiphao hai soutaosoua nou soutsü tou khaipeiwure, ae hainasü soulülou hore.

LOUTAO 97:1

Mapao nou veo nasüe! Deiphao, asalo! Zai dzü nou sühao buyu teideitao, lesa loukhaio!

LOUTAO 97:12

Achehe hinou hrüyu mai hrülai, Mapao vei zhih hinou asalo! Sheeyu Ramai nou soupeikhai touyu vah khesü licholoua puhye kalo paopeikhaio.

LOUTAO 99:1

Mapao nou veo süe, mai hrülaiye panou pingua bulo. Puh hai shouh pfüyu khaona phao vanou puhvei vebuh hisü bue, ae deiphao sü panou ngulü khaio.

ISAIAH 52:7

Deichi vanou ko avei paodou laiyu, kaonayu ko ae savayu ko aveih polai mai, ae khailu peiyu ko pao-a Zion hi “Neletao Ramai nou Veo soure” tea pao-a laiyu mai phisü daizhouzhou zhai veisa!

JEREMIAH 51:48

Reilova nou buyu maitao nou tave Babilon ye souha peiyu phaki deiphao hi buyu ae rateiva nou buyu na veishi nou asah soua shalai.

EZEKIEL 1:24

Puletao nou zhaotayu phaki, puletao vei shouh kho hai zaidzü nghouyu kho büa, reihmai alao nou tayu kho büa ae khoukhoulai Ramai vei pai büa Enou choue. Puletao nou chaoyu phaki, puletao vei shouh sü khailou lou-a baiwe,

EZEKIEL 43:2

ae Enou teinghei palova nou Israel maivei Ramai vei khouko ava nasü va-a nou zhingao-e. Ramai vei paikho hai zai hi dzü nghouyu büe, ae puhvei khouko ava sünou deiphao sü valoure.

MATHIU 6:13

Alia Ehye athaohi süthailou peiwuso, ana Ehye ashina hinou vupapeio.’ (Daiolouzü Vedei, khouko ea khouko avasü teisanou neveie. Amen)

PONGAOPEIYU 1:15

puh phisü mei hinou pothou deiloua kukhai touyu peiva vayu hu baosa zhu kue, alia puh paisü dzü alaovei pairao kue.

PONGAOPEIYU 1:8

Chuchu buyu, raikinou buyu, alia thaikhaihi velaiyu khoukhoulai Ramai Mapaowo nou paoe, “Esü Alpha ea Omega süe.”

PONGAOPEIYU 12:10

Süthaisü rakivanou chih shoyu pailinou haibüa paoyu sü Enou choue, “Chuwo Eletao Ramai vei khailu peiyu, khouko, vedei ea puhvei Khrista khoukosü vere! Daiolouzü Eletao Ramai nghojünou la-a Eletao thaihou jürai maitaoye khei-hea mah dukhaipei-a buyu puhye sü raki hinou hukoure.

PONGAOPEIYU 14:2

Alia Enou raki vanou dzü dukho kuyu ea teisüyu pai kuyu paili choue. Pai süsü lou souyu mainou puletao vei lanabvü aduna kayu loukho süna büe.

PONGAOPEIYU 19:1

Haithaisü rakivanou maisou alaovei pai-rao büyu kho alinou haibüa paoyu Enou choue, “Hallelujah! Khailu peiyu, adusho alia khoukosü Eletao Ramai veie!

PONGAOPEIYU 19:4

Tsümai kaidaitao ea hrikhaona adaitao nou kou kaoloua vebuh hinou chobua buyu Ramaiye sü tholoua paoe, “Amen! Hallelujah!”

PONGAOPEIYU 21:22

Alia Enou nuhdu sühisü Rathoki alia ngaomoe, daiolouzü Khoukhou lai Ramai Mapaowo ea Zhaotou sünanou sünavei Rathokie.

PONGAOPEIYU 4:5

Vebuh süna hinou tei peivavayu, pairao ea teisüyu kho tyatyali pawe. Alia vebuh süna nghojü hisü mei keivava pfüa buyu meibvü anai bue, sütaosü Ramai vei rako anaitaoe.

PONGAOPEIYU 6:1

Süthaisü Zhaotu sünanou paoshee anaitao hronou raikhana hapayu sü Enou ngaoe, alia hrikhaona adai hrohinou alinou teisüyu kho büa, “Tavelo!” tea paoyu pailisü Enou choue.

PONGAOPEIYU 8:5

Sühinou rakivamai sünanou ha kainüveiyu meitaoyu bvü sünasü poloua süsü sheelabuh hi mei sünanou thouphouloua süsü deiphao hi polai koure; alia sühisü pairao ea teisüyu kho, tei peivavayu, alia nü süyu paloure.